Russia : ఉక్రెయిన్ మంత్రులే లక్ష్యంగా రష్యా డ్రోన్, క్షిపణుల దాడి

Russia : ఉక్రెయిన్ రాజధాని కీవ్ మరోసారి రష్యా వైమానిక దాడులకు గురైంది. ఆదివారం (సెప్టెంబర్ 7) తెల్లవారుజామున రష్యా డ్రోన్లు, క్షిపణులను ప్రయోగించగా, మంత్రుల మండలి భవనం పైకప్పు నుండి ఒక్కసారిగా దట్టమైన పొగలు ఎగసిపడ్డాయి. వెంటనే అగ్నిమాపక దళం ఘటనా స్థలానికి చేరుకుని మంటలను ఆర్పే ప్రయత్నాలు ప్రారంభించింది. ఈ భవనంలో మంత్రుల నివాసాలు, కార్యాలయాలు రెండూ ఉండటంతో ఆందోళన మరింత పెరిగింది. రాజధానిలోని ప్రభుత్వ ప్రధాన కార్యాలయం, అనేక నివాస భవనాలు కూడా మంటల్లో చిక్కుకున్నాయి.

కీవ్ మేయర్ విటాలి క్లిట్‌ష్కో ప్రకారం, మొదట డ్రోన్ దాడులతో దాడి ప్రారంభమై, అనంతరం భారీ క్షిపణులను ప్రయోగించారు. ఇప్పటి వరకు రష్యా నేరుగా ప్రభుత్వ భవనాలను లక్ష్యంగా చేసుకోవడం అరుదుగా జరిగిందని ఆయన గుర్తుచేశారు. కానీ ఇప్పుడు ఉక్రెయిన్‌పై రష్యా వైమానిక దాడులను మరింతగా పెంచబోతోందన్న సంకేతాలు కనిపిస్తున్నాయి. గత రెండు వారాల్లో కీవ్‌పై జరిగిన రెండవ అతిపెద్ద దాడిగా ఇది గుర్తింపు పొందింది. శనివారం రాత్రి జరిగిన వరుస దాడుల్లో ఒక చిన్నారితో సహా ముగ్గురు ప్రాణాలు కోల్పోయారు. డార్నిట్‌స్కీ ప్రాంతంలోని ఒక నివాస భవనం రెండో అంతస్తులో మంటలు చెలరేగగా, పశ్చిమ స్వియాటోషిన్‌స్కీ జిల్లాలోని తొమ్మిది అంతస్తుల భవనం క్షిపణి దాడుల కారణంగా మంటల్లో చిక్కుకుంది.

Jharkhand Encounter : ఝార్ఖండ్‌లో ఎన్‌కౌంటర్.. 10 లక్షల రివార్డు ఉన్న మావోయిస్టు హతం

ఇక ఉక్రెయిన్‌లోని క్రెమెన్‌చుక్ నగరంలో డజన్ల కొద్దీ పేలుళ్లు సంభవించగా, కొన్ని ప్రాంతాలకు విద్యుత్ సరఫరా నిలిచిపోయిందని మేయర్ విటాలీ మాలెట్‌స్కీ తెలిపారు. క్రివి రిహ్‌లో రవాణా, పట్టణ మౌలిక వసతులు రష్యా దాడుల లక్ష్యంగా మారాయని సైనిక చీఫ్ ఒలెక్సాండర్ విల్కుల్ తెలిపారు. దక్షిణ ఉక్రెయిన్‌లోని ఒడెస్సా ప్రాంతంలో కూడా నివాస భవనాలు దెబ్బతిన్నాయి.

ఈ దాడులపై రష్యా ఇంకా అధికారికంగా స్పందించలేదు. పౌరులను ఉద్దేశపూర్వకంగా లక్ష్యంగా చేసుకున్నారన్న ఆరోపణలను ఇరు దేశాలు ఖండిస్తున్నప్పటికీ, యుద్ధం ప్రారంభమైనప్పటి నుండి వేలాది మంది పౌరులు ప్రాణాలు కోల్పోయారు. మరోవైపు, పశ్చిమ ఉక్రెయిన్‌పై వైమానిక దాడుల ముప్పు ఉందని పోలిష్ సాయుధ దళాలు హెచ్చరించాయి. వాయు భద్రతను కాపాడటానికి తమ విమానాలను సిద్ధం చేశామని పోలాండ్ ప్రకటించింది.

Blast : పాకిస్థాన్‌లో క్రికెట్ మైదానంలో బాంబు పేలుడు.. ఒకరు మృతి, పలువురికి గాయాలు