Israel : ఖమేనీని హత్య చేసేందుకు బాగా వెతికాం.. ఇజ్రాయెల్ కీలక వ్యాఖ్యలు

Israel

Israel : ఇరాన్‌తో కొనసాగుతున్న ఘర్షణల నేపథ్యంలో, ఇజ్రాయెల్ రక్షణ మంత్రి యోవ్ గలాంట్‌ సంచలన వ్యాఖ్యలు చేశారు. ఇరాన్ సుప్రీం లీడర్ అయతొల్లా అలీ ఖమేనీని హత్య చేయాలని తమకు స్పష్టమైన లక్ష్యం ఉందని వెల్లడించారు. అయితే ఖమేనీ ఆచూకీ గల్లంతవడంతో ఆ ప్రణాళికను అమలు చేయలేకపోయామని ఖట్జ్ తెలిపారు. “అతను మళ్లీ అందుబాటులోకి వస్తే, బయటకు లాగడం మా వల్లే” అని ఆయన వ్యాఖ్యానించారు. ఇది ఇజ్రాయెల్ ప్రభుత్వం ఖమేనీని ప్రత్యక్షంగా లక్ష్యంగా చేసుకున్న విషయాన్ని తొలిసారి అధికారికంగా ధ్రువీకరించినట్లైంది.

ఇజ్రాయెల్ ఇంటెలిజెన్స్ సంస్థలు, ఐడీఎఫ్ దళాలు గతంలో ఇరాన్ అణు స్థావరాలను లక్ష్యంగా చేసుకున్నప్పటికీ, తాజా సమాచారంతో వారి దృష్టి ఇప్పుడు ప్రత్యక్ష నాయకత్వంపై నిలిచినట్లు తెలుస్తోంది. “హెజ్బొల్లా చీఫ్ నస్రుల్లా లాగే ఖమేనీ కూడా బంకర్లలోనే ఉండాలి” అని ఇజ్రాయెల్ స్పష్టం చేసింది. ఇక అమెరికా మాజీ అధ్యక్షుడు డొనాల్డ్ ట్రంప్ కూడా ఇటీవల వ్యాఖ్యలులో “ఖమేనీ ఎక్కడ ఉన్నాడో మాకు తెలుసు. అతడిని చంపడం పెద్ద విషయం కాదు. కానీ మేము ఆ దిశగా వెళ్లం” అని పేర్కొన్నారు.

యుద్ధం ప్రారంభమైనప్పటి నుంచి ఖమేనీ పబ్లిక్ వ్యూహాల నుంచి దూరంగా ఉండగా, ఇటీవలే జూన్ 26న ఇరాన్ ప్రజలను ఉద్దేశించి ప్రసంగం చేశారు. ఆ ప్రసంగాన్ని ఇరాన్ ప్రభుత్వ టెలివిజన్ ప్రసారం చేసింది. 10 నిమిషాల వీడియోలో ఆయన అమెరికా, ఇజ్రాయెల్‌పై తీవ్రంగా మండిపడ్డారు. “మళ్లీ దాడి చేసే ప్రయత్నం చేస్తే అమెరికా భారీ మూల్యం చెల్లించాలి” అంటూ హెచ్చరించారు.

Tata Group: విమాన ప్రమాద బాధితులకు రూ.500 కోట్లతో ప్రత్యేక ట్రస్ట్

Follow us