Baba Vanga : నవంబర్‌లో భూమిపైకి రానున్న గ్రహాంతరవాసులు.. బాబా వంగా షాకింగ్ అంచనాలు

Baba Vanga

Baba Vanga : బల్గేరియాకు చెందిన అంధ ప్రవక్త బాబా వంగా పేరు చెప్పగానే ప్రపంచవ్యాప్తంగా ఆసక్తి, భయం కలగలిపిన స్పందన వినిపిస్తుంది. “బాల్కన్ల నాస్ట్రడామస్”గా ఖ్యాతి పొందిన ఆమె దశాబ్దాల క్రితమే కన్నుమూసినా, ఆమె చెప్పిన అనేక భవిష్యవాణులు వరుసగా నిజమవుతున్నాయి. శీతల యుద్ధం ముగింపు, చెర్నోబిల్ అణు ప్రమాదం, అమెరికాలోని ట్విన్ టవర్స్‌పై ఉగ్రదాడి, 2004 సునామీ వంటి అనేక సంఘటనలను ముందుగానే చెప్పినట్లు ప్రచారం ఉంది. అందువల్లే, ఆమె చెప్పిన 2026 జోస్యాలు ఇప్పుడు ప్రపంచ వ్యాప్తంగా భయాందోళనలకు దారితీస్తున్నాయి.

బాబా వంగా జోస్యం ప్రకారం, 2026లో ప్రపంచం ఎన్నడూ చూడని స్థాయిలో ప్రకృతి విలయాలు ఎదుర్కొనవచ్చని చెబుతున్నారు. భూకంపాలు, అగ్నిపర్వత విస్ఫోటనాలు, తుఫానులు, కరువు, అతివృష్టి వంటి విపత్తులు వరుసగా సంభవించి భూభాగం 7–8 శాతం వరకు నాశనం అవుతుందని హెచ్చరించినట్టు సమాచారం. ఇప్పటికే 2025లో యూరప్‌లో రికార్డు స్థాయి వేసవికాల ఉష్ణోగ్రతలు, కెనడా–ఆస్ట్రేలియాలో భారీ కార్చిచ్చులు, పసిఫిక్ సముద్రతీర ప్రాంతాల్లో భూకంపాల తీవ్రత పెరగడం వంటి పరిణామాలు ఆమె జోస్యాలను బలపరుస్తున్నట్టు విశ్లేషకులు వ్యాఖ్యానిస్తున్నారు.

Medaram Jatara : మేడారం జాతరకు రూ. 150 కోట్ల నిధులు మంజూరు చేసిన ప్రభుత్వం

బాబా వంగా భవిష్యవాణిలో అత్యంత ఆందోళన కలిగించేది మూడో ప్రపంచ యుద్ధం గురించిన హెచ్చరిక. తైవాన్‌పై చైనా దాడి చేసే అవకాశం ఉందని, రష్యా–అమెరికా మధ్య ప్రత్యక్ష సైనిక ఘర్షణ తలెత్తవచ్చని ఆమె అంచనా వేసినట్టు చెప్పబడుతోంది. ప్రస్తుతం మధ్యప్రాచ్యం, దక్షిణాసియా, ఆగ్నేయాసియాలో పెరుగుతున్న రాజకీయ, భద్రతా ఉద్రిక్తతలు చూసి ఈ జోస్యాలపై ఆందోళనలు మరింత పెరుగుతున్నాయి. చిన్న ప్రాంతీయ ఘర్షణలు కూడా ఒక పెద్ద అంతర్జాతీయ యుద్ధానికి దారితీయవచ్చనే భయాలు నిపుణులు వ్యక్తం చేస్తున్నారు.

ప్రకృతి, యుద్ధాలకే కాకుండా సాంకేతిక రంగంపై కూడా బాబా వంగా గణనీయమైన హెచ్చరికలు ఇచ్చినట్టు ప్రచారం ఉంది. 2026లో ఆర్టిఫిషియల్ ఇంటెలిజెన్స్ (AI) మానవ జీవితంలోని కీలక రంగాలపై పూర్తి ఆధిపత్యం ప్రదర్శించడం ప్రారంభిస్తుందని ఆమె అంచనా వేసినట్లు చెబుతున్నారు. ఆరోగ్యం, ఆర్థిక రంగం, రక్షణ వంటి విభాగాల్లో ఏఐ నియంత్రణ పెరగడం వల్ల మానవులకు ఉద్యోగ నష్టాలు, నైతిక సమస్యలు, భద్రతా సవాళ్లు తలెత్తవచ్చని విశ్లేషకులు హెచ్చరిస్తున్నారు.

అన్ని అంచనాల్లోనూ అత్యంత ఆసక్తికరమైనది 2026 నవంబర్ గురించినది. బాబా వంగా భవిష్యవాణి ప్రకారం, ఆ సమయంలో గ్రహాంతరవాసులు (Aliens) భూమిపైకి రావచ్చని, ఓ భారీ అంతరిక్ష నౌక భూవాతావరణంలోకి ప్రవేశించవచ్చని పేర్కొన్నట్లు చెబుతున్నారు. ఇది నిజమైతే మానవ చరిత్రలోనే అతి పెద్ద మలుపుగా నిలుస్తుందని నిపుణులు అంటున్నారు. బాబా వంగా చెప్పిన అనేక జోస్యాలు కచ్చితంగా నిజం కాలేదని విమర్శకులు గుర్తుచేస్తున్నారు. అయితే, కొన్ని సంఘటనలు ఆమె చెప్పినట్టే జరిగాయని నమ్మేవారి సంఖ్య కూడా తక్కువ కాదు. అందువల్ల 2026 జోస్యాలపై ప్రస్తుతం ప్రపంచవ్యాప్తంగా చర్చలు జరుగుతున్నాయి. ప్రకృతి వైపరీత్యాలు, యుద్ధ ముప్పులు, సాంకేతిక మార్పులు – ఇవన్నీ నిజంగానే మానవాళిని సవాళ్ల ముందు నిలబెడతాయా అన్నది కాలమే తేల్చాలి.

Tragedy : ఘజియాబాద్‌లో దారుణం.. భార్యను ‘నోరా ఫతేహీలా ఉండాలి’ అంటూ చిత్రహింసలు

Follow us