Wildfires Vs Fish : లాస్ ఏంజెల్స్ను కాల్చేసిన కార్చిచ్చుకు ఈ చేపలే కారణమట !
లాస్ ఏంజెల్స్ నగరం శివార్లలో ఉండే నీటి సరస్సుల్లో పెద్దసంఖ్యలో ఈ జాతి చేపలు(Wildfires Vs Fish) ఉంటాయి.
- By Pasha Published Date - 09:21 AM, Sat - 11 January 25

Wildfires Vs Fish : కార్చిచ్చు అమెరికాలోని మహానగరం లాస్ ఏంజెల్స్ను కాల్చేసింది. దాదాపు 10 వేల కట్టడాలను బుగ్గి చేసింది. రూ.12.9 లక్షల కోట్ల ఆస్తి నష్టాన్ని సృష్టించింది. పదిమంది ప్రాణాలను బలిగొంది. ప్రపంచంలోనే అతిపెద్దదైన బన్నీ(కుందేలు బొమ్మలు) మ్యూజియం కూడా ఈ మంటల్లో దగ్ధమైంది. ఈ మ్యూజియంలో కుందేళ్ల రూపంలో ఉన్న 46వేల వస్తువులు కాలిపోయాయి. లాస్ ఏంజెల్స్ పరిధిలోని పాలిసాడ్స్ ఫైర్, ఎటన్ ఫైర్ ప్రాంతాలలో దాదాపు 35 వేల ఎకరాల్లో అడవులు కాలిపోయాయి. కార్చిచ్చు దెబ్బకు ధనవంతులు, హాలీవుడ్ స్టార్లు వదిలేసి వెళ్లిపోయిన ఇళ్లల్లో దొంగలు పడుతున్నారు. దాదాపు 20 మంది దొంగలను ఇప్పటివరకు అరెస్టు చేశారు. లాస్ ఏంజెల్స్ నగరం ఎదుర్కొంటున్న ఈ దుస్థితికి కారణం ఒక చిన్నచేప అని చర్చ జరుగుతోంది ? ఆ వివరాలేంటో చూద్దాం..
Also Read :Ration Cards : రేషన్ కార్డులో క్రెడిట్ కార్డు తరహా ఫీచర్లు.. క్యూఆర్ కోడ్తో జారీ
‘డెల్టా స్మెల్ట్’ అనేది ఏటీఎం కార్డు సైజులో ఉండేే అరుదైన చేపజాతి. ఈ చేప జాతిని కాపాడటానికి కాలిఫోర్నియా గవర్నర్ గవిన్ న్యూసమ్ చేసిన మిస్టేక్ వల్లే లాస్ ఏంజెల్స్ నగరం కార్చిచ్చులో చిక్కుకుందని కాబోయే అమెరికా అధ్యక్షుడు డొనాల్డ్ ట్రంప్ విమర్శించారు. డెల్టా స్మెల్ట్ జాతికి చెందిన చేపలు తక్కువ నీటిమట్టం ఉన్న జల వనరుల్లోనే జీవిస్తుంటాయి.
Also Read :Tour Tips: కేరళలోని ఈ ప్రదేశం వెనిస్ కంటే తక్కువ కాదు, సందర్శించడానికి ప్లాన్ చేయండి
చేపలను కాపాడేందుకు ..
లాస్ ఏంజెల్స్ నగరం శివార్లలో ఉండే నీటి సరస్సుల్లో పెద్దసంఖ్యలో ఈ జాతి చేపలు(Wildfires Vs Fish) ఉంటాయి. వాటిని కాపాడే లక్ష్యంతో కాలిఫోర్నియా గవర్నర్ గవిన్ న్యూసమ్ కీలక నిర్ణయం తీసుకున్నారు. లాస్ ఏంజెల్స్ నగరం శివార్లలోని నీటి సరస్సుల్లోకి నదుల నుంచి నీటిని మళ్లించే ఒప్పందంపై కాలిఫోర్నియా గవర్నర్ గవిన్ న్యూసమ్ సంతకం చేయలేదు. గవర్నర్ తీసుకున్న ఈ నిర్ణయం వల్లే లాస్ ఏంజెల్స్ నగరం కార్చిచ్చులో కాలిపోతుంటే మంటలను ఆర్పేందుకు నీళ్లు దొరకని పరిస్థితి వచ్చిందని డొనాల్డ్ ట్రంప్ మండిపడ్డారు. ఈ నగరాన్ని కార్చిచ్చు దహిస్తున్న సీన్లు అంతరిక్షం నుంచి స్పష్టంగా కనిపిస్తున్నాయట. దీన్నిబట్టి మంటల తీవ్రత ఏ రేంజులో ఉందో మనం అర్థం చేసుకోవచ్చు.