Tesla: ప్రపంచంలోనే తొలిసారి.. డ్రైవర్ లేకుండానే కారు డెలివరీ!
టెస్లా మోడల్ Yని అప్‌డేట్ చేసి ఫుల్లీ ఆటోనమస్ కారుగా తీర్చిదిద్దింది. దీనిని మొదటిసారిగా మార్చి 2019లో లాంచ్ చేశారు. ప్రపంచవ్యాప్తంగా మోడల్ Y ధర 40,000 డాలర్లు (సుమారు 34 లక్షల రూపాయలు) నుండి ప్రారంభమవుతుంది.
- By Gopichand Published Date - 11:26 PM, Sat - 28 June 25
Tesla: ప్రపంచంలో మొదటిసారిగా ఒక కారు డ్రైవర్ లేకుండా ఫ్యాక్టరీ నుండి కొనుగోలుదారు ఇంటికి స్వయంగా వెళ్లిన సంఘటన జరిగింది. ప్రపంచంలోనే అత్యంత ధనవంతుడైన వ్యాపారవేత్త ఎలాన్ మస్క్ తన పుట్టినరోజు సందర్భంగా తన కంపెనీ టెస్లా (Tesla) ఫుల్లీ ఆటోనమస్ (స్వయంచాలక) కారు డెలివరీని జరిపించారు.
కస్టమర్ ఇంటికి చేరిన ఈ ఎలక్ట్రిక్ కారు ‘మోడల్ Y’. టెస్లా ఈ కారు డెలివరీ వీడియోను Xలో షేర్ చేసింది. ఈ వీడియోలో కారు స్వయంగా నడుస్తూ సిగ్నల్ వద్ద లేదా ఏదైనా కారు లేదా వ్యక్తి ఎదురుపడినప్పుడు ఆగి, తిరిగి ముందుకు సాగడం చూడవచ్చు.
World's first autonomous delivery of a car!
This Tesla drove itself from Gigafactory Texas to its new owner's home ~30min away — crossing parking lots, highways & the city to reach its new owner pic.twitter.com/WFSIaEU6Oq
— Tesla (@Tesla) June 28, 2025
డెలివరీ సమయంలో కారు 116 కిమీ/గం వేగంతో నడిచింది
కంపెనీ తన అధికారిక పోస్ట్‌లో తెలిపిన వివరాల ప్రకారం.. ఫుల్లీ సెల్ఫ్-డ్రైవ్ కారు మోడల్ Y మొదటి డెలివరీని టెక్సాస్ నగరంలో పూర్తి చేసింది. ఈ కారు డ్రైవర్ లేదా రిమోట్ ఆపరేటర్ లేకుండా పార్కింగ్ స్థలం, హైవేలు, నగర వీధుల గుండా తన గమ్యస్థానానికి చేరుకుంది. బ్లూమ్‌బెర్గ్ ప్రకారం.. టెస్లా AI, ఆటోపైలట్ హెడ్ అశోక్ ఎల్లుస్వామి తెలిపిన వివరాల ప్రకారం.. డెలివరీ సమయంలో ఈ కారు 72 మైళ్ల వేగం (అంటే 116 కిమీ/గం) చేరుకుంది.
Also Read: Yash Dayal: RCB బౌలర్ యష్ దయాల్‌పై సెక్స్ హ్యారాస్మెంట్ ఆరోపణ, మహిళతో 5 ఏళ్ల సంబంధం
టెస్లా మోడల్ Y ధర సుమారు 34 లక్షల రూపాయలు
టెస్లా మోడల్ Yని అప్‌డేట్ చేసి ఫుల్లీ ఆటోనమస్ కారుగా తీర్చిదిద్దింది. దీనిని మొదటిసారిగా మార్చి 2019లో లాంచ్ చేశారు. ప్రపంచవ్యాప్తంగా మోడల్ Y ధర 40,000 డాలర్లు (సుమారు 34 లక్షల రూపాయలు) నుండి ప్రారంభమవుతుంది. ఇది మూడు వేరియంట్లలో రియర్ వీల్ డ్రైవ్, లాంగ్ రేంజ్, పెర్ఫార్మెన్స్ అందుబాటులో ఉంది. పెర్ఫార్మెన్స్ వేరియంట్ ధర 60,000 డాలర్లు (సుమారు 51 లక్షల రూపాయలు).
అమెరికాలో టెస్లా రోబోటాక్సీ సర్వీస్ ప్రారంభం
ఇంతకు ముందు కంపెనీ జూన్ 22న రోబోటాక్సీ సర్వీస్‌ను ప్రారంభించింది. ఇందులో కారు స్వయంగా నడుస్తున్నప్పటికీ సురక్షిత దృష్ట్యా కంపెనీ ఒక నిపుణుడు కారులో కూర్చొని పర్యవేక్షించాడు. కంపెనీ ఒక రోబోటాక్సీ రైడ్ ధరను 4.20 డాలర్లు, అంటే సుమారు 364 రూపాయలుగా నిర్ణయించింది.
