Adivi Sesh Exclusive: మేజర్ తర్వాత 8 బాలీవుడ్ సినిమాలను రిజెక్ట్ చేశా!

Adivi Shes

మేజర్ సందీప్ ఉన్నికృష్ణన్ జీవితం ఆధారంగా అడివి శేష్ నటించిన మేజర్‌ మూవీకి అద్భుతమైన స్పందన లభించింది. మేజర్ సక్సెస్ తో అడివి శేష్  వెంటనే హిట్2 అంటూ మరో ఆసక్తికరమైన పాత్రలో ప్రేక్షకుల ముందుకొచ్చాడు. సినిమా విడుదలకు ముందు ఓ ఇంటర్వ్యూలో శేష్ ఆసక్తికర విషయాలను వెల్లడించారు. మేజర్ విడుదలైన తర్వాత 8 బాలీవుడ్ చిత్రాలకు నో చెప్పారు. నాకు ఇప్పటికే కమిట్‌మెంట్‌లు చాలా ఉన్నందున నేను 8 బాలీవుడ్ చిత్రాలకు నో చెప్పానని తెలిపాడు.

అవన్నీ ఆయా ప్రాజెక్టుల నిర్మాతలు షూటింగ్ చేయాలని ఒత్తిడి చేశాయని, అయితే అందులో కొన్ని క్రియేటివ్ సబ్జెక్టులున్నాయని అన్నాడు. మేజర్ విడుదలకు ముందు కమిట్ అయిన సినిమాలను కంప్లీట్ చేసేందుకు బాలీవుడ్ మూవీస్ రిజెక్ట్ చేయాల్సి వచ్చిందని ఈ నటుడు తెలిపాడు. హిందీ ప్రేక్షకులు నన్ను చూడాలనుకుంటున్నారని, కానీ బిజీ షెడ్యూల్ వల్ల బాలీవుడ్ సినిమాలకు దూరం కావాల్సి వచ్చిందని శేష్ రియాక్ట్ అయ్యాడు. HIT 2 హిందీ విడుదల ప్రమోషన్ల తర్వాత తాను గూడాచారి-2 స్క్రిప్ట్‌ను సిద్దం చేస్తున్నాని, కానీ స్క్రీన్‌ప్లే వర్క్ స్టార్ట్ చేయలేదని తెలిపాడు. ఇంకా 6 నెలల సమయం ఉందని అడివి శేష్ అన్నాడు.

HIT 2లో కూల్ కాప్ KD పాత్రలో శేష్ అద్భుతంగా నటించారు. ఈ మూవీలో హీరోయిన్ తో కెమిస్ట్రీ వర్కౌట్ అయ్యింది. ఈ చిత్రంలో మీనాక్షి చౌదరి కథానాయికగా నటిస్తుండగా, రావు రమేష్, శ్రీకాంత్ మాగంటి, కోమలి ప్రసాద్ కీలక పాత్రల్లో కనిపించనున్నారు. వాల్ పోస్టర్ సినిమా పతాకంపై నేచురల్ స్టార్ నాని సమర్పణలో ప్రశాంతి తిపిర్నేని ఈ చిత్రాన్ని నిర్మించారు.

Follow us