Allu Arjun: అల్లు అర్జున్ కు అరుదైన గౌరవం.. న్యూయార్క్ లో ఇండియా డే పరేడ్ లో…

పుష్ప సినిమాతో టాలీవుడ్, బాలీవుడ్ తో పాటు ప్రపంచవ్యాప్తంగా క్రేజ్ సంపాదించుకున్నాడు అల్లు అర్జున్. అందుకే బన్నీకి ఫ్యాన్ ఫాలోయింగ్ బాగా పెరుగుతోంది. దీంతోపాటు అరుదైన గౌరవాలు కూడా దక్కుతున్నాయి. ఇప్పుడు ఫెడరేషన్ ఆఫ్ ఇండియన్ అసోసియేషన్స్ – FIA.. ఏకంగా అల్లు అర్జున్ కు లైఫ్ టైమ్ గుర్తుండిపోయే ఆఫర్ ఇచ్చింది. దీంతో అల్లువారి వారసుడు కూడా ఫుల్ హ్యాపీ.

మన దేశానికి స్వాతంత్ర్యం వచ్చి 75 సంవత్సరాలు అవుతోంది. ఈ నేపథ్యంలో కేంద్రం కూడా ఆజాదీ కా అమృత్ మహోత్సవ్ ని నిర్వహిస్తోంది. ఇదే సందర్భాన్ని పురస్కరించుకుని అటు FIA కూడా న్యూయార్క్ లో ఇండియా డే పరేడ్ ను కండక్ట్ చేయనుంది. వచ్చే నెల 21న ఈ కార్యక్రమం జరగనుంది. దీనికి నేతృత్వం వహించే అరుదైన అవకాశాన్ని అల్లు అర్జున్ కు ఇచ్చింది. మన 75వ స్వాతంత్ర్య దినోత్సవాన్ని పురస్కరించుకుని ఈ ఏడాది ఆ వేడుకలను ఘనంగా నిర్వహించబోతున్నారు.

FIA కార్యక్రమంలో భాగంగా పెద్ద కవాతును కూడా ఏర్పాటు చేశారు. ఆ కవాతుకు అల్లు అర్జున్ గ్రాండ్ మార్షల్ గా వ్యవహరిస్తారు. ఈ విషయాన్ని FIA అధ్యక్షుడు కెన్నీ దేశాయ్ తెలిపారు. ఈ ప్రోగ్రామ్ లో న్యూయార్క్ మేయర్ ఎరిక్ ఆడమ్స్ తో పాటు ఇతర ప్రముఖులు కూడా పాల్గొంటారు. ఆజాదీ కా అమృత్ మహోత్సవ్ లో భాగంగా.. ఈ కార్యక్రమంలో టాప్ సింగర్స్ అయిన శంకర్ మహదేవన్, కైలాస్ ఖేర్ లు కూడా పాల్గొంటారని నిర్వాహకులు తెలిపారు.

మొత్తానికి అల్లు అర్జున్ ఫేమ్ టాలీవుడ్, బాలీవుడ్ ని దాటి అమెరికా రేంజ్ లో ఎగిసిపడుతోంది. ఇప్పుడు బన్నీ పుష్ప-2 కోసం హార్డ్ వర్క్ చేస్తున్నట్టు తెలుస్తోంది. పుష్ప-1 బాగా హిట్టవ్వడంతో.. సెకండ్ పార్ట్ ని అంతకుమించి హిట్ చేయడం కోసం దర్శకుడు సుకుమార్ బాగానే కసరత్తు చేస్తున్నారు.