Hari Hara Veera Mallu: పవర్ స్టార్ ఫ్యాన్స్‌కు గుడ్‌న్యూస్.. హరి హర వీరమల్లు టీజర్ వచ్చేస్తోంది

Pawan

Hari Hara Veera Mallu: పవర్ స్టార్ పవన్ కళ్యాణ్ తొలి పాన్ ఇండియా మూవీ హరి హర వీరమల్లు కోసం అభిమానులు ఎన్నో నెలలుగా ఆసక్తిగా ఎదురుచూస్తున్న ఓ ఇంట్రెస్టింగ్ అప్డేట్ ను చిత్రబృందం విడుదల చేసింది. మే 2, 2024 ఉదయం 9 గంటలకు అన్ని ప్రధాన భారతీయ భాషల్లో ఈ సినిమా అధికారిక టీజర్ను విడుదల చేయనున్నట్లు చిత్రబృందం ప్రకటించింది. ఈ ప్రకటనతో పాటు అదిరిపోయే పోస్టర్ కూడా ఉంది. ఈ టీజర్ సినిమాపై ఆసక్తిని రేకెత్తించి సాలిడ్ బజ్ క్రియేట్ చేస్తుందని అభిమానులు అంచనా వేస్తున్నారు.

క్రిష్ జాగర్లమూడి దర్శకత్వం వహించిన ఈ సినిమాలో నిధి అగర్వాల్ హీరోయిన్ గా నటించింది. యానిమల్ సినిమాతో మంచి గుర్తింపు తెచ్చుకున్న బాబీ డియోల్ కూడా ఈ పీరియాడికల్ యాక్షన్ అడ్వెంచర్ డ్రామాలో నటిస్తున్నాడు. మెగా సూర్య ప్రొడక్షన్ బ్యాన ర్ పై ఎ.ఎం.రత్నం నిర్మిస్తున్న ఈ చిత్రానికి ఎం.ఎం.కీరవాణి సంగీతం అందిస్తున్నారు. విడుదల తేదీ, ఇతర వివరాలను రాబోయే రోజుల్లో ప్రకటిస్తామన్నారు.

Also Read: Viral Video: సమ్మర్ ఎఫెక్ట్.. స్విమ్మింగ్ పూల్‌గా మారిన క్లాస్‌రూం, వీడియో వైరల్

Follow us