Australia: హోటల్ పైకప్పును ఢీకొన్న హెలికాప్టర్, పైలట్ మృతి
ఆస్ట్రేలియాలో హోటల్ పైకప్పును హెలికాప్టర్ ఢీ కొనడంతో పైలట్ మృతి చెందాడు. మరో ఇద్దరు వృద్దులు ఆస్పత్రి పాలయ్యారు. ప్రమాదం జరిగిన వెంటనే ముందుజాగ్రత్తగా భవనాన్ని ఖాళీ చేయించినట్లు క్వీన్స్లాండ్ స్టేట్ పోలీసులు తెలిపారు.
- Author : Praveen Aluthuru
Date : 12-08-2024 - 11:07 IST
Published By : Hashtagu Telugu Desk
Australia: సోమవారం ఉదయం ఆస్ట్రేలియాలోని ఫార్ నార్త్ క్వీన్స్లాండ్లోని ఓ హోటల్ పైకప్పును ఢీకొని హెలికాప్టర్ కూలిపోయింది. ఈ ప్రమాదంలో ఒక పైలట్ మృతి చెందగా, మరో ఇద్దరు గాయపడ్డారు.
సిడ్నీ మార్నింగ్ హెరాల్డ్ నివేదిక ప్రకారం మరణించిన పైలట్ వయస్సు 40 సంవత్సరాలు. 83 ఏళ్ల వృద్ధుడు మరియు 76 ఏళ్ల మహిళ చికిత్స కోసం ఆసుపత్రిలో చేరారు.ఆస్ట్రేలియన్ ABC న్యూస్ బ్రాడ్కాస్టర్ ప్రకారం ప్రమాదం తర్వాత చుట్టూ పోలీసులు అత్యవసర పరిస్థితిని ప్రకటించారు. దాదాపు 400 మందిని సురక్షిత ప్రాంతాలకు తరలించారు.ప్రమాదం జరిగిన ప్రాంతానికి సమీపంలోని హోటల్ గదిలో బస చేసిన 80 ఏళ్ల వృద్ధుడు మరియు 70 ఏళ్ల వృద్ధురాలు పొగ కారణంగా శ్వాస తీసుకోవడంలో ఇబ్బంది పడ్డారు. వాళ్ళను చికిత్స నిమిత్తం కెయిర్న్స్ ఆసుపత్రికి తరలించారు.
ప్రమాదం జరిగిన వెంటనే ముందుజాగ్రత్తగా భవనాన్ని ఖాళీ చేయించినట్లు క్వీన్స్లాండ్ స్టేట్ పోలీసులు తెలిపారు. అక్కడున్న వారికి ఎలాంటి గాయాలు కాలేదు. ఈ ఘటనపై దర్యాప్తు చేస్తున్నారు. ప్రమాదానికి సంబంధించిన వీడియో కూడా సోషల్ మీడియాలో వైరల్ అవుతోంది. వీడియోలో హోటల్ పైకప్పుపై మంటలు కనిపిస్తున్నాయి. ఆస్ట్రేలియన్ మీడియా నివేదికల ప్రకారం హెలికాప్టర్ రెండు ప్రొపెల్లర్లు విరిగిపోయాయి. వాటిలో ఒకటి హోటల్ పూల్లో పడిపోయింది.
Also Read: Paris Olympics : వినేష్ ఫోగట్ మాత్రమే కాదు, ఈ ఆరుగురు భారతీయ ఆటగాళ్లు కూడా పతకాలు కోల్పోయారు..!
Follow us
