Senior Citizen Card : సీనియర్ సిటిజన్ కార్డ్.. అప్లై చేసుకుంటే ప్రయోజనాలివీ

Senior Citizen Card : సీనియర్ సిటిజన్‌లకు గొప్ప అవకాశం. వారంతా సీనియర్ సిటిజన్ కార్డులకు అప్లై చేసుకోవచ్చు. ఆంధ్రప్రదేశ్‌లోని గ్రామ, వార్డు సచివాలయాల్లో దరఖాస్తులను సమర్పిస్తే వారంలో కార్డు అందుతుంది. మీసేవ, ఇంటర్నెట్ కేంద్రాల ద్వారానూ అప్లై చేయొచ్చు. జిల్లా కేంద్రాల్లోని దివ్యాంగులు, వయోవృద్ధుల సంక్షేమశాఖ కార్యాలయంలో కూడా అప్లై చేసుకోవచ్చు. ఇక్కడ అప్లై చేసిన రోజే కార్డును ఇస్తారు. డిజిటల్ కార్డు దరఖాస్తుకు పాస్‌పోర్టు సైజ్‌ ఫొటో, ఆధార్‌ కార్డు, బ్యాంకు అకౌంట్ పాస్ బుక్, బ్లడ్ గ్రూప్, ఆధార్ కార్డు హిస్టరీ, ఇతర ధ్రువీకరణ పత్రాలను సమర్పించాలి. ఏపీలో 60 ఏళ్లు దాటిన పురుషులు, 58 ఏళ్లు దాటిన మహిళలు దీనికి అర్హులు. ఈ ఒక్క కార్డు ఉంటే గుర్తింపు పత్రాలన్నీ చూపించకుండానే దేశవ్యాప్తంగా ఎక్కడైనా అనేక ప్రభుత్వ ప్రయోజనాలను పొందొచ్చు. ఇంతకీ ఈ కార్డులు ఎందుకు ? సీనియర్ సిటిజన్‌లకు లాభాలేంటి ? తెలుసుకుందాం..