Car Buyers: పాత కార్ల‌కు చెక్ పెట్టేందుకు కొత్త ఆఫ‌ర్‌.. ఏంటంటే..?

Car Buyers: వాహనాల వల్ల కలిగే కాలుష్యాన్ని తగ్గించేందుకు దేశవ్యాప్తంగా ప్రభుత్వాలు కృషి చేస్తున్నాయి. ఈ క్రమంలో 10 ఏళ్ల డీజిల్, 15 ఏళ్ల పెట్రోల్ వాహనాలను రోడ్లపై (Car Buyers) నుంచి తొలగిస్తున్నారు. దీన్ని ప్రోత్సహించడానికి ప్రజలు తమ పాత వాహనాలను రద్దు చేయడానికి ఢిల్లీ ప్రభుత్వం కొత్త పథకాన్ని రూపొందించింది.

నివేదిక‌ల ప్రకారం.. తమ పాత వాహనాలను జంక్‌గా ప్రకటించి వాటిని స్క్రాప్ చేసే వాహన యజమానులకు కొత్త వాహనాల కొనుగోలుపై ఢిల్లీ ప్రభుత్వం 10 నుండి 20% పన్ను రాయితీని ఇస్తుంది. విశేషమేమిటంటే పాత వాహనం స్క్రాప్ అయ్యాక కొత్త వాహనం కొనాలన్న తొందర ఉండదు. మీరు 3 రోజులలోపు ఎప్పుడైనా కొత్త వాహనం రిజిస్ట్రేషన్‌పై పన్ను మినహాయింపు పొందవచ్చు, రిజిస్ట్రేషన్ సమయంలో మీ పాత వాహనాన్ని స్క్రాప్ చేసిన పత్రాన్ని చూపాలి.

Also Read: Colon Cancer: పెద్దప్రేగు క్యాన్సర్ ప్రారంభ సంకేతాలివే.. ఈ స‌మ‌స్య‌కు కార‌ణాలెంటో తెలుసా..?

నిబంధనలను ఉల్లంఘిస్తే రూ.10,000 జరిమానా

ఢిల్లీ రవాణా శాఖ అధికారులు తెలిపిన వివరాల ప్రకారం.. గడువు ముగిసిన అలాంటి వాహనాలను రాజధాని రోడ్లపై నుంచి తొలగిస్తున్నారు. దీనికి సంబంధించిన నోటిఫికేషన్‌ను ఢిల్లీ ప్రభుత్వం త్వరలో విడుదల చేయనున్నట్లు సమాచారం. ఢిల్లీలో 10 ఏళ్ల డీజిల్ వాహనం, 15 ఏళ్ల పెట్రోల్ వాహనం న‌డిపితే రూ. 10,000 వరకు జరిమానా విధించే నిబంధన కూడా ఉంది.

డీజిల్ వాహనం కొనుగోలుపై కూడా తగ్గింపు లభిస్తుంది

మీడియాలో ఢిల్లీ ప్రభుత్వం విడుదల చేసిన ప్రకటన ప్రకారం.. కొత్త విధానంలో చూస్తే వాణిజ్యేతర CNG, పెట్రోల్ వాహనాల (ప్రైవేట్ కార్లు) కొనుగోలుపై 20% పన్ను మినహాయింపు ఉంటుంది. అంతేకాకుండా వాణిజ్య CNG, పెట్రోల్ వాహనాల కొనుగోలుపై 15% వరకు, డీజిల్ వాహనాలపై 10% వరకు పన్ను రాయితీ ఉంటుంది.

యూపీ ప్రభుత్వం 75% వరకు తగ్గింపు ఇస్తోంది

ఉత్తరప్రదేశ్ ప్రభుత్వం 2003కి ముందు రిజిస్టర్ చేసుకున్న వాహనాల యజమానులు తమ వాహనాలను స్క్రాప్ చేసి కొత్త కారు కొనుగోలు చేస్తే వారికి 75% పన్ను రాయితీ ఇస్తోంది. 2008కి ముందు రిజిస్టర్ అయిన వాహనాలపై స్కానింగ్, కొత్త కార్ల కొనుగోలుపై 50% వరకు తగ్గింపు ఇస్తోంది.