TDP Government: ఏడాది కాలంలో కూటమి ప్రభుత్వం సాధించిన విజయాలివే!
నెలకు 64 లక్షల మందికి రూ.2720 కోట్లు పంపిణీ చేస్తూ, ఏడాదిలో రూ.34 వేల కోట్లు ఖర్చు చేసిన ప్రభుత్వం, వృద్ధులు, వికలాంగులు, వితంతువుల జీవన భద్రతను బలోపేతం చేసింది.
- Author : Gopichand
Date : 05-06-2025 - 9:20 IST
Published By : Hashtagu Telugu Desk
TDP Government: ఆంధ్రప్రదేశ్లో కూటమి ప్రభుత్వం (TDP Government) ఒక ఏడాది కాలంలో అనేక సంక్షేమ పథకాలు, అభివృద్ధి కార్యక్రమాలతో రాష్ట్ర ప్రజల జీవన ప్రమాణాలను ఉన్నతీకరించే దిశగా గణనీయమైన పురోగతి సాధించింది. రూ.9.20 లక్షల కోట్ల పెట్టుబడులతో 5.70 లక్షల ఉద్యోగాల సృష్టి నుంచి, పింఛన్ల పెంపు, రైతులకు ఆర్థిక సాయం, మౌలిక వసతుల కల్పన వరకు అనేక రంగాల్లో ఈ ప్రభుత్వం తన నిబద్ధతను చాటుకుంది.
సంక్షేమ పథకాల్లో మైలురాయి
పింఛన్ల పెంపు: నెలకు 64 లక్షల మందికి రూ.2720 కోట్లు పంపిణీ చేస్తూ, ఏడాదిలో రూ.34 వేల కోట్లు ఖర్చు చేసిన ప్రభుత్వం, వృద్ధులు, వికలాంగులు, వితంతువుల జీవన భద్రతను బలోపేతం చేసింది.
దీపం-2 పథకం: 3 ఉచిత గ్యాస్ సిలిండర్ల పథకం కింద ఇప్పటికే కోటి సిలిండర్లు పంపిణీ చేసి, రూ.2684 కోట్లు వెచ్చించారు.
అన్న క్యాంటీన్లు: 203 క్యాంటీన్లు పునరుద్ధరించి, మరో 61 సిద్ధం చేస్తూ, 21 ప్రధాన దేవాలయాల్లో నిత్య అన్నదానం కార్యక్రమాన్ని కొనసాగిస్తోంది.
రోడ్ల మరమ్మతు: రూ.1200 కోట్లతో 20,000 కి.మీ రోడ్ల గుంతలను పూరించి, రవాణా సౌకర్యాలను మెరుగుపరిచారు.
పెట్టుబడుల ఆకర్షణ: 78 ప్రాజెక్టుల ద్వారా రూ.9.20 లక్షల కోట్ల పెట్టుబడులు, 5.70 లక్షల ఉద్యోగాల సృష్టితో ఆర్థికాభివృద్ధికి బాటలు వేశారు.
పోలవరం ప్రాజెక్టు: కేంద్రం నుంచి రూ.12,500 కోట్ల సాయంతో పోలవరం పనులు వేగవంతం.
అమరావతి అభివృద్ధి: కేంద్రం నుంచి రూ.15,000 కోట్ల ఆర్థిక సాయంతో రాజధాని నిర్మాణం ముందుకు.
పరిశ్రమల స్థాపన: అనకాపల్లిలో రూ.1.85 లక్షల కోట్లతో ఎన్టీపీసీ గ్రీన్ ఎనర్జీ, శ్రీ సిటీలో రూ.5000 కోట్లతో ఎల్జీ ఎలక్ట్రానిక్స్, రూ.65 వేల కోట్లతో రిలయన్స్ బయో గ్యాస్ ప్లాంట్లు, రూ.1.35 లక్షల కోట్లతో అర్సెల్లార్ మిట్టల్ స్టీల్ ప్లాంట్, రూ.96,862 కోట్లతో రామాయపట్నంలో బీసీసీఎల్ రిఫైనరీ స్థాపనలు.
