Volkswagen: ఫోక్స్‌వ్యాగన్ సంచలన నిర్ణయం..!
ప్రముఖ కార్ల సంస్థ ఫోక్స్‌వ్యాగన్ సంచలన నిర్ణయం తీసుకుంది.
- By Gopichand Published Date - 07:27 PM, Sat - 5 November 22
ప్రముఖ కార్ల సంస్థ ఫోక్స్‌వ్యాగన్ సంచలన నిర్ణయం తీసుకుంది. ట్విట్టర్ లో పెయిడ్ ప్రకటనలను నిలిపివేయాలంటూ తన బ్రాండ్‌లకు ఆదేశాలిచ్చింది. అయితే ట్విట్టర్‌ను మస్క్ సొంతం చేసుకున్న తర్వాత పెయిడ్ ప్రకటనలను ఇతర సంస్థలు నిలిపివేసిన సందర్భంగా ఈ నిర్ణయం తీసుకున్నట్లు సంస్థ యాజమాన్యం తెలిపింది. ‘పరిస్థితిని క్షుణ్ణంగా పరిశీలిస్తున్నాం. అది మారే తీరును బట్టి తర్వాత నిర్ణయాలు తీసుకుంటాం’ అని సంస్థ పేర్కొంది.
ఈ వారం ప్రారంభంలో జనరల్ మోటార్స్ (GM) సోషల్ మీడియా ప్లాట్‌ఫారమ్‌ను టెస్లా సీఈఓ ఎలాన్ మస్క్ స్వాధీనం చేసుకున్న తర్వాత ట్విట్టర్‌లో చెల్లింపు ప్రకటనలను నిలిపివేసినట్లు ప్రకటించింది. ట్విట్టర్ ప్రకటనలను నిలిపివేసిన తయారీదారుల జాబితాలో ఇప్పుడు ఫోక్స్‌వ్యాగన్ కార్ల తయారీ దిగ్గజం చేరింది. సోషల్ మీడియా ప్లాట్‌ఫారమ్‌ను ఎలాన్ మస్క్ స్వాధీనం చేసుకున్న నేపథ్యంలో తదుపరి నోటీసు వచ్చేవరకు ట్విట్టర్‌లో చెల్లింపు ప్రకటనలను పాజ్ చేయమని ఫోక్స్‌వ్యాగన్ తన బ్రాండ్‌లకు సిఫార్సు చేసినట్లు శుక్రవారం తెలిపింది. “మేము పరిస్థితిని నిశితంగా పరిశీలిస్తున్నాము. దాని పరిణామాన్ని బట్టి తదుపరి దశల గురించి నిర్ణయిస్తాము” అని యూరప్ అగ్రకార్ల తయారీ సంస్థ ఒక ప్రకటనలో తెలిపింది.
