PhonePe Launches NPS Payment: ఇప్పుడు ఫోన్ పే ద్వారా కూడా ఈ పథకంలో పెట్టుబడి.. పూర్తి ప్రాసెస్ ఇదే!

PhonePe Launches NPS Payment

PhonePe Launches NPS Payment: ప్రసిద్ధ ప్లాట్‌ఫారమ్ ఫోన్ పే.. NPSలో పెట్టుబడి పెట్టడానికి కొత్త మార్గంతో ముందుకు వచ్చింది. ఫోన్ పే (PhonePe Launches NPS Payment) ఈరోజు భారత్ కనెక్ట్ కింద తన ప్లాట్‌ఫారమ్‌లో కొత్త సేవింగ్స్ కేటగిరీని ప్రారంభించింది. ఇది NPS (నేషనల్ పెన్షన్ సిస్టమ్)కి సహకరించడంలో సహాయపడుతుంది. భారత్ కనెక్ట్‌ని BBPS (భారత్ బిల్ పేమెంట్ సిస్టమ్)గా పిలుస్తారు. దీని ద్వారా మిలియన్ల మంది ఫోన్ పే వినియోగదారులు ఇప్పుడు PhonePe యాప్ ద్వారా తమ NPS ఖాతాను సురక్షితంగా, సులభంగా తెర‌వ‌గ‌ల‌రు. పూర్తి వివ‌రాలు తెలుసుకుందాం.

NPS అంటే ఏమిటి?

నేషనల్ పెన్షన్ స్కీమ్ (NPS) ఒక గొప్ప పొదుపు ఎంపిక. ఈ ప్లాన్ పొదుపు కోసం మాత్రమే కాకుండా రిటైర్మెంట్ కార్పస్‌గా కూడా ఉపయోగపడుతుంది. దీంతో వినియోగదారులు తమ భవిష్యత్తును ఆర్థికంగా సురక్షితం చేసుకోవచ్చు. నేషనల్ పెన్షన్ సిస్టమ్ (NPS) పదవీ విరమణ నిధులను సేకరించాలనుకునే వ్యక్తుల కోసం రూపొందించబడింది. మీరు ఎంత త్వరగా మీ రిటైర్‌మెంట్ కోసం పొదుపు చేయడం, పెట్టుబడి పెట్టడం ప్రారంభిస్తే మీ రిటైర్మెంట్ కార్పస్ అంత పెద్దదిగా మీరు కూడబెట్టుకోగలుగుతారు. పదవీ విరమణ పొదుపు కోసం సరైన వయస్సు 25 సంవత్సరాలు.

Also Read: Eating Healthy Day : జాతీయ ఆహార దినోత్సవాన్ని ఈ విధంగా జరుపుకోండి, ఆరోగ్యంగా ఉండండి..!

మీరు పదవీ విరమణ తర్వాత రూ. 1 లక్ష పొందాలనుకుంటే మీరు ప్రతి నెలా రూ.10350 పెట్టుబడి పెట్టాలి. ఇందులో పెట్టుబడి కాలపరిమితి 35 ఏళ్లుగా ఉంటుంది. NPSలో పెట్టుబడి పెట్టడానికి మీరు మీ ప్రాథమిక జీతంలో కనీసం 10% పెట్టుబడి పెట్టాలి. ఇందులో మీరు దాదాపు 6% వడ్డీ రేటు పొందుతారు. ఇంతకుముందు మీరు PFRDA, NSDL, CAMలు, KFintech, బ్యాంక్ వెబ్‌సైట్‌ల ద్వారా మాత్రమే NPS ఖాతాకు స‌హ‌క‌రించేవి. కానీ ఈ సదుపాయం ప్రారంభించడంతో వినియోగదారులు PhonePe యాప్ సహాయంతో సులభంగా సహకరించగలరు.

ఇది ఎలా పని చేస్తుంది?

• మీరు మీ ఫోన్ పే ఖాతా ద్వారా NPSలో ఎలా చెల్లింపు చేయవచ్చో ఇక్కడ మేము మీకు తెలియజేస్తాము.
• ముందుగా మీ PhonePe యాప్ హోమ్ స్క్రీన్‌లోని ‘రీఛార్జ్, బిల్లు చెల్లింపు’ విభాగంలో ‘అన్నీ వీక్షించండి’పై క్లిక్ చేయండి.
• దీని తర్వాత ‘ఆర్థిక సేవలు- పన్నులు’ విభాగంలోని ‘నేషనల్ పేమెంట్ సిస్టమ్’పై క్లిక్ చేసి క్రింద ఇవ్వబడిన వివరాలను పూరించండి.
• ఇక్కడ మీరు మీ 12 అంకెల ఆధార్ లేదా 10 అంకెల మొబైల్ నంబర్, పుట్టిన తేదీ, శ్రేణి, సహకారం మొత్తాన్ని నమోదు చేయాలి.
• దీని తర్వాత మీరు టర్మ్, కండిషన్ చెక్‌బాక్స్‌ను టిక్ చేసి, కన్ఫర్మ్‌పై నొక్కండి. దీని తర్వాత మీరు మీ NPS పెట్టుబడి వివరాలను, మొత్తం బ్రేకప్‌ను సమీక్షించుకోవాలి.
• చివరగా ‘ప్రొసీడ్ టు పే’పై నొక్కండి. మీకు ఇష్టమైన చెల్లింపు మోడ్‌ను ఎంచుకోవడం ద్వారా చెల్లింపు చేయండి.

Follow us