Colombia landslide: కొలంబియాలో ఘోర ప్రమాదం.. 34 మంది మృతి

Cropped (1) 11zon

కొలంబియాలో ఘోర ప్రమాదం జరిగింది. రాజధాని బొగోటాకు 230 కి.మీల దూరంలో భారీ వర్షాలకు కొండచరియలు విరిగి ఓ బస్సు మీద పడ్డాయి. ఈ దుర్ఘటనలో 34 మంది ప్రాణాలు కోల్పోయారు. రిసరాల్డా ప్రావిన్సులోని ని ప్యూబ్లో రికో, శాంటా సిసిలియా గ్రామాల మధ్య ఈ ప్రమాదం జరిగింది. కేవలం 5 మందిని మాత్రమే ప్రాణాలతో కాపాడగలిగినట్లు అధికారులు తెలిపారు. ప్రస్తుతం సహాయక చర్యలను ముమ్మరం చేశారు.

కొలంబియాలో కొండచరియలు విరిగిపడటంతో 27 మంది చనిపోయారు. కొండచరియలు విరిగిపడడాన్ని ధృవీకరిస్తూనే ఈ కొండచరియలు విరిగిపడటంతో కనీసం 34 మంది ప్రాణాలు కోల్పోయారని కొలంబియా అధ్యక్షుడు గుస్తావో పెట్రో తెలియజేశారు. కొలంబియా రాజధాని బొగోటాకు దాదాపు 230 కిమీ (140 మైళ్లు) దూరంలో ఉన్న రిసరాల్డా రాష్ట్రంలోని ప్యూబ్లో రికో, శాంటా సిసిలియా గ్రామాల మధ్య భారీ వర్షాల కారణంగా కొండచరియలు విరిగిపడ్డాయి.

కొండచరియలు విరిగిపడటంతో రాష్ట్ర రహదారి దెబ్బతింది. ఇందులో 34 మంది ప్రాణాలు కోల్పోయారు. ఈ ప్రమాదం గురించి ప్రెసిడెంట్ పెట్రో ట్విట్టర్‌లో ఇలా వ్రాశారు. రిసారాల్డాలోని ప్యూబ్లో రికోలో జరిగిన విషాదంలో ఇప్పటివరకు 34 మంది ప్రాణాలు కోల్పోయారని నేను విచారంగా చెప్పాల్సి వచ్చింది. ప్రాణాలు కోల్పోయిన వారిలో ముగ్గురు మైనర్లు కూడా ఉన్నారు. బాధితులను ఆదుకుంటామని రాష్ట్రపతి హామీ ఇచ్చారు. ప్రమాదంలో ప్రాణాలు కోల్పోయిన వారి మృతదేహాలను నగరంలోని స్టేడియానికి తీసుకువస్తున్నట్లు చెప్పారు. ఈ ప్రమాదంలో కేవలం ఐదుగురిని మాత్రమే రక్షించగలిగామని అధికారులు తెలిపారు. 2022 సంవత్సరంలో కొలంబియాలో భారీ వర్షాలకు సంబంధించిన సంఘటనలలో ఇప్పటివరకు 216 మందికి పైగా ప్రాణాలు కోల్పోయారని గణాంకాలు చెప్తున్నాయి. అదే సమయంలో.. దీని కారణంగా 38 వేల మంది నిరాశ్రయులయ్యారు. దేశవ్యాప్తంగా ఇంకా 48 మంది గల్లంతైనట్లు గణాంకాలు చెబుతున్నాయి.

Follow us