రైతులు, మత్స్యకారులకు మద్దతు
ధాన్యం సేకరణ: 55.57 లక్షల మెట్రిక్ టన్నుల ధాన్యం సేకరించి, 8.50 లక్షల మంది రైతులకు రూ.13,584 కోట్లు చెల్లించారు. గత ప్రభుత్వ బకాయిలు రూ.1674 కోట్లు రెండు నెలల్లోనే క్లియర్ చేశారు.
మత్స్యకారులకు సాయం: 217 జీవో రద్దు చేసి, రూ.259 కోట్లతో రూ.20,000 ఆర్థిక సాయం అందించారు.
డ్రిప్ ఇరిగేషన్: 90% సబ్సిడీతో రైతులకు డ్రిప్ పరికరాలు.
పాడి రైతులు: రూ.2 లక్షల సబ్సిడీతో షెడ్ నిర్మాణం.
సామాజిక సంక్షేమం, సాంస్కృతిక గౌరవం
బీసీలకు రూ.47,456 కోట్లు: బడ్జెట్లో బీసీ సంక్షేమానికి భారీ కేటాయింపు.
చేనేతలకు ఉపశమనం: జీఎస్టీ రద్దు, 500 యూనిట్ల పవర్ లూమ్స్, 200 యూనిట్ల హ్యాండ్ లూమ్స్కు ఉచిత విద్యుత్.
సోలార్ పథకం: బీసీలకు రూ.98,000 సబ్సిడీ, 20 లక్షల ఎస్సీ, ఎస్టీ ఇళ్లకు ఉచిత సోలార్ రూఫ్టాప్.
మత సామరస్యం: వేద విద్యార్థులకు రూ.3,000, అర్చకులకు రూ.15,000, ఇమామ్లకు రూ.10,000, మౌజన్లకు రూ.5,000, పాస్టర్లకు రూ.5,000, జూనియర్ న్యాయవాదులకు రూ.10,000 గౌరవ వేతనాలు.
సాంస్కృతిక గౌరవం: శ్రీ కన్యకాపరమేశ్వరి ఆత్మార్పణ దినం అధికారిక గుర్తింపు, అమరావతిలో పొట్టిశ్రీరాములు విగ్రహం నిర్మాణం.
Also Read: Kia Plant: కియా ప్లాంట్ నుంచి 1,008 ఇంజన్లు చోరీ.. వీటి విలువ ఎంతో తెలుసా?
మౌలిక వసతులు, ఇతర కార్యక్రమాలు
చెత్త నిర్వహణ: చెత్త పన్ను రద్దు, 83 లక్షల మెట్రిక్ టన్నుల చెత్త తొలగింపు.
పంచాయతీల అభివృద్ధి: రూ.990 కోట్లతో గ్రామీణ అభివృద్ధి, రూ.4500 కోట్లతో 30,000 పనులు.
హంద్రీనీవా కాలువ: రూ.3800 కోట్లతో విస్తరణ.
రైల్వే జోన్: విశాఖలో రైల్వే జోన్ నిర్మాణం ప్రారంభం.
ఉచిత ఇసుక పాలసీ: నిర్మాణ రంగానికి ఊతం.
వాట్సాప్ గవర్నెన్స్: 350 రకాల పౌర సేవలు.
మహిళల రక్షణ: శక్తి టీమ్స్, డ్రగ్స్ నిరోధానికి ఈగల్ విభాగం.
ఉద్యోగులకు ప్రోత్సాహం
టీచర్ల భారం తగ్గింపు: 117 జీవో రద్దు, యాప్ల ఒత్తిడి తొలగింపు.
పోలీసులకు సాయం: రూ.213 కోట్ల సరెండర్ లీవ్ సొమ్ము.
ఉద్యోగులకు రూ.7500 కోట్లు: వివిధ రూపాల్లో విడుదల.
అంగన్వాడీలు, ఆశలకు: రూ.1.5 లక్షల గ్రాట్యుటీ.
కూటమి ప్రభుత్వం తన హామీలను నెరవేర్చడంతో పాటు, రాష్ట్ర ఆర్థిక, సామాజిక, సాంస్కృతిక అభివృద్ధికి బలమైన పునాది వేసింది.
Follow us
