Earthquake: పాకిస్థాన్‌లో భారీ భూకంపం

Earthquake

పాకిస్థాన్‌లో ఇవాళ మళ్లీ భూమి కంపించింది. రిక్టర్ స్కేలుపై దీని తీవ్రత 5.4గా నమోదైనట్లు నేషనల్ సెంటర్ ఫర్ సిస్మోలజీ (ఎన్‌సీఎస్‌) వెల్లడించింది. గంటల వ్యవధిలోనే దేశంలో భూకంపం రావడం ఇది రెండోసారి. నిన్న సాయంత్రం కూడా 5.3 తీవ్రతతో భూమి కంపించింది. అయితే, ఈ రెండు ఘటనల్లోనూ ఎలాంటి ప్రాణ, ఆస్తి నష్టం జరగలేదని సమాచారం. భారత, యురేషియా టెక్టోనిక్ ప్లేట్ల సరిహద్దులో ఉండటంతో పాకిస్థాన్‌లో తరచూ భూకంపాలు సంభవిస్తుంటాయి.

ఇదిలా ఉంటే.. వెనెజువెలాలో సంభవించిన భూకంప విలయం పెను విషాదాన్ని మిగిల్చింది. రెండు రోజుల క్రితం 7.2, 7.5 తీవ్రతతో వచ్చిన భారీ జంట భూకంపాల తర్వాత నిన్న మరోసారి 4.9 తీవ్రతతో భూమి కంపించింది. ఈ ప్రకృతి వైపరీత్యం ధాటికి మృతుల సంఖ్య 920కి చేరినట్లు అధికారులు ధ్రువీకరించారు. మరో 3,360 మంది తీవ్రంగా గాయపడ్డారు.

ఈ భూకంపాల వల్ల రాజధాని కారకాస్‌తో పాటు పలు నగరాల్లో భవనాలు పేకమేడల్లా కూలిపోయాయి. సుమారు 50,000 మందికి పైగా ప్రజలు గల్లంతైనట్లు సమాచారం. శిథిలాల కింద చిక్కుకున్న వారిని రక్షించేందుకు భారీ ఎత్తున సహాయక చర్యలు కొనసాగుతున్నాయి. 871 మంది అంతర్జాతీయ నిపుణులతో కూడిన బృందాలు ఈ సహాయక చర్యల్లో పాల్గొంటున్నాయి.

Follow us