AR Rahman : మార్వెల్ సినిమాలు కూడా పాప్కార్న్‌తో ఎంజాయ్ చేస్తాం

AR Rahman : ప్రఖ్యాత సంగీత దర్శకుడు, ఆస్కార్ విజేత ఏ.ఆర్. రెహ్మాన్ తన సంగీత యాత్రలో ఎన్నో మైలురాళ్లు సాధించినప్పటికీ, సాధారణ ప్రేక్షకుడిలా సినిమాలను ఆస్వాదించడం మరిచిపోలేదని చెప్పారు. మార్వెల్ సినిమాలు వస్తే తన టీమ్‌తో కలిసి థియేటర్‌కి వెళ్లి పాప్కార్న్ తింటూ సరదాగా చూస్తామని ఆయన ఒక ఇంటర్వ్యూలో వెల్లడించారు. మీడియాతో మాట్లాడుతూ రెహ్మాన్ చెప్పారు: “కొన్నిసార్లు మేమంతా కలిసి మార్వెల్ సినిమాలు చూస్తాం. 20-30 మంది థియేటర్‌లో వెనక్కి కూర్చుని పాప్కార్న్ తింటూ ఫుల్ ఎంజాయ్ చేస్తాం. ప్రతి రెండు మూడు నెలలకు ఒకసారి అలా వెళ్తాం.”

మార్వెల్‌లో ఆయనకు ఇష్టమైన క్యారెక్టర్ ఏదైనా ఉందా అని అడగగా, “ప్రత్యేకంగా ఎవ్వరూ కాదు. ఏం కొత్త సౌండ్ ఇస్తారో వినడమే ఆసక్తి” అని చెప్పారు. రెహ్మాన్‌ను, “మీరు సినిమా చూసేటప్పుడు నిజంగా ఆస్వాదిస్తారా? లేకపోతే ఎప్పుడూ మ్యూజిక్ గురించి ఆలోచిస్తారా?” అని ప్రశ్నించగా, ఆయన స్పందిస్తూ చెప్పారు. “అది తప్పదు. మనసు ఆటోమేటిక్‌గా ఆలోచిస్తుంది. వారు ఏం చేస్తున్నారు, పాట ఎలా పాన్ చేశారు, బ్యాక్‌గ్రౌండ్ స్కోర్ ఎంత ఇన్నోవేటివ్‌గా ఉంది, ఇంకా బెటర్‌గా చేయవచ్చా అనిపిస్తుంది. ఇదే విధంగా నా పనిని కూడా చాలా మంది విమర్శిస్తారు కదా!”

Kavitha : నేడు మీడియా ముందుకు కవిత..ఎలాంటి బాంబ్ పేలుస్తుందో అనే ఉత్కంఠ !!

ఇంటర్వ్యూలో రెహ్మాన్ మరో ఆసక్తికరమైన విషయాన్ని వెల్లడించారు. ఎన్నో సంవత్సరాలుగా రోజూ రాత్రింబవళ్లు కష్టపడి పనిచేసి, ఇప్పుడు మాత్రం తనకు జీవితంలో స్లో డౌన్ కావాల్సిన అవసరం ఉందని ఆయన గుర్తించారు. “ముందు ఒకేసారి ఎన్నో సినిమాలపై పని చేసేవాడిని. తర్వాత ఏమి వస్తుందో అని టెన్షన్ పడేవాడిని. కొన్ని సార్లు ప్లాన్ చేసినవి జరగవు. దేవుడు ఇచ్చిన దారిలోనే సాగాలి.

నీళ్లలా కంటైనర్ ఆకారం ఎలా ఉంటే అలానే రూపం దాల్చుతుంది. అలాగే నా వర్క్ కూడా సహజంగానే వస్తుంది. ఇప్పుడు కుటుంబం, వ్యక్తిగత జీవితానికి ప్రాధాన్యత ఇస్తున్నాను” అని చెప్పారు. తన కెరీర్ ప్రారంభంలో నిరంతరం పని చేయడం వల్ల జీవితంలోని చాలా విలువైన క్షణాలను కోల్పోయానని ఆయన అంగీకరించారు. ముఖ్యంగా కుటుంబానికి సమయం కేటాయించలేకపోయానన్న బాధ ఉందని అన్నారు. ఇప్పుడు మాత్రం ఆ లోటును భర్తీ చేసుకోవాలని ప్రయత్నిస్తున్నానని తెలిపారు.

Kavitha Suspended : కవిత సస్పెన్షన్ ఏమాత్రం సరికాదు – జాగృతి నేతలు