Hyundai Creta SUV: రికార్డుల మోత మోగించిన హ్యుందాయ్ క్రెటా!
ఈ నెలలో 18,861 క్రెటా యూనిట్లు అమ్ముడయ్యాయి. ఇది గత సంవత్సరం సెప్టెంబర్ 2024తో పోలిస్తే 2,959 యూనిట్లు ఎక్కువ. జీఎస్టీ (GST) తగ్గింపు తర్వాత హ్యుందాయ్ క్రెటా ఇప్పుడు కేవలం రూ. 10,72,589 ప్రారంభ ఎక్స్-షోరూమ్ ధరకే అందుబాటులో ఉంది.
- Author : Gopichand
Date : 03-10-2025 - 4:58 IST
Published By : Hashtagu Telugu Desk
Hyundai Creta SUV: హ్యుందాయ్ ఫ్లాగ్షిప్ ఎస్యూవీ క్రెటా (Hyundai Creta SUV) సెప్టెంబర్ 2025లో కంపెనీ అమ్మకాలను కొత్త శిఖరాలకు చేర్చింది. ఈ నెలలో 18,861 క్రెటా యూనిట్లు అమ్ముడయ్యాయి. ఇది గత సంవత్సరం సెప్టెంబర్ 2024తో పోలిస్తే 2,959 యూనిట్లు ఎక్కువ. జీఎస్టీ (GST) తగ్గింపు తర్వాత హ్యుందాయ్ క్రెటా ఇప్పుడు కేవలం రూ. 10,72,589 ప్రారంభ ఎక్స్-షోరూమ్ ధరకే అందుబాటులో ఉంది. ఇది కస్టమర్లకు మరింత ఆకర్షణీయంగా మారింది.
ఏ ఫీచర్లతో క్రెటా దూసుకుపోతోంది?
హ్యుందాయ్ క్రెటాను కస్టమర్లు కేవలం ధర కారణంగానే కాక దాని ఫీచర్లు, భద్రత కారణంగా కూడా కొనుగోలు చేశారు. ఇందులో 10.25-అంగుళాల టచ్స్క్రీన్ ఇన్ఫోటైన్మెంట్ సిస్టమ్, ఆండ్రాయిడ్ ఆటో, ఆపిల్ కార్ప్లే సపోర్ట్, 10.25-అంగుళాల డిజిటల్ డ్రైవర్ డిస్ప్లే, బోస్ 8-స్పీకర్ సౌండ్ సిస్టమ్, పనోరమిక్ సన్రూఫ్, డ్యుయల్-జోన్ ఆటోమేటిక్ AC, వైర్లెస్ ఛార్జింగ్, కీ-లెస్ ఎంట్రీ వంటి అడ్వాన్స్డ్ ఫీచర్లు ఉన్నాయి. భద్రత (సేఫ్టీ) విషయానికొస్తే.., హ్యుందాయ్ క్రెటా 6 ఎయిర్బ్యాగ్లు, 360-డిగ్రీ కెమెరా మరియు లెవల్-2 ఏడీఏఎస్ (ADAS) ఫీచర్లతో వస్తుంది. అంతేకాకుండా, ఈ ఎస్యూవీ 21 kmpl వరకు మైలేజీని ఇవ్వగల సామర్థ్యాన్ని కలిగి ఉంది.
Also Read: CM Chandrababu: ఉత్తరాంధ్ర వరదలపై సీఎం సమీక్ష.. బాధిత కుటుంబాలకు రూ.4 లక్షల పరిహారం!
మార్కెట్లో పోటీ ఎవరితో?
భారత మార్కెట్లో హ్యుందాయ్ క్రెటాకు అనేక ప్రముఖ ఎస్యూవీల నుండి గట్టి పోటీ ఉంది. వీటిలో కియా సెల్టోస్ (Kia Seltos), మారుతి సుజుకి విక్టోరియోస్, టయోటా హైరైడర్, హోండా ఎలివేట్, ఎంజీ ఆస్టర్, నిస్సాన్ నుండి రాబోయే కొత్త ఎస్యూవీలు ఉన్నాయి.
క్రెటా యొక్క ప్రధాన పోటీదారు అయిన కియా సెల్టోస్ ధరపైనా కూడా జీఎస్టీ తగ్గింపు ప్రభావం పడింది. దీని ధరలో రూ. 39,624 నుండి రూ. 75,371 వరకు తగ్గింపు వచ్చింది. ముఖ్యంగా సెల్టోస్ X-Line వేరియంట్ దాదాపు 3.67% చౌకగా మారింది. ఇది కస్టమర్లకు పెద్ద ప్రయోజనం.
మొత్తం మీద సెప్టెంబర్ 2025 హ్యుందాయ్ ఇండియాకు రికార్డు నెలగా నిలిచింది. క్రెటా కంపెనీకి కొత్త బలాన్ని ఇచ్చింది. ఎగుమతుల్లో పెద్ద పెరుగుదల కనిపించింది. జీఎస్టీ తగ్గింపు కారణంగా కస్టమర్ల కొనుగోళ్లు మరింత సులభమయ్యాయి. రాబోయే పండుగ సీజన్లో క్రెటా, సెల్టోస్ వంటి ఎస్యూవీల మధ్య పోటీ మరింత ఉత్సాహంగా మారనుంది.
Follow us
