HashtagU Telugu
Telugu
  • English
  • हिंदी
  • వార్తలు
  • తెలంగాణ
  • ఆంధ్రప్రదేశ్
  • జాతీయం
  • సౌత్
  • సినిమా
  • ట్రెండింగ్
  • స్పెషల్
  • ఆఫ్ బీట్
Telugu
  • English
  • हिंदी
Hashtagu Logo
  • వార్తలు
  • తెలంగాణ
  • ఆంధ్రప్రదేశ్
  • జాతీయం
  • సౌత్
  • సినిమా
  • ట్రెండింగ్
  • ఫోటో గ్యాలరీ
  • స్పీడ్ న్యూస్
  • హెల్త్
  • లైఫ్ స్టైల్
  • ఆధ్యాత్మికం
  • ఆఫ్ బీట్
  • Trending
  • # IPL 2025
  • # Revanth Reddy
  • # KTR
  • # PM Modi
  • # ChandrababuNaidu
  • # JaganMohanReddy
  • Telugu News
  • > Andhra Pradesh
  • >Tollywood Heros Vs Ap Govt War Intensifies

AP Govt Vs Tollywood : ఏపీ హీరోల తెలంగాణ క‌థ‌

టాలీవుడ్ కు, విభ‌జిత ఏపీకి సంబంధాలు స‌న్న‌గిల్లుతున్నాయి. అక్క‌డి భారీ క‌లెక్ష‌న్లు కావాల‌ని సినీ ప‌రిశ్ర‌మ కోరుకుంటోంది. కానీ, ఏపీ ప్ర‌జ‌ల బాగోగుల‌పై ప్ర‌ముఖులు ఎవ‌రూ క‌న్నెత్తి చూడ‌డంలేదు. సినీ ప‌రిశ్ర‌మ త‌ర‌లి రావాల‌ని ఏపీకి చెందిన ప‌లువురు ఆందోళ‌న చేసిన సంద‌ర్భాలు అనేకం.

  • By CS Rao Published Date - 04:41 PM, Fri - 24 December 21
  • daily-hunt
Tollywood Heros
Tollywood Heros

టాలీవుడ్ కు, విభ‌జిత ఏపీకి సంబంధాలు స‌న్న‌గిల్లుతున్నాయి. అక్క‌డి భారీ క‌లెక్ష‌న్లు కావాల‌ని సినీ ప‌రిశ్ర‌మ కోరుకుంటోంది. కానీ, ఏపీ ప్ర‌జ‌ల బాగోగుల‌పై ప్ర‌ముఖులు ఎవ‌రూ క‌న్నెత్తి చూడ‌డంలేదు. సినీ ప‌రిశ్ర‌మ త‌ర‌లి రావాల‌ని ఏపీకి చెందిన ప‌లువురు ఆందోళ‌న చేసిన సంద‌ర్భాలు అనేకం. అక్క‌డ షూటింగ్ లు చేయ‌డానికి కూడా సినీ పెద్ద‌లు ఉత్సాహం చూప‌డంలేదు. ఆ రాష్ట్ర ప్ర‌భుత్వం తీసుకుంటోన్న విధాన‌ప‌ర‌మైన అంశాల‌పై ఎవ‌రూ నోరెత్తి మాట్లాడ‌డంలేదు. ప్ర‌కృతి వైప‌రిత్యాలు సంభ‌వించినప్పుడు క్షేత్ర స్థాయిలో ప‌రిశీలించ‌డానికి హీరోలు ముందుకు రావ‌డంలేదు. ఏదో ఉడ‌తాభ‌క్తిగా విరాళాల‌ను ప‌రిమితం అవుతున్నారు.టాలీవుడ్ లోని హీరోలు దాదాపు అంద‌రూ ఏపీకి సంబంధించిన వాళ్లే. అందుకే, సినిమా ప‌రిశ్ర‌మ‌ను ఒకానొక సంద‌ర్భంలో కేసీఆర్ టార్గెట్ చేశాడు. ఉద్య‌మ స‌మ‌యంలో సినిమా షూటింగ్ ల‌ను అడ్డుకున్నాడు. కొంద‌రి ఇళ్ల మీద‌కు ఉద్య‌మకారుల‌ను పంపాడు. తెలంగాణ ఏర్ప‌డిన త‌రువాత కేసీఆర్ అడుగుల్లో అడుగు వేస్తూ తెలుగు ప‌రిశ్ర‌మ‌లోని పెద్ద‌లు చాలా వ‌ర‌కు న‌డుస్తున్నారు. కొంద‌రు కేసీఆర్ ఇంటిలో మ‌నుషుల్లా క‌లిసి పోయారు. ఏపీ గురించి దాదాపుగా వాళ్లు మ‌రిచిపోయారు.

