Marathi Film: బాక్సాఫీస్ ను షేక్ చేస్తున్న మరాఠీ మూవీ, 3 వారాల్లో 58 కోట్లు వసూలు
చాలామందికి ప్రాంతీయ సినిమాలు అంటే చిన్న చూపు చూస్తారు.
- By Balu J Published Date - 03:09 PM, Fri - 21 July 23
చాలామంది ప్రాంతీయ సినిమాలు అంటే చిన్న చూపు చూస్తారు. కానీ ప్రస్తుతం ప్రాంతీయ సినిమాలే బాక్సాఫీస్ ను షేక్ చేస్తున్నాయి. కలెక్షన్ల వర్షం కురిపిస్తున్నాయి. కాంతార మూవీ కూడా చిన్న సినిమాగా విడుదలై సూపర్ హిట్ అయ్యింది. ఈ నేపథ్యంలో మరాఠీమూవీ ‘బైపన్ భారీ దేవా’ మరాఠాలో దుమ్మురేపుతోంది. విడుదలైన 3 వారాల్లో రూ.58 కోట్ల దిమ్మతిరిగే కలెక్షన్లు రాబట్టి బ్లాక్ బస్టర్ స్టేటస్ అందుకుంది. కేదార్ షిండే దర్శకత్వం వహించిన ఈ చిత్రంలో 6 మంది నటీమణులు ప్రధాన పాత్రలు పోషించారు. ఈ మరాఠీ చిత్రం అద్భుతమైన బాక్సాఫీస్ ప్రదర్శనతో సరికొత్త రికార్డులను సాధిస్తోంది.
ట్రేడ్ అనలిస్ట్ తరణ్ ఆదర్శ్ తన ట్విట్టర్ లో ‘బైపన్ భారీ దేవ’ అధికారిక బాక్సాఫీస్ లెక్కలను షేర్ చేశారు. “BLOCKBUSTER RUN 1వ రోజున రూ. 1 కోటి మాత్రమే వసూలు చేసిందని, ఆ తర్వాత అన్యూహంగా 3 వారాల్లో రూ. 58.59 కోట్ల కలెక్షన్లు సాధించి ఆశ్చర్యపర్చిందన్నారు. బైపన్ భారీ దేవా’లో రోహిణి హట్టంగడి, వందనా గుప్తే, సుకన్య కులకర్ణి, శిల్పా నవల్కర్, సుచిత్ర బాండేకర్, దీపా పరాబ్ నటించారు. ఈ చిత్రం జూన్ 30, 2023న థియేటర్లలో విడుదలైంది.
‘బైపన్ భారీ దేవ’ సినిమాను మరాఠీ దర్శకుడు కేదార్ శిందే తెరకెక్కించారు. ఆరుగురు అక్కాచెల్లెళ్లు ఓ కారణంతో దూరమవుతారు. మళ్లీ అనుకోకుండా కలవాల్సివస్తుంది. ఆ తర్వాత వారి మధ్య జరిగిన పరిణామాలే బైపన్ భారీ దేవ’ కథాంశం. ఈ సినిమాలో అక్కాచెళ్లళ్ల ప్రాతలో కనిపించిన నటీమణులు అద్భుతంగా నటించారు. ఫ్యామిలీ సెంటిమెంట్స్ బాగా వర్కవుట్ అయ్యింది. ఈ మూవీని చూసేందుకు ఇతర భాషల ప్రేక్షులు సైతం ఆసక్తిని చూపుతుండటం విశేషం.
Also Read: Chandrababu Naidu: పరువు గురించి ప్రభుత్వం మాట్లాడటం పెద్ద జోక్: చంద్రబాబు నాయుడు
