GT Mall : రైతు పంచెకట్టు దెబ్బ..వారం పాటు మాల్ మూత

A Farmer Dhothi

రైతే (Farmer ) దేశానికి వెన్నెముక అంటారు..కానీ ఇప్పుడు ఆ రైతును ఓ మనిషిలాగా కూడా చూడడం లేదు. ఆయన్ను ఓ అంటరాని వాడ్నిలాగా చూస్తూ అవమానిస్తున్నారు. ఆనాడు తెల్లదొరలు పంచెకట్టుతో రైలు ఎక్కిన గాంధీని కిందకు తోసేస్తే..ఈ నాడు పంచెకట్టు తో ఓ రైతు ట్రైన్ ఎక్కిన..మాల్ లోకి వెళ్లిన బయటకు పంపిస్తున్నారు. గతంలో ఓ మెట్రో స్టేషన్ లోకి పంచెకట్టుతో వచ్చాడని చెప్పి బయటకు పంపేసిన వైనం సంచలనం రేపగా..తాజాగా అలాంటి ఘటనే ఇప్పుడు బెంగుళూరు లో చోటుచేసుకుంది. ఓ రైతు (farmer ) పంచెకట్టు (Dhoti )తో మాల్ లోపలి వెళ్తుండగా సిబ్బంది అడ్డుకొని బయటకు పంపేసిన ఘటన వైరల్ గా మారింది.

బెంగుళూర్ లోని జీటీ మాల్ (GT Mall) కు సినిమా చూసేందుకు ఓ రైతు…ఆయన కొడుకు వెళ్లారు. రైతు పంచెకట్టుతో ఉండడం తో ఆయన్ను లోపలి అనుమతించలేదు. ఈ ఘటనలు వీడియో తీసిన సదరు కొడుకు..సోషల్ మీడియా లో పోస్ట్ చేయడం తో అది కాస్త వైరల్ గా అయ్యింది. ఈ ఘటనపై నెటిజన్లతో పాటు రైతు సంఘాలు తీవ్ర ఆగ్రహం వ్యక్తం చేశారు. చివరికి మాల్ యాజమాన్యం రైతన్నకు క్షమాపణలు చెప్పింది. అయినా విషయం అక్కడితో ఆగలేదు..ఈ విషయం గురించి యావత్ దేశం మొత్తం చర్చనీయాంశం కావడం.. రాజకీయంగా దుమారం రేగింది. ఈ ఘటనపై కర్ణాటక ప్రభుత్వం సీరియస్ అయింది. ఏడు రోజుల పాటు ఆ మాల్ను మూసివేయాలంటూ ఆదేశాలిచ్చింది. ఇలాంటి ప్రవర్తన వ్యక్తి గౌరవానికి భంగం కలిగించడం కిందికే వస్తుందంటూ ఆగ్రహించింది. కాగా దీనిపై యాజమాన్యం క్షమాపణ చెప్పకపోతే మాల్ని ముట్టడిస్తామని రైతు సంఘాలు హెచ్చరించాయి. దీంతో మాల్ యాజమాన్యం దిగొచ్చి రైతును సత్కరించి క్షమాపణలు కోరింది.

A farmer with #Dhoti wasn’t allowed in #GTMall at #Bengaluru

Its the cultural attire and shaan of india and is it fair that farmers or any normal person have to face such a situation?. pic.twitter.com/xNK3jNgBOw

— Madhu M (@MadhunaikBunty) July 17, 2024

Read Also : Runa Mafi : రుణమాఫీ అమలుకావడంతో..రాజీనామా పై స్పందించిన హరీశ్ రావు

Follow us