Annapurna Studios

రెండేళ్ల క్రితం హైద‌రాబాద్ లో జ‌రిగిన తెలుగు స‌భ‌ల‌కు టాలీవుడ్ హీరోలు క్యూ క‌ట్టారు. ఫోన్ కాల్ తో కేసీఆర్ పంచ‌న చేరిపోయారు. నంది అవార్డులు ఇవ్వ‌క‌పోయిన‌ప్ప‌టికీ డిమాండ్ చేసే ధైర్యం టాలీవుడ్ కు లేదు. చంద్ర‌బాబు సీఎంగా ఉన్న స‌మ‌యంలో ఏపీ ప్ర‌భుత్వం నంది అవార్డుల‌ను ప్ర‌క‌టించింది. ఏపీ ఎఫ్ డీసీ నుంచి టాలీవుడ్ అనేక ర‌కాలుగా ల‌బ్ది పొందింది. ఆనాడు స్టూడియోల‌ను ఏపీలో పెట్టాల‌ని చంద్ర‌బాబు ఆహ్వానించిన‌ప్ప‌టికీ ఎవ‌రూ ముందుకు క‌ద‌ల‌లేదు. సీఎంగా జ‌గ‌న్ వ‌చ్చిన త‌రువాత టాలీవుడ్, ఏపీ మ‌ధ్య లింకు బ‌ల‌హీన‌ప‌డింది.జ‌గ‌న్ సీఎంగా బాధ్య‌త‌లు స్వీక‌రించిన త‌రువాత మ‌ర్యాద పూర్వ‌కంగా క‌ల‌వ‌డానికి టాలీవుడ్ ప్ర‌ముఖులు తొలి రోజుల్లో త‌ట‌ప‌టాయించారు. ఆ విష‌యం మీడియాకు ఎక్క‌డంతో చిరంజీవి, నాగార్జున‌, రాజ‌మౌళి, సురేష్ బాబు త‌దిత‌రులు జ‌గ‌న్ ను క‌లిశారు. ఆ త‌రువాత మ‌రోసారి ఇదే టీం క‌లిసింది. ఆ సంద‌ర్భంగా సినీ కార్మికుల‌కు భూములు ఇవ్వాలని కోరిన‌ట్టు వార్త‌లు వ‌చ్చాయి. క‌రోనా స‌మ‌యంలో ఏపీ ప్ర‌జ‌ల గురించిగానీ, ఆ రాష్ట్రం ప‌రిస్థితి గురించిగానీ సినీ ప‌రిశ్ర‌మ ప‌ట్టించుకున్న దాఖ‌లాలు దాదాపుగా లేవు.

Ramanaidu Studios

Ramanaidu Studios

క‌రోనా ఉధృతి త‌గ్గిన త‌రువాత బెనిఫిట్ షోల‌కు, సినిమా టిక్కెట్ల‌కు క‌ళ్లెం వేస్తూ జ‌గ‌న్ నిర్ణ‌యం తీసుకున్నాడు. ఆనాటి నుంచి టాలీవుడ్ కు, ఏపీ స‌ర్కార్‌కు మ‌ధ్య ప్ర‌చ్ఛ‌న్న యుద్ధం జ‌రుగుతోంది. ఆ క్ర‌మంలో హైకోర్టు వ‌ర‌కు జీవో నెంబ‌ర్ 35ను టాలీవుడ్ ప్ర‌ముఖులు తీసుకెళ్లారు. డివిజ‌న్ బెంచ్ ఆ జీవోకు అనుకూలంగా తీర్పు ఇవ్వ‌డంతో జ‌గ‌న్ స‌ర్కార్ కొర‌ఢా ఝ‌ళిపించింది. ఫ‌లితంగా థియేట‌ర్ల మూసివేత‌, సీజ్ కొన‌సాగుతోంది.తెలుగు సినిమా షేర్ ఎక్కువ‌గా ఏపీ ప్రేక్ష‌కుల‌దే. నైజాం, సీడెడ్‌, ఆంధ్రా మూడు భాగాలు సినిమా షేర్ల‌ను చెబుతుంటారు. సీడెడ్‌, ఆంధ్రా అంటే రాయ‌ల‌సీమ‌, ఆంధ్రా రెండూ ఏపీ కి చెందిన‌వే. ఇక నైజాం తెలంగాణ ప‌రిధిలోనిది. తొలి నుంచి నైజాం షేర్ త‌క్కువ‌గా ఉండేది. ఇప్పుడు మ‌ల్టీప్లెక్స్ లు ఎక్కువ‌గా నైజాంలో ఉన్న‌ప్ప‌టికీ సినిమాను ఆద‌రించే వాళ్ల సంఖ్య తక్కువ‌గా ఉంటుంది. అందుకే, హీరో నాని కామెంట్ల మీద ప్ర‌ముఖ నిర్మాత న‌ట్టి కుమార్ ఫైర్ అయ్యాడు. సినిమా షేర్ గురించి తెలియ‌కుండా మాట్లాడొద్ద‌ని హిత‌వు ప‌లికాడు. ఇదే సంద‌ర్భంలో తెలంగాణ ప్ర‌భుత్వం సినిమా టిక్కెట్ల‌ను పెంచ‌డం గ‌మ‌నార్హం. ఏపీ ప్రేక్ష‌కులు సినిమా ప‌రిశ్ర‌మ‌ను 80శాతం బ‌తికిస్తున్నారు. కానీ, హీరోల‌తో స‌హా టాలీవుడ్ లోని ప్ర‌ముఖుల ఆదాయం ప‌న్ను తెలంగాణ స‌ర్కార్‌కు జ‌మ అవుతోంది. రాష్ట్రం విభ‌జ‌న‌తో న‌ష్ట‌పోయిన ఏపీని ఆదాయ ప‌రంగా టాలీవుడ్ మ‌రింత బ‌ల‌హీన ప‌రుస్తోంది. అందుకే, జ‌గ‌న్ స‌ర్కార్ టాలీవుడ్ మీద ప్ర‌త్యేక శ్ర‌ద్ధ పెట్టింది. ఈ దెబ్బ‌తో సినీ ప‌రిశ్ర‌మ ఏపీకి త‌ర‌లివెళ్ల‌డ‌మా? లేక కేసీఆర్ పంచ‌న ఊగులాడ‌డ‌మో తేల‌నుందా? అంటే హైద‌రాబాద్ వీడేది లేదంటున్నారు టాలీవుడ్ లోని కొంద‌రు హీరోలు. మ‌రి జ‌గ‌న్ ఏం చేస్తాడో చూద్దాం.


