Tata Tiago Tv: ఈ ఎలక్ట్రిక్ కారు ధర తెలిస్తే షాకే.. సామాన్యుడికి అందుబాటు ధరలో?

దేశంలో ఎలక్ట్రిక్ కార్లకు డిమాండ్ పెరుగుతున్న విషయం తెలిసిందే. దీంతో వాహనాల తయారీ దిగ్గజ సంస్థ టాటా మోటార్స్ ఆ డిమాండ్కు అనుగుణంగా ఈవీ కొత్త కార్లను తీసుకువస్తోంది. ఇక అందులో భాగంగానే తాజాగా టాటా టివిగో ఈవీ పేరుతో సరికొత్త ఎలక్ట్రిక్ కారును భారత మార్కెట్ లోకి విడుదల చేసింది. కాగా తాజాగా టాటా మోటార్స్ సంస్థ విడుదల చేస్తున్న ఈ ఎలక్ట్రిక్ కారు ఇండియాలోనే అత్యంత చౌకైన ఎలక్ట్రిక్ కార్లలో ఒకటి. ఇక ఈ ఎలక్ట్రిక్ కారు ధర విషయానికి వస్తే..

రూ.8.49 లక్షలు గా నిర్ణయించింది.ఎలక్ట్రిక్ కార్ ను సామాన్యుడికి అందుబాటు ధరలో ఉండే విధంగా నిర్ణయం తీసుకుంది టాటా మోటార్స్ సంస్థ. ఇక ఈ కారు యొక్క ప్రత్యేకతల విషయానికి వస్తే..టాటా టియాగో ఈవీ 19.2 kWh, 24kWh లిథియం,అయాన్ బ్యాటరీలు ఆఫర్ చేస్తుంది. 19.2 kWh బ్యాటరీ ప్యాక్‌తో ఈ ఎలక్ట్రిక్ కారు XE, XT అనే రెండు వేరియంట్లలో వస్తుంది. XE ధర రూ.8.49 లక్షలు కాగా XT ధర రూ.9.09 లక్షలు.

ఈ టాటా మోటార్స్ టియాగో ఈవీని బుక్ చేసుకునే మొదటి 10,000 మంది కస్టమర్లకు ఈ ధరలు వర్తించనున్నాయి. టాటా నెక్సాన్ ఈవీ, టాటా టిగోర్ ఈవీ వాహనదారులకు ఇందులో 2,000 స్లాట్లు అందుబాటులో ఉంటాయి. ఈ సరికొత్త ఎలక్ట్రిక్ కారు బుకింగ్స్‌ అక్టోబర్ 10న స్టార్ట్ కానుండగా,డెలివరీలు మాత్రం జనవరి, 2023లో ప్రారంభమవుతాయి.