Dil Raju Shocked: నిర్మాత దిల్ రాజుకు షాక్ ఇచ్చిన ‘థ్యాంక్యూ’

Dil Raju

ఒకప్పుడు దిల్ రాజుకు పట్టిందల్లా బంగారమే. ఆయన బ్యానర్ నుంచి ఏదైనా సినిమా వస్తుందంటే మినిమమ్ గ్యారంటీ హిట్. కానీ అలాంటిది దిల్ రాజుకు వరుసగా కష్టాలు వచ్చిపడుతున్నాయి. నాగచైతన్య హీరోగా నటించిన థ్యాంక్యూ మూవీ దిల్ రాజుకు భారీ షాక్ ఇచ్చింది. రీసెంట్ గా హిందీ ప్రొడక్షన్స్ లో జెర్సీ, హిట్ సినిమాలను అందించారు. కానీ ఆ రెండు బాక్సాఫీస్ వద్ద బోల్తా కొట్టాయి. వాటి ఫెయిల్యూర్స్ నుంచి నుంచి తేరుకోకముందే తాజాగా మరో షాక్ తగిలింది. విక్రమ్ కుమార్ దర్శకత్వంలో దిల్ రాజు నిర్మించిన “థ్యాంక్యూ” నాగ చైతన్య కెరీర్‌లో అతి తక్కువ ఓపెనింగ్ కలెక్షన్లు సాధించింది. ఈ చిత్రం ఏపీ, తెలంగాణల నుంచి కేవలం రూ.1.50 కోట్ల షేర్ రాబట్టింది. మొత్తం సెడెడ్ ప్రాంతం కేవలం రూ. 20 లక్షలు మాత్రమే వసూళ్లను రాబట్టింది.

విచిత్రమేమిటంటే, దిల్ రాజు విడుదలకు ఒక రోజు ముందు ఆంధ్ర ప్రదేశ్‌లోని రెండు సెంటర్‌లలో పెయిడ్ ప్రివ్యూలు కూడా నిర్వహించాడు. కానీ హైదరాబాద్‌లో అలాంటి ప్రయత్నమేమి చేయలేదు. పెయిడ్ ప్రివ్యూలు మంచి బజ్‌ని సృష్టించడంలో సహాయపడతాయని చిత్ర బృందం భావించిందని వర్గాలు చెబుతున్నాయి. కానీ అది ఎదురుదెబ్బ తగిలింది. అక్కడి నుంచే నెగిటివ్ టాక్ స్ప్రెడ్ అయింది. ఇలాంటి సిల్లీ ఐడియాలు ఇచ్చిన టీమ్‌ని దిల్ రాజు మందలించిన తప్పు లేదు. మరి నాగ చైతన్య తన సినిమాకి ఇంత తక్కువ ఓపెనింగ్స్ వచ్చినందుకు దిల్ రాజకు షాక్ తగిలిందనే చెప్పక తప్పదు.

Follow us