Tata Motors: కస్టమర్లకు షాక్ ఇచ్చిన టాటా మోటార్స్!

Tata Motors: టాటా మోటార్స్ (Tata Motors) తన బెస్ట్ సెల్లింగ్ ‘పంచ్’ ధరను పెంచింది. ఇప్పుడు ఈ SUV వినియోగదారులకు ఖరీదైనదిగా మార‌నుంది. కొత్త సంవత్సరం ప్రారంభం కావడంతో కార్ల కంపెనీలు తమ వాహనాల ధరలను పెంచాయి. టాటా మోటార్స్ తన చౌకైన సబ్-కాంపాక్ట్ SUV పంచ్ ధరను కూడా రూ.7,000 నుండి రూ.17,000 వరకు పెంచింది. గతంలో పంచ్ ధర రూ. 6.13 లక్షల (ఎక్స్-షోరూమ్) నుంచి ప్రారంభమైతే.. ఇప్పుడు దీని ధర రూ. 6.20 లక్షల (ఎక్స్-షోరూమ్) నుంచి మొదలై రూ. 10.32 లక్షల (ఎక్స్-షోరూమ్) వరకు చేరింది. వాటి వేరియంట్‌లను బట్టి ధర పెరుగుదల ఎక్కువ లేదా తక్కువగా ఉంటుంది. టాటా పంచ్ 9 వేరియంట్లు, 6 కలర్ ఆప్షన్లలో అందుబాటులో ఉంది.

ఇటీవల టాటా మోటార్స్ మార్కెట్లోకి టియాగో, టిగోర్, టియాగో EV, నెక్సాన్ MY25 అప్డేట్ మోడళ్లను కూడా విడుదల చేసింది. మీరు కూడా కొత్త సంవత్సరంలో పంచ్‌ని కొనుగోలు చేయాలని ఆలోచిస్తున్నట్లయితే దాని ఫీచర్లు, ఇంజిన్ గురించి తెలుసుకోండి.

Also Read: Mangalagiri Handloom : మంగళగిరి చేనేతకు బ్రాండ్ అంబాసిడర్లుగా లోకేష్, బ్రాహ్మణి

ఇంజిన్, ఫీచర్లు

టాటా పంచ్ 1.2 లీటర్ 3 సిలిండర్ పెట్రోల్ ఇంజన్ కలిగి ఉంది. ఇది 72.5PS, 103 Nm టార్క్‌ను ఉత్పత్తి చేస్తుంది. ఈ ఇంజన్ 5 స్పీడ్ గేర్‌బాక్స్‌తో అమర్చబడి ఉంటుంది. పంచ్‌లో అమర్చిన ఈ ఇంజన్ పవర్‌ఫుల్‌గా ఉన్నప్పటికీ మంచి మైలేజీని ఇవ్వదు. ఇది రోజువారీ ఉపయోగం కోసం మంచి SUV. మీరు దీన్ని హైవేలో కూడా తీసుకోవచ్చు. ఇందులో మీరు సులభమైన రైడ్ అనుభూతిని పొందుతారు. అయితే పంచ్ కొనే ముందు కచ్చితంగా ఒకసారి టెస్ట్ డ్రైవ్ చేయండి.

టాటా పంచ్ ఫీచర్లు

ఇప్పటి వరకు పంచ్‌లో భద్రత కోసం కేవలం 2 ఎయిర్‌బ్యాగ్‌లు మాత్రమే అందించారు. అదే ధరలో వచ్చే ఇతర మోడల్‌లు మీకు 6 ఎయిర్‌బ్యాగ్‌లను అందిస్తున్నారు. ABS + EBD, ఫ్రంట్ పవర్ విండో, టిల్ట్ స్టీరింగ్ వంటి ఫీచర్లు ఇందులో కనిపిస్తాయి. రోజువారీ వినియోగానికి ఉపయోగపడే దాదాపు అన్ని ఫీచర్లు ఇందులో అందుబాటులో ఉన్నాయి.

క్రాష్ టెస్ట్‌లో పంచ్ 5 స్టార్ సేఫ్టీ రేటింగ్‌ను పొందింది. టాటా పంచ్ భారతదేశంలో ఎక్కువగా విక్రయించటానికి ఇదే కారణం. ఈ కారులో 5 మంది కూర్చునే స్థలం ఉంది. చిన్న కుటుంబాలకు ఇది మంచి ఎంపిక. మీరు పంచ్‌ను పెట్రోల్, సిఎన్‌జి, ఎలక్ట్రిక్ వెర్షన్‌లలో కొనుగోలు చేయవచ్చు.