Follow us
HashtagU Telugu Google News HashtagU Telugu Facebook twitter-icon instagram whatsapp telugu-hashtagu

Tags

  • cm jagan
  • ticket rates
  • tollywood

Related News

SS Thaman

SS Thaman: రాబోయే నాలుగు నెల‌లు కూడా థ‌మ‌న్‌దే హ‌వా.. చేతిలో భారీ ప్రాజెక్టులు!

సెప్టెంబర్‌లో (ఈనెల 25న‌) థమన్ సంగీతం అందించిన 'OG' సినిమా విడుదల కానుంది. పవన్ కళ్యాణ్ అభిమానులకు ఇది ఒక పండగ లాంటి వార్త. ఇప్పటికే విడుదలైన టీజర్లు, పాటలు సినిమాపై అంచనాలను భారీగా పెంచాయి.

    Latest News

    • ‎Friday: ప్రతి శుక్రవారం ఇలా చేస్తే చాలు.. లక్ష్మీదేవి ఇంట్లో తిష్ట వేయాల్సిందే!

    • Tulasi Plant: ‎తులసి మొక్క విషయంలో పొరపాటున కూడా ఈ తప్పులు అస్సలు చేయకండి.. చేసారో!

    • TVK Vijay Rally in Karur Tragedy : విజయ్ సభలో తొక్కిసలాట..33 మంది మృతి

    • Sarfaraz Khan: స‌ర్ఫ‌రాజ్ ఖాన్ ఫిట్‌నెస్‌పై వివాదం.. ఎంపిక చేయ‌క‌పోవడానికి కారణం ఏంటి?

    • Agarbatti Smoke: అగర్బత్తి, ధూప్‌బత్తి ధూమం ప్రాణాంతకమా? పరిశోధనల్లో కీలక విష‌యాలు వెల్ల‌డి!

    Trending News

      • Online Sales: జీఎస్టీ తగ్గింపుతో పండుగ సందడి.. కొనుగోళ్ల జోరు, ఈ-కామర్స్ రికార్డులు!

      • Dasara Offers : ఆఫర్లు అనిచెప్పి ఎగబడకండి..కాస్త ఎక్స్పైరీ డేట్ చూసుకోండి

      • Prime Minister Routine Checkup: ప్రధానమంత్రి మోదీ ఆరోగ్య ప్రోటోకాల్.. ప్రతి 3 నెలలకు ఒకసారి చెకప్!

      • Rupee: పుంజుకున్న రూపాయి.. బ‌ల‌హీన‌ప‌డిన డాల‌ర్‌!

      • IND vs PAK Final: భార‌త్‌- పాక్ మ‌ధ్య ఫైన‌ల్ మ్యాచ్‌.. పైచేయి ఎవ‌రిదంటే?

    HashtagU Telugu
    • Contact Us
    • About Us
    • Privacy & Cookies Notice
    Network
    • English News
    • Telugu News
    • Hindi News
    Category
    • Telangana News
    • Andhra Pradesh News
    • National News
    • South
    • Entertainment News
    • Trending News
    • Special News
    • Off Beat
    • Business News
    Trending News
    • Health Tips
    • Movie Reviews
    • 2024 Olympics
    • Life Style
    • Nara Lokesh
    • Nara Chandrababu Naidu
    • Revanth Reddy
    • kcr

    follow us

    • Copyright © 2025 Hashtag U. All rights reserved.
    • Powered by Veegam Software Pvt Ltd