తగ్గుతున్న కరోనా.. తెలంగాణలో తాజా కేసులు 218
జనాలను ముప్పుతిప్పలు పెట్టిన కరోనా మహమ్మారి క్రమక్రమంగా తగ్గుతోంది. రోజురోజుకూ కేసులు తగ్గుముఖం పడుతుండటంతో తెలంగాణ ప్రజలు హాయిగా ఊపీరిపీల్చుకుంటున్నారు.
- By Balu J Published Date - 12:30 PM, Wed - 6 October 21
![తగ్గుతున్న కరోనా.. తెలంగాణలో తాజా కేసులు 218](https://d1x8bgrwj9curj.cloudfront.net/wp-content/uploads/2021/10/hash-2-1.jpg)
జనాలను ముప్పుతిప్పలు పెట్టిన కరోనా మహమ్మారి క్రమక్రమంగా తగ్గుతోంది. రోజురోజుకూ కేసులు తగ్గుముఖం పడుతుండటంతో తెలంగాణ ప్రజలు హాయిగా ఊపీరిపీల్చుకుంటున్నారు. ఒకవైపు వ్యాక్సినేషన్ ప్రక్రియ వేగవంతం కావడం.. మరోవైపు ప్రజలు రెండు డోసులను కంప్లీట్ చేసుకోవడంతో కొవిడ్ అదుపులోకి వచ్చింది. తాజాగా తెలంగాణలో గడిచిన 24 గంటల్లో 46,578 మందికి కరోనా పరీక్షలు నిర్వహించగా 218 కేసులు నమోదు కాగా, ఒకరు మరణించారు.
గ్రేటర్ హైదరాబాద్ పరిధిలో అత్యధికంగా 69 కొత్త కేసులు నమోదయ్యాయి. మేడ్చల్ మల్కాజిగిరి జిల్లాలో 15, కరీంనగర్ జిల్లాలో 14, నల్గొండ జిల్లాలో 14 కేసులు వెల్లడయ్యాయి. నిర్మల్, కొమరంభీం ఆసిఫాబాద్ జిల్లాల్లో ఒక్క కొత్త కేసు కూడా నమోదు కాలేదు. 248 మంది కరోనా నుంచి కోలుకోగా, ఒకరు మరణించారు. రాష్ట్రంలో ఇప్పటిదాకా 6,66,971 పాజిటివ్ కేసులు నమోదు కాగా… 6,58,657 మంది ఆరోగ్యవంతులయ్యారు. ఇంకా 4,390 మందికి చికిత్స కొనసాగుతోంది. కరోనా మృతుల సంఖ్య 3,924కి పెరిగింది.
కరోనా ఫస్ట్, సెకండ్ వేవ్ లు ప్రజలపై తీవ్ర ప్రభావం చూపడంతో తెలంగాణ ప్రభుత్వం అప్రమత్తమైంది. ఒకవేళ థర్డ్ వేవ్ తీవ్రరూపం దాల్చితే.. అందుకు ఎదుర్కొనేందుకు సిద్ధంగా ఉంది. తెలంగాణలోని అన్ని ప్రభుత్వ ఆస్పత్రుల్లో అందుకు కావాల్సిన సౌకర్యాలను ఏర్పాటుచేసింది ప్రభుత్వం. కరోనా నివారణలో టీకా పనితీరు బాగా ఉండటంతో.. ప్రతిఒక్కరూ వ్యాక్సినేషన్ వేసుకునేలా చర్యలు తీసుకుంటోంది.
Related News
![Covid : భారత్కి మరో కోవిడ్ వ్యాప్తి సిద్దంగా ఉండాలి..!](https://d1x8bgrwj9curj.cloudfront.net/wp-content/uploads/2024/08/India-should-be-ready-for-a.jpg)
Covid : భారత్కి మరో కోవిడ్ వ్యాప్తి సిద్దంగా ఉండాలి..!
అమెరికాతో పాటు దక్షిణ కొరియాల్లో కేసులు పెరుగుతున్న నేపథ్యంలో ఈ హెచ్చరికలు వచ్చాయి. సీడీసీ అంచనాల ప్రకారం.. యూఎస్లో దేశంలోని 25 రాష్ట్రాల్లో కోవిడ్ ఇన్ఫెక్షన్లు పెరుగుతున్నాయి.