Ola Electric: ఓలా నుండి మ‌రో ఈ ఎలక్ట్రిక్ బైక్.. రేంజ్ ఎంతో తెలుసా?

Ola Electric

Ola Electric: ఓలా ఎలక్ట్రిక్ (Ola Electric) తమ ఫ్యాక్టరీలో రోడ్‌స్టర్ ఎక్స్ ఎలక్ట్రిక్ బైక్ ఉత్పత్తిని ప్రారంభించింది. తమిళనాడులోని ఫ్యూచర్‌ఫ్యాక్టరీ నుండి ఈ బైక్‌ను రోల్‌అవుట్ చేశారు. ఫిబ్రవరి 5న ఓలా రోడ్‌స్టర్ ఎక్స్, ఓలా రోడ్‌స్టర్ ఎక్స్+ బైక్‌లను భారత మార్కెట్‌లో విడుదల చేశారు. త్వరలో ఈ బైక్ రోడ్లపై సందడి చేయనుంది. కొన్ని డీలర్‌షిప్‌లకు ఈ మోటార్‌సైకిల్ ఇప్పటికే చేరుకోవడం ప్రారంభమైంది. ఈ బైక్ బ్యాటరీ ఆధారంగా మూడు వేరియంట్లలో లభ్యమవుతుంది. ఈ బైక్ రేంజ్ దాని అతిపెద్ద ఆకర్షణ. బైక్ ధర రూ.84,999 నుండి ప్రారంభమవుతుంది.

ఓలా రోడ్‌స్టర్ ఎక్స్: ఫీచర్లు, రేంజ్

ఓలా ఈ బైక్ స్పోర్టీ డిజైన్‌లో ఉంది. ఇందులో సింగిల్-పీస్ సీటు, సింగిల్-పీస్ గ్రాబ్‌రైల్, అల్లాయ్ వీల్స్, సారీ గార్డ్, ఫ్రంట్ డిస్క్ బ్రేక్, సింగిల్-చానల్ ABS, క్రూజ్ కంట్రోల్, రివర్స్ మోడ్, బ్రేక్-బై-వైర్, ఇండస్ట్రీ-ఫస్ట్ ఫ్లాట్ కేబుల్ ఇంప్లిమెంటేషన్ వంటి ఫీచర్లు ఉన్నాయి. అంతేకాకుండా ఇందులో చైన్ డ్రైవ్‌తో శక్తివంతమైన మిడ్-మౌంటెడ్ మోటార్ ఉంది. బైక్ రెండు సస్పెన్షన్‌లు గట్టిగా ఉన్నాయని చెప్పబడింది. ఇవి గరుకు రోడ్లపై సౌకర్యవంతమైన రైడ్‌ను అందిస్తాయి.

Also Read: Weekly Horoscope : వారఫలాలు.. ఏప్రిల్ 13 నుంచి 19 వరకు రాశి ఫలాలను తెలుసుకోండి

బ్యాటరీ ప్యాక్

ఓలా రోడ్‌స్టర్ ఎక్స్‌లో 2.5kWh నుండి 4.5kWh వరకు బ్యాటరీ ప్యాక్ లభిస్తుంది. ఈ బైక్ రేంజ్ 117 కిమీ నుండి 200 కిమీ వరకు ఉంటుంది. బైక్ టాప్ స్పీడ్ 105 కిమీ/గం. అదే విధంగా ఓలా రోడ్‌స్టర్ ఎక్స్+లో 4.5kWh బ్యాటరీ ప్యాక్ ఉంది, దీని రేంజ్ 252 కిమీ నుండి 501 కిమీ (IDC) వరకు ఉంటుంది. ఈ వేరియంట్ టాప్ స్పీడ్ 125 కిమీ/గం. ఓలా రోడ్‌స్టర్ ఎక్స్+ భారతదేశంలో అత్యధిక రేంజ్ కలిగిన మొదటి బైక్.

గతంలో ఓలా స్కూటర్లలో అనేక సార్లు అగ్ని ప్రమాదాలు సంభవించాయి. ఇప్పుడు ప్రశ్న ఏమిటంటే.. ఓలా ఎలక్ట్రిక్ బైక్ సేఫ్టీ పరంగా సరైనదా? దీని కోసం మీరు కొంచెం వేచి చూడాలి. బైక్‌ను బుక్ చేసిన వారు తమ ఫీడ్‌బ్యాక్‌ను కూడా షేర్ చేస్తారు. ఆ తర్వాత మీరు ఓలా రోడ్‌స్టర్ ఎక్స్‌ను కొనాలా వద్దా అని నిర్ణయం తీసుకోవచ్చు.

Follow us