Canada: కెనడాలో వారానికి 20 గంటల పని విధానం తొలగించాలని డిమాండ్.. కారణమిదే..?
ఇన్ఫోసిస్ సహ వ్యవస్థాపకుడు నారాయణమూర్తి వారానికి 70 గంటలు పని చేయాలని సూచించడంతో దీనిపై చర్చ మొదలైంది. ఇప్పుడు కెనడా (Canada) నుండి దీనికి సంబంధించిన వార్తలు వచ్చాయి.
- By Gopichand Published Date - 08:13 AM, Sat - 25 November 23
Canada: ప్రస్తుతం భారత్లో పనివేళలపై చర్చ నడుస్తోంది. ఇన్ఫోసిస్ సహ వ్యవస్థాపకుడు నారాయణమూర్తి వారానికి 70 గంటలు పని చేయాలని సూచించడంతో దీనిపై చర్చ మొదలైంది. చాలా మంది దీనికి అనుకూలంగా, వ్యతిరేకంగా అభిప్రాయాలు చెప్పడం ప్రారంభించారు. ఇప్పుడు కెనడా (Canada) నుండి దీనికి సంబంధించిన వార్తలు వచ్చాయి. కెనడాలో నివసిస్తున్న విదేశీ విద్యార్థులు.. కెనడా వారానికి 20 గంటలు పని చేయాలనే నిబంధనను తొలగించాలని డిమాండ్ చేశారు. నివేదికల ప్రకారం.. ఇలా డిమాండ్ చేసేవారిలో భారతదేశం నుండి కూడా చాలా మంది విద్యార్థులు ఉన్నారు. కెనడా ప్రభుత్వం ఈ పరిమితిని గత సంవత్సరం నవంబర్ 15 నుండి తాత్కాలికంగా తొలగిస్తున్నట్లు ప్రకటించింది. దీనికి కారణం కరోనా మహమ్మారి తరువాత ఆర్థిక పునరుద్ధరణకు అవసరమైన కార్మికులను పొందడంలో కంపెనీలు ఇబ్బందులను ఎదుర్కొంటున్నాయి.
ఈ డిమాండ్ వెనుక కారణం ఏమిటి?
CBC న్యూస్ నివేదిక ప్రకారం.. పెరుగుతున్న ద్రవ్యోల్బణం మధ్య ఎక్కువ పని గంటలు తమకు స్థిరత్వాన్ని అందిస్తాయని విద్యార్థులు చెబుతున్నారు. తనకు 40 వేల డాలర్ల ఎడ్యుకేషన్ లోన్ ఉందని, ఫుల్ టైమ్ పని చేస్తే 10 వేల డాలర్లు చెల్లించవచ్చని ఓ విద్యార్థి చెబుతున్నాడు. కృనాల్ చావ్డా అనే ఈ 20 ఏళ్ల విద్యార్థి గత సంవత్సరం వారానికి 40 గంటలు పని చేయగలిగానని, దాని వల్ల తన ఆర్థిక పరిస్థితి బాగానే ఉందని, ట్యూషన్ ఫీజు చెల్లించడంలో ఇబ్బంది లేదని చెప్పాడు. గత నిబంధన వల్ల ద్రవ్యోల్బణం కారణంగా ఖర్చులు పెరిగిపోవడంతో ఆందోళన చెందుతున్నారు.
Also Read: Israel – Hamas Deal : ఇజ్రాయెల్ 39, హమాస్ 24.. సీజ్ ఫైర్లో తొలి రోజు ?
20 గంటల పనితో జీవించడం కష్టం
చాలా మంది విద్యార్థులు తక్కువ జీతంతో పనిచేస్తున్నారని మరో విద్యార్థి చెప్పారు. ఇలాంటి పరిస్థితుల్లో వారానికి 20 గంటలపాటు పనిచేసి బతకడం చాలా కష్టం అని చెప్తున్నారు. ఇటీవల విడుదలైన నివేదిక ప్రకారం.. కెనడాలో జీవన వ్యయం చాలా ఎక్కువగా ఉంది. గృహ సంక్షోభం కూడా ఉంది. దాదాపు 70 లక్షల మంది జీవనోపాధి కోసం ఇబ్బందులు పడుతున్నారు. ఇంతలో విద్యార్థుల నుంచి ఈ డిమాండ్ వచ్చింది. మీడియా కథనాల ప్రకారం.. చాలా మంది విద్యార్థులు చాలా కష్టాలను ఎదుర్కొంటున్నారు. భారతదేశం నుండి పెద్ద సంఖ్యలో విద్యార్థులు కెనడాకు చదువుకోవడానికి వెళ్తున్న విషయం తెలిసిందే.
We’re now on WhatsApp. Click to Join.
Related News
Alejandra Rodríguez: మిస్ యూనివర్స్గా 60 ఏళ్ల భామ.. ఎవరీ అలెజాండ్రా రోడ్రిగ్జ్..?
ఈ రోజుల్లో సోషల్ మీడియాలో ప్రతిచోటా మిస్ యూనివర్స్ బ్యూనస్ ఎయిర్స్ 2024 గురించి చర్చ జరుగుతోంది. ఈ టైటిల్ను అర్జెంటీనాలోని లా ప్లాటా నివాసి అలెజాండ్రా రోడ్రిగ్జ్ గెలుచుకున్నారు.