Swiggy: ఒకే వ్యక్తి రూ. 42.3 లక్షల విలువైన ఫుడ్‌ ఆర్డర్..!

FSSAI notices to Swiggy Instamart...

Swiggy: ఆన్‌లైన్‌లో ఫుడ్ ఆర్డర్ చేసే ట్రెండ్ వేగంగా పెరిగింది. మనం ఇంట్లో ఫుడ్ వండాలని అనిపించక పోయినా వెంటనే ఆన్‌లైన్‌లో ఫుడ్ ఆర్డర్ చేస్తాం. అది తక్కువ సమయంలోనే మనకు వస్తుంది. కానీ ఆర్డర్లు రోజూ ఎవరూ చేయరు. కానీ ముంబైకి చెందిన వ్యక్తి గత సంవత్సరం ఇలా చేశాడు. Swiggy నుండి లక్షల రూపాయల విలువైన ఆహారాన్ని ఆర్డర్ చేసారు. ఆన్‌లైన్ ఫుడ్ డెలివరీ కంపెనీ స్విగ్గీ (Swiggy) ఒక నివేదికను షేర్ చేసింది. అందులో ముంబై వ్యక్తి ఒక సంవత్సరంలో రూ. 42.3 లక్షల విలువైన ఫుడ్‌ను ఆర్డర్ చేసినట్లు పేర్కొంది. ఇది విన్న తర్వాత ప్రజలు నమ్మలేకపోతున్నారు కానీ స్విగ్గీ తన నివేదికలో పేర్కొంది. చెన్నై, ఢిల్లీ, హైదరాబాద్‌ల నుంచి మరిన్ని ఆర్డర్లు వచ్చాయని స్విగ్గీ తెలిపింది.

ఒక్క రోజులో 207 పిజ్జాలు ఆర్డర్

స్విగ్గీకి చిన్న నగరాల నుంచి పెద్ద ఆర్డర్లు వచ్చాయి. ఝాన్సీకి చెందిన ఒక స్విగ్గీ వినియోగదారుడు 269 వస్తువులను ఆర్డర్ చేయగా, భువనేశ్వర్‌కు చెందిన ఒక వినియోగదారు ఒక్క రోజులో 207 పిజ్జాలను ఆర్డర్ చేసినట్లు పేర్కొన్నారు. దుర్గాపూజ సందర్భంగా 7.7 మిలియన్ల గులాబ్ జామూన్‌లను ప్రజలు ఆర్డర్ చేసినట్లు నివేదిక పేర్కొంది. ఇడ్లీ తినేందుకు రూ.6 లక్షలు వెచ్చించిన వ్యక్తి కూడా ఉన్నాడు.

Also Read: Bisi Bele Bath: వేరైటీగా ఉండే బిసి బెలె బాత్.. ఇంట్లోనే చేసుకోండిలా?

ప్రేమికుల రోజున నిమిషానికి 271 కేక్‌లు ఆర్డర్

స్విగ్గీ కేక్‌లను ఆర్డర్ చేయడంలో బెంగళూరు మొదటి స్థానంలో నిలిచింది. స్విగ్గీ నుండి 8.5 మిలియన్ కేక్‌లు ఆర్డర్ చేయబడ్డాయి. వాలెంటైన్స్ డే 2023 సందర్భంగా నిమిషానికి 271 కేక్‌లను ఆర్డర్ చేసినట్లు స్విగ్గీ నివేదించింది. నాగ్‌పూర్‌లో ఒక వ్యక్తి ఒకే రోజు 72 కేక్‌లను ఆర్డర్ చేశాడు.

We’re now on WhatsApp. Click to Join.

భారతీయులు బిర్యానీని ఎక్కువగా తినడానికి ఇష్టపడతారు. స్విగ్గీకి అత్యధికంగా బిర్యానీ ఆర్డర్లు వచ్చాయని స్విగ్గీ నివేదిక పేర్కొంది. స్విగ్గీ Instmart 65 సెకన్లలో అత్యంత వేగవంతమైన ఆర్డర్‌ను డెలివరీ చేసింది. స్విగ్గీ డెలివరీ బాయ్స్ ఎలక్ట్రిక్ వాహనం లేదా సైకిల్ ద్వారా 166.42 మిలియన్ కి.మీ ప్రయాణం చేశారు.

Follow us