Military Equipment: కేంద్రం కీల‌క నిర్ణ‌యం.. ఆయుధాలు, సైనిక విమానాలపై జీఎస్టీ రద్దు!

Military Equipment

Military Equipment: కేంద్ర ఆర్థిక మంత్రి నిర్మలా సీతారామన్ అధ్యక్షతన జరిగిన జీఎస్టీ కౌన్సిల్ సమావేశంలో రక్షణ రంగానికి సంబంధించి కీలక నిర్ణయాలు తీసుకున్నారు. భారీ సంఖ్యలో ఉన్న ఆయుధాలు, సైనిక విమానాలు, రక్షణ పరికరాలపై (Military Equipment) గుడ్స్ అండ్ సర్వీసెస్ ట్యాక్స్ (జీఎస్టీ)ని పూర్తిగా రద్దు చేశారు. అలాగే డ్రోన్లపై జీఎస్టీని 28 శాతం నుంచి కేవలం 5 శాతానికి తగ్గించారు.

ఆయుధాలు, సైనిక విమానాలపై జీఎస్టీ రద్దు

గతంలో 18 శాతం జీఎస్టీ ఉన్న ఆయుధాలపై పన్నును పూర్తిగా తొలగించారు. వీటిలో మిలిటరీ ట్రాన్స్‌పోర్ట్ ఎయిర్‌క్రాఫ్ట్- సీ-130 (అమెరికా నుంచి కొనుగోలు చేసిన విమానాలు), సీ-295 మీడియం వెయిట్ ఎయిర్‌క్రాఫ్ట్ (వీటిని బరోడాలో ఎయిర్‌బస్, టాటా కంపెనీలు కలిసి తయారు చేస్తున్నాయి) వంటివి ఉన్నాయి.

Also Read: Gold Rates : జీఎస్టీ రేట్ల సవరణతో బంగారం ప్రియులకు శుభవార్త..ఎంతవరకు తగ్గే చాన్స్ అంటే?

క్షిపణులు, విమాన పరికరాలపై జీఎస్టీ తొలగింపు

సైనిక అవసరాల కోసం ఉపయోగించే రిమోట్లీ పైలట్ ఎయిర్‌క్రాఫ్ట్‌ (RPA)పై జీఎస్టీని పూర్తిగా తొలగించారు. దీనితో పాటు ఓడల నుండి ప్రయోగించే క్షిపణులు, ఫ్లైట్ మోషన్ సిమ్యులేటర్లు, అండర్‌వాటర్ వెసెల్స్, ఫైటర్ జెట్‌ల ఎజెక్షన్ సీట్ల (అత్యవసర పరిస్థితుల్లో పైలట్‌లు దీని ద్వారా సురక్షితంగా బయటకు వస్తారు)పై కూడా జీఎస్టీని తొలగించారు.

మోదీ ప్రభుత్వం రక్షణ పరికరాలపై జీఎస్టీ రద్దు

మోదీ ప్రభుత్వం కొన్ని రక్షణ పరికరాలైన 100 ఎంఎం క్యాలిబర్ రాకెట్లు, డీప్ సబ్‌మెర్జన్స్ రెస్క్యూ వెసెల్ (జలాంతర్గామి ప్రమాదం జరిగినప్పుడు సహాయం చేసే ఓడ), తుపాకులు, రైఫిల్ విడిభాగాలు, పరీక్షా పరికరాలపై కూడా జీఎస్టీని పూర్తిగా రద్దు చేసింది.

ఈ సైనిక పరికరాలపై 5 శాతం జీఎస్టీ

సాఫ్ట్‌వేర్‌తో నడిచే రేడియో కమ్యూనికేషన్ పరికరాలపై గతంలో 18-28 శాతం జీఎస్టీ ఉండేది. ఇప్పుడు దానిని కేవలం 5 శాతానికి తగ్గించారు. అలాగే వాకీ-టాకీ ట్యాంకులు, ఆర్మర్డ్ వెహికిల్స్‌పై జీఎస్టీని 12 శాతం నుంచి 5 శాతానికి తగ్గించారు.

Follow us