AP Cabinet Meeting : నేడు క్యాబినెట్ భేటీ.. కీలక అంశాలపై చర్చ

ఆంధ్రప్రదేశ్ ముఖ్యమంత్రి నారా చంద్రబాబు నాయుడు (CBN) అధ్యక్షతన ఈ రోజు మధ్యాహ్నం 3 గంటలకు రాష్ట్ర క్యాబినెట్‌ భేటీ జరగనుంది. ఈ సమావేశంలో ముఖ్యంగా ప్రధాని నరేంద్ర మోదీ పర్యటనపై మంత్రులకు సీఎం దిశానిర్దేశం చేయనున్నారు. ఈనెల 16న జరగనున్న ప్రధాని పర్యటనకు సంబంధించి భద్రతా ఏర్పాట్లు, ప్రజాసంబంధాల ప్రణాళికలు, అభివృద్ధి కార్యక్రమాల ప్రదర్శన వంటి అంశాలపై చర్చించనున్నారు. ప్రధాని పర్యటన సందర్భంగా రాష్ట్రానికి మరిన్ని కేంద్ర నిధులు సమకూర్చుకునే అవకాశాలను సీఎం పరిశీలించనున్నట్లు ప్రభుత్వ వర్గాలు తెలిపాయి.

‎Green Chilie: ఏంటి.. పచ్చిమిర్చి తింటే గుండెపోటు ప్రమాదం తగ్గుతుందా?

సమావేశంలో మరో ముఖ్య అంశం కొత్త జిల్లాల ఏర్పాటు మరియు ఆటో డ్రైవర్లకు ఆర్థిక సాయం. రేపటినుంచి ఆటో డ్రైవర్లకు అందించనున్న రూ.15,000 ఆర్థిక సాయంపై ఈ సమావేశంలో నిర్ణయాలు తీసుకోనున్నారు. ఈ పథకం కింద ఆటో డ్రైవర్లను ఎలా ఎంపిక చేయాలి, లబ్ధిదారుల జాబితా, డైరెక్ట్‌ బెనిఫిట్‌ ట్రాన్స్ఫర్‌ విధానం వంటి అంశాలపై మంత్రివర్గం చర్చించనుంది. చిన్నతరగతి వృత్తిదారులకు ఈ సాయం ఉపశమనాన్ని కలిగిస్తుందనే అభిప్రాయాలు వినిపిస్తున్నాయి.

అదేవిధంగా రాజధాని అమరావతిలో అభివృద్ధి పనులు , పలు సంస్థలకు భూకేటాయింపులు మరియు సీఆర్డీఏ ప్రతిపాదనలు ఈ సమావేశంలో కీలకంగా చర్చించబడనున్నాయి. అమరావతిలో రహదారులు, పబ్లిక్‌ యుటిలిటీస్‌, అంతర్జాతీయ ప్రమాణాల మౌలిక వసతుల నిర్మాణానికి పెట్టుబడులు ఆకర్షించేందుకు ప్రభుత్వం తీసుకుంటున్న చర్యలపై సీఎం సమీక్షించనున్నారు. సీఆర్డీఏ ప్రతిపాదనలను ఆమోదించడం ద్వారా అమరావతి అభివృద్ధి వేగవంతం అవుతుందని అధికార వర్గాలు భావిస్తున్నాయి. ఈ సమావేశం ద్వారా రాష్ట్ర అభివృద్ధి దిశలో కొన్ని కీలక నిర్ణయాలు వెలువడే అవకాశం ఉంది.