కస్టమర్లకు షాక్ ఇచ్చిన SBI

SBI Report

SBI : స్టేట్ బ్యాంక్ ఆఫ్ ఇండియా (SBI) తమ ఖాతాదారులకు షాకిస్తూ మొబైల్ మరియు ఇంటర్నెట్ బ్యాంకింగ్ లావాదేవీలపై కొత్త సర్వీస్ ఛార్జీలను ప్రకటించింది. ఇప్పటివరకు డిజిటల్ లావాదేవీలను ప్రోత్సహించిన బ్యాంక్, ఇప్పుడు తక్షణ నగదు బదిలీ (IMPS) పద్ధతిపై అదనపు భారాన్ని మోపడం చర్చనీయాంశంగా మారింది. ఫిబ్రవరి 15 నుంచి అమలులోకి రానున్న ఈ నిర్ణయం వల్ల లక్షలాది మంది సామాన్య మరియు మధ్యతరగతి వినియోగదారులపై ప్రభావం పడనుంది.

ముఖ్యంగా అత్యవసర సమయాల్లో వేగంగా డబ్బు పంపేందుకు IMPS వాడే వారికి ఇది చేదు వార్త అనే చెప్పాలి.ఈ కొత్త ఛార్జీల వివరాలను లోతుగా పరిశీలిస్తే, నగదు బదిలీ పరిమితిని బట్టి బ్యాంక్ విడివిడిగా రుసుములను ఖరారు చేసింది. రూ. 25,000 వరకు చేసే లావాదేవీలకు ఎటువంటి ఛార్జీలు లేకపోవడం కొంత ఉపశమనం కలిగించే విషయమే అయినప్పటికీ, అంతకు మించితే మాత్రం జేబుకు చిల్లు పడక తప్పదు. రూ. 25,001 నుంచి రూ. 1 లక్ష వరకు రూ. 2 + GST, రూ. 1 లక్ష నుంచి రూ. 5 లక్షల వరకు గరిష్టంగా రూ. 6 + GST వరకు వసూలు చేయనున్నారు. యోనో (YONO) యాప్, ఇంటర్నెట్ బ్యాంకింగ్ మరియు మొబైల్ బ్యాంకింగ్ వంటి అన్ని డిజిటల్ ప్లాట్‌ఫారమ్‌ల ద్వారా చేసే IMPS బదిలీలకు ఇవి వర్తిస్తాయి.

SBI కొత్త IMPS ఛార్జీల వివరాలు చూస్తే.. రూ. 0 నుండి రూ. 25,000 వరకు సున్నా (ఉచితం)రూ. 25,001 నుండి రూ. 1,00,000 వరకురూ. 2 + GSTరూ. 1,00,001 నుండి రూ. 5,00,000 వరకు రూ. 6 + GSTబ్యాంకింగ్ రంగంలో వస్తున్న ఈ మార్పులు వినియోగదారుల ఆర్థిక ప్రణాళికలపై ప్రభావం చూపుతాయి. అయితే, NEFT లేదా RTGS వంటి ఇతర ఆన్‌లైన్ నగదు బదిలీ పద్ధతులపై ఎటువంటి ఛార్జీలు ఉంటాయనే దానిపై బ్యాంక్ ప్రస్తుతానికి స్పష్టతనివ్వలేదు.

కేవలం ఇన్‌స్టంట్ పేమెంట్స్ (IMPS) వేగంగా జరుగుతాయి కాబట్టి, ఆ సేవలకు గానూ ఈ నామమాత్రపు ఛార్జీలను ప్రభుత్వం మరియు బ్యాంక్ నిర్ణయించినట్లు తెలుస్తోంది. ఫిబ్రవరి 15 లోపు మీ బ్యాంకింగ్ లావాదేవీలను ప్లాన్ చేసుకోవడం ఉత్తమం.

Follow us