YouTuber: రైల్వేట్రాక్ పై యూట్యూబర్ టపాసులతో విన్యాసాలు
సోషల్ మీడియాలో వైరల్ కావాలన్న ఆశతో కొందరు ప్రమాదకర విన్యాసాలు చేస్తున్నారు. లైకులు, కామెంట్ల కోసం ప్రాణాల మీదకు తెచ్చుకుంటున్నారు. ప్రమాదకరమైన విన్యాసాలు చేసి ఇబ్బందులు పడుతున్నారు. ఓ యూట్యూబర్ రైలు పట్టాల మధ్యలో పటాకులు కాల్చాడు
- Author : Praveen Aluthuru
Date : 08-11-2023 - 6:28 IST
Published By : Hashtagu Telugu Desk
YouTuber: సోషల్ మీడియాలో వైరల్ కావాలన్న ఆశతో కొందరు ప్రమాదకర విన్యాసాలు చేస్తున్నారు. లైకులు, కామెంట్ల కోసం ప్రాణాల మీదకు తెచ్చుకుంటున్నారు. ప్రమాదకరమైన విన్యాసాలు చేసి ఇబ్బందులు పడుతున్నారు. ఓ యూట్యూబర్ రైలు పట్టాల మధ్యలో పటాకులు కాల్చాడు. ఈ వీడియో క్లిప్ సోషల్ మీడియాలో వైరల్గా మారింది. దీనిపై స్పందించిన రైల్వేశాఖ ఆ వ్యక్తిపై చర్యలు తీసుకుంటామని తెలిపింది. ఈ ఘటన రాజస్థాన్లో చోటుచేసుకుంది. యూట్యూబ్ ఛానెల్ని నడుపుతున్న వ్యక్తి ఫులేరా-అజ్మీర్ దంత్రా రైల్వే స్టేషన్ సమీపంలో రైల్వే ట్రాక్ మధ్య ఉన్న సిమెంట్ దిమ్మెపై పాము క్రాకర్స్ ని కాల్చాడు. దీంతో మంటలు, పొగలు దట్టంగా వ్యాపించాయి. ఆ సమయంలో మరో ట్రాక్పై పెట్రోల్ ట్యాంక్లతో కూడిన గూడ్స్ రైలు వెళ్లింది.ఈ వీడియో క్లిప్ సోషల్ మీడియాలో వైరల్గా మారింది. ఈ నేపథ్యంలో ట్రైన్స్ ఆఫ్ ఇండియా యూజర్ ఈ వీడియో క్లిప్ను ఎక్స్లో షేర్ చేశారు. దయచేసి ఇలాంటి దుర్మార్గులపై చర్యలు తీసుకోండి’ అని పోస్ట్ పెట్టాడు. ఈ వీడియో క్లిప్పై జైపూర్లోని నార్త్ వెస్ట్రన్ రైల్వే డివిజనల్ మేనేజర్, రైల్వే ప్రొటెక్షన్ ఫోర్స్ (ఆర్పిఎఫ్) స్పందించారు. ఈ విషయంపై విచారణ జరిపి అవసరమైన చర్యలు తీసుకుంటామని స్పందించారు.
YouTuber bursting crackers on Railway Tracks!!
Such acts may lead to serious accidents in form of fire, Please take necessary action against such miscreants.
Location: 227/32 Near Dantra Station on Phulera-Ajmer Section.@NWRailways @rpfnwraii @RpfNwr @DrmAjmer @GMNWRailway pic.twitter.com/mjdNmX9TzQ— Saurabh • A Railfan 🇮🇳 (@trainwalebhaiya) November 7, 2023
Also Read: Turkey: ఇజ్రాయెల్కు మద్దతు ఇస్తున్నందుకు టర్కీలో కోకాకోలా, నెస్లే నిషేధం
Follow us
