Fireworks Factory Explosion: థాయ్‌లాండ్‌లోని బాణాసంచా ఫ్యాక్టరీలో పేలుడు.. 23 మంది మృతి
థాయ్‌లాండ్‌లోని బాణాసంచా ఫ్యాక్టరీలో పేలుడు (Fireworks Factory Explosion) సంభవించి 23 మంది మరణించారు. రాజధాని బ్యాంకాక్‌కు 60 మైళ్ల దూరంలోని సుఫాన్ బురి ప్రావిన్స్‌లో పేలుడు సంభవించింది.
- By Gopichand Published Date - 08:40 AM, Thu - 18 January 24
Fireworks Factory Explosion: థాయ్‌లాండ్‌లోని బాణాసంచా ఫ్యాక్టరీలో పేలుడు (Fireworks Factory Explosion) సంభవించి 23 మంది మరణించారు. రాజధాని బ్యాంకాక్‌కు 60 మైళ్ల దూరంలోని సుఫాన్ బురి ప్రావిన్స్‌లో పేలుడు సంభవించింది. ఘటనా స్థలంలో ఉన్న సహాయక సిబ్బంది ఎవరూ ప్రాణాలతో బయటపడలేదని చెబుతున్నారు. సంఘటన సమయంలో ఖాళీగా ఉన్న వరి పొలం నుండి మంటలు పైకి లేచినట్లు కనిపించిన కొన్ని చిత్రాలను కూడా సోషల్ మీడియాలో పోస్ట్ చేశారు. ప్రస్తుతం పోలీసులు, పరిపాలన బృందం సంఘటన స్థలంలో పేలుడుకు గల కారణాలపై దర్యాప్తు చేస్తున్నారు.
బ్రిటిష్ న్యూస్ సర్వీస్ కంపెనీ ‘స్కై న్యూస్’ ప్రకారం.. పోలీసులు ప్రస్తుతం ఈ అంశంపై దర్యాప్తు చేస్తున్నారు. 2022 నవంబర్‌లో కూడా ఫ్యాక్టరీలో పేలుడు సంభవించి ఒకరు ప్రాణాలు కోల్పోయినట్లు విచారణలో పోలీసులకు తెలిసింది. అలాగే ఆగస్టు 2023లో నారాతివాట్ ప్రావిన్స్‌లోని ఒక బాణసంచా గిడ్డంగిలో భారీ పేలుడు సంభవించింది. ఇందులో కనీసం 10 మంది మరణించారు. సుమారు 100 మంది గాయపడ్డారు.
“23 మంది చనిపోయారని నిర్ధారించినట్లు EOD బృందం నుండి మాకు నివేదికలు అందాయి. అయితే పేలుడు సంభవించడానికి కారణం ఏమిటి? అనేది ఇంకా తెలియలేదు” అని సుఫాన్ బురి ప్రావిన్స్ గవర్నర్ నటపట్ సువాన్‌ప్రతిప్ AFP వార్తా సంస్థతో అన్నారు. పటాకుల ఫ్యాక్టరీ చట్టబద్ధంగా నడుస్తోందని, కంపెనీకి సరైన లైసెన్స్ కూడా ఉందని చెప్పారు.
Also Read: Ayodhya Security: అయోధ్య భద్రతకు యాంటీ టెర్రరిస్ట్ కమాండోలు.. వారి శిక్షణ ఎలా ఉంటుందో తెలుసా..?
థాయ్‌లాండ్ ప్రధానికి కూడా సమాచారం అందించారు
థాయ్‌లాండ్ ప్రధానమంత్రి శ్రీతా థావిసిన్ ప్రపంచ ఆర్థిక సదస్సులో పాల్గొనడానికి స్విట్జర్లాండ్‌కు వచ్చారు. అక్కడి పీఎంఓ విడుదల చేసిన వీడియోలో.. ఈ కేసు గురించి ప్రాంతీయ పోలీసు కమాండర్ ఫోన్‌లో పీఎం శ్రీతా థావిసిన్ కి తెలియజేసినట్లు చూపబడింది. పేలుడు జరిగిన సమయంలో ఫ్యాక్టరీలో 20 నుంచి 30 మంది కార్మికులు ఉన్నారని, వారిలో ఎవరూ సజీవంగా కనిపించలేదని చెప్పారు.
We’re now on WhatsApp. Click to Join.
సమాచారం ప్రకారం.. ఒక సంవత్సరం క్రితం దక్షిణ థాయ్‌లాండ్‌లోని బాణసంచా గోదాంలో పెద్ద పేలుడు సంభవించింది. ఈ ప్రమాదంలో 10 మంది మృతి చెందగా, 100 మందికి పైగా గాయపడ్డారు. పేలుడు జరిగిన ప్రదేశం చుట్టూ నివాస ప్రాంతం ఉన్నందున ఈ పేలుడు తర్వాత చాలా నష్టం జరిగింది. పేలుడు కారణంగా 500 మీటర్ల పరిధిలోని 100 ఇళ్లు తీవ్రంగా దెబ్బతిన్నాయి.
