Teja Sajja: రెమ్యునరేషన్ ను పెంచేసిన హనుమాన్ సినిమా హీరో.. ఏకంగా రూ.అన్ని కోట్లా?

టాలీవుడ్ దర్శకుడు ప్రశాంత్ వర్మ దర్శకత్వంలో తేజ సజ్జా హీరోగా నటించిన తాజా చిత్రం హనుమాన్. గత నెల సంక్రాంతి పండుగ కానుకగా విడుదలైన ఈ సినిమా బాక్సాఫీస్ వద్ద సరికొత్త రికార్డులు సృష్టించింది. చిన్న సినిమాగా విడుదలైన ఈ సినిమా దాదాపుగా 300 కోట్లకు పైగా కలెక్షన్స్ ను సాధించింది. రికార్డ్ స్థాయిలో కలెక్షన్స్ సొంతం చేసుకొని అందరి చేత శబాష్ అనిపించుకుంది. కాగా ఈ సినిమాను కన్నడ తమిళం హిందీ మలయాళ భాషల్లో కూడా విడుదల చేసిన విషయం తెలిసిందే. అన్ని భాషల్లో ఈ సినిమాకు పాజిటివ్ రెస్పాన్స్ వచ్చింది. అంతేకాకుండా పాన్ ఇండియా లెవెల్లో కలెక్షన్ల సునామీని సృష్టించింది హనుమాన్.

అలాగే విదేశాల్లో కూడా హనుమాన్ సినిమా హిట్ టాక్ తెచ్చుకుంది. ఈ సినిమాతో పాన్ ఇండియా హీరోగా గుర్తింపు తెచ్చుకున్న యంగ్ హీరో తేజ తాజాగా తన రెమ్యునరేషన్ ను భారీగా పెంచేసినట్టు వార్తలు జోరుగా వినిపిస్తున్నాయి.
కాగా హనుమాన్ సినిమా కోసం తేజా కోటి రూపాయలలోపే పారితోషికం తీసుకున్నాడు. అయితే ఇప్పుడు ఈ సినిమా రూ.300 కోట్ల క్లబ్‌లో చేరడంతో తేజ సజ్జకు డిమాండ్ పెరిగింది. అతనితో సినిమాలు చేసేందుకు చాలా మంది నిర్మాతలు ముందుకు వస్తున్నారు. దాంతో ఈ కుర్ర హీరో రెమ్యునరేషన్ పెంచేశాడని టాక్ వినిపిస్తుంది. ఒక్కో సినిమాకు 5 నుంచి 10 కోట్ల రూపాయల వరకు పారితోషికం డిమాండ్ చేస్తున్నాడట తేజ.

అయితే ఈ వార్తల్లో వాస్తవమెంత అన్నది తెలియాల్సి ఉంది. ఈ వార్తలు సోషల్ మీడియాలో వైరల్ అవ్వడంతో పాన్ ఇండియా హీరో కాబట్టి ఆ మాత్రం ఉండాల్సిందే అంటూ కామెంట్లు చేస్తున్నారు. ఇంకొందరు ఒక్క సినిమా హిట్ అవ్వడంత్తో కంగా అన్ని కోట్లు పెంచేశాడా అంటూ షాక్ అవుతున్నారు. కోటి రూపాయలు ఎక్కడ పది కోట్లు ఎక్కడ అంటూ ఇంకొందరు ఆశ్చర్యపోతున్నారు. ప్రస్తుతం ఈ వార్త సోషల్ మీడియాలో హాట్ టాపిక్ గా మారింది. మరి ఈ విషయంలో నిజానిజాలు తెలియాలి అంటే మూవీ మేకర్ స్పందించే వరకు వేసి చూడాల్సిందే మరి.