బడ్జెట్ 2026.. సామాన్యులకు కలిగే ప్రయోజనాలీవే!
రిటైర్మెంట్ ప్లానింగ్ను మరింత ఆకర్షణీయంగా మార్చడానికి ప్రభుత్వం NPS టైర్-2 ఖాతాలపై పన్ను మినహాయింపు ఇవ్వవచ్చు. లేదా యజమాని అందించే సహకారంపై ఇచ్చే 14% మినహాయింపును అందరికీ సమానంగా వర్తింపజేసేలా నిర్ణయం తీసుకోవచ్చు.
- Author : Gopichand
Date : 09-01-2026 - 2:28 IST
Published By : Hashtagu Telugu Desk
Budget 2026: కేంద్ర ఆర్థిక మంత్రి నిర్మలా సీతారామన్ ఫిబ్రవరి 1, 2026 (ఆదివారం)న వరుసగా తొమ్మిదోసారి బడ్జెట్ను ప్రవేశపెట్టబోతున్నారు. మోదీ 3.0 ప్రభుత్వంలో ఇది రెండో పూర్తిస్థాయి బడ్జెట్. గత ఏడాది ఆదాయపు పన్ను స్లాబ్లలో చేసిన మార్పుల తర్వాత ఈసారి కూడా మధ్యతరగతి, వేతన జీవులు ఈ బడ్జెట్ 2026పై భారీ ఆశలు పెట్టుకున్నారు. ఈసారి బడ్జెట్లో పన్ను చెల్లింపుదారులకు ఊరటనిచ్చే 5 ప్రధాన అంశాలేంటో ఇప్పుడు చూద్దాం.
బడ్జెట్ 2026.. సామాన్యులకు కలిగే 5 ప్రధాన ప్రయోజనాలు
స్టాండర్డ్ డిడక్షన్ పెంపు
ప్రస్తుతం కొత్త పన్ను విధానం కింద వేతన జీవులకు రూ. 75,000, పాత విధానంలో రూ. 50,000 స్టాండర్డ్ డిడక్షన్ లభిస్తోంది. పెరుగుతున్న ద్రవ్యోల్బణాన్ని దృష్టిలో ఉంచుకుని, దీనిని రూ. 1,00,000 వరకు పెంచవచ్చని నిపుణులు భావిస్తున్నారు. దీనివల్ల ఉద్యోగుల చేతికి వచ్చే జీతం పెరుగుతుంది.
పన్ను రహిత ఆదాయ పరిమితి పెంపు
గత బడ్జెట్ (2025)లో రిబేటుతో కలిపి రూ. 12 లక్షల వరకు ఆదాయంపై పన్ను లేకుండా చేశారు. ఈసారి మధ్యతరగతి వారికి మరింత ఉపశమనం కలిగించేలా, సెక్షన్ 87A కింద ఇచ్చే మినహాయింపును రూ. 13 లక్షల నుండి రూ. 15 లక్షల వరకు పెంచే అవకాశం ఉందని సమాచారం.
Also Read: సంక్రాంతి వేడుకలు : ధింసా నృత్యం చేసిన పవన్ కళ్యాణ్
సెక్షన్ 80C- 80D పరిమితుల్లో మార్పు
పాత పన్ను విధానాన్ని ఎంచుకునే వారికి సెక్షన్ 80C కింద ఉన్న రూ. 1.5 లక్షల పరిమితి చాలా ఏళ్లుగా మారలేదు. పొదుపును ప్రోత్సహించడానికి దీనిని రూ. 2 లక్షల నుండి రూ. 2.5 లక్షలకు పెంచే ఛాన్స్ ఉంది. అలాగే ఆరోగ్య బీమా ప్రీమియం (80D) పరిమితిని కూడా రూ. 25,000 నుండి రూ. 50,000కు పెంచాలని ప్రభుత్వం భావిస్తోంది.
క్యాపిటల్ గెయిన్స్ టాక్స్లో ఉపశమనం
షేర్ మార్కెట్, మ్యూచువల్ ఫండ్స్ ద్వారా వచ్చే దీర్ఘకాలిక మూలధన లాభాలపై పన్ను మినహాయింపు పరిమితి ప్రస్తుతం రూ. 1.25 లక్షలుగా ఉంది. దీనిని రూ. 1.5 లక్షలు లేదా రూ. 2 లక్షల వరకు పెంచాలని ఇన్వెస్టర్లు కోరుతున్నారు. దీనివల్ల చిన్న పెట్టుబడిదారులకు పెద్ద ఊరట లభిస్తుంది.
నేషనల్ పెన్షన్ సిస్టమ్లో అదనపు ప్రయోజనాలు
రిటైర్మెంట్ ప్లానింగ్ను మరింత ఆకర్షణీయంగా మార్చడానికి ప్రభుత్వం NPS టైర్-2 ఖాతాలపై పన్ను మినహాయింపు ఇవ్వవచ్చు. లేదా యజమాని అందించే సహకారంపై ఇచ్చే 14% మినహాయింపును అందరికీ సమానంగా వర్తింపజేసేలా నిర్ణయం తీసుకోవచ్చు.
Follow us
