CM Chandrababu : ఎమ్మెల్యేలకే ఆ బాధ్యత అప్పగించిన సీఎం చంద్రబాబు

2047 Ap

ఆంధ్రప్రదేశ్‌ను 2047 (AP 2047)నాటికి అభివృద్ధి చెందిన రాష్ట్రంగా తీర్చిదిద్దే లక్ష్యంతో సీఎం చంద్రబాబు నాయుడు (CM Chandrababu ) కొత్త విధానాలను ప్రతిపాదించారు. రాష్ట్ర తలసరి ఆదాయాన్ని రూ. 55 లక్షలకు పెంచేందుకు, మొత్తం ఆర్థిక వ్యవస్థను 2.4 ట్రిలియన్ రూపాయల స్థాయికి తీసుకెళ్లేందుకు ఎమ్మెల్యేల పాత్ర ఎంతో కీలకమని తెలిపారు. అసెంబ్లీలో జరిగిన చర్చలో ఆయన మాట్లాడుతూ.. అభివృద్ధి లక్ష్యాలను నెరవేర్చేందుకు ప్రతిఒక్క నియోజకవర్గం కోసం ప్రత్యేకంగా విజన్ డాక్యుమెంట్ రూపొందించాలని సూచించారు. అభివృద్ధికి అనుగుణంగా ఎమ్మెల్యేలు తమ నియోజకవర్గాల్లో చర్యలు తీసుకోవాలని ఆయన స్పష్టం చేశారు.

Deputy CM Bhatti : గ్రీన్ ఎనర్జీలో లక్ష కోట్ల పెట్టుబడి.. ముందుకొచ్చిన కంపెనీలు : డిప్యూటీ సీఎం

దేశవ్యాప్తంగా చూసుకుంటే తెలంగాణ రాష్ట్రం ప్రస్తుతం అత్యధిక తలసరి ఆదాయాన్ని సాధించిందని చంద్రబాబు గుర్తుచేశారు. అటు కేంద్ర ప్రభుత్వం ప్రకటించిన వికసిత్ భారత్ – 2047 లక్ష్యాన్ని చేరుకునే మార్గంలో ఆంధ్రప్రదేశ్ తన వాటాను పోషించాలన్నారు. దేశ మొత్తం GDPని 30 ట్రిలియన్ డాలర్లకు తీసుకెళ్లాలనే లక్ష్యంతో రాష్ట్ర ప్రభుత్వం కూడా ముందుకెళ్లాలని ఆయన ఆకాంక్షించారు. ప్రభుత్వ అభివృద్ధి కార్యక్రమాలను వేగవంతం చేయడంలో ప్రజాప్రతినిధులు కీలకంగా వ్యవహరించాలని పేర్కొన్నారు.

Gram Gold Scheme : ‘తులం బంగారం’ పథకం లేదని తేల్చేసిన మంత్రి పొన్నం ..?

మహిళల హస్తకార్మికత పెరుగితే ఆర్థిక వ్యవస్థ మరింత మెరుగవుతుందని చంద్రబాబు తెలిపారు. మహిళలు ఆర్థికంగా స్వావలంబనగా మారితే వారి కుటుంబాలతో పాటు రాష్ట్ర అభివృద్ధికి కూడా తోడ్పడతారని వివరించారు. ప్రభుత్వం అమలు చేసే అభివృద్ధి కార్యక్రమాల్లో మహిళా ఉద్యోగుల భాగస్వామ్యాన్ని పెంచాల్సిన అవసరం ఉందన్నారు. రాష్ట్ర అభివృద్ధిలో భాగంగా పారిశ్రామిక రంగం, వ్యవసాయం, మహిళా శక్తీకరణ తదితర అంశాలపై ప్రత్యేక దృష్టి పెట్టాలని సీఎం సూచించారు. ఎమ్మెల్యేలు తమ నియోజకవర్గాల్లో ప్రభుత్వ పథకాలను సమర్థవంతంగా అమలు చేయడం ద్వారా 2047 కల్లా ఆంధ్రప్రదేశ్ దేశంలో అగ్రగామిగా నిలవగలదని చంద్రబాబు విశ్వాసం వ్యక్తం చేశారు.

Follow us