Digital Car Key : తాళం లేకుండానే కారును లాక్​, అన్​లాక్ చేయండిలా

Digital Car Key : తాళం లేకుండానే కారును లాక్​, అన్​లాక్, స్టార్ట్ చేయగలిగితే.. ఎలా ఉంటుంది ? అది సాధ్యమే !! ఆండ్రాయిడ్ స్మార్ట్​ ఫోన్లలో గూగుల్ తెచ్చిన ‘డిజిటల్​ కీ’ ఫీచర్‌తో మనం తాళం లేకుండానే కారును లాక్​, అన్​లాక్, స్టార్ట్ చేయొచ్చు. తాళం పోయిన సందర్భాల్లోనే కాకుండా.. వేరే సమయాల్లోనూ ఈ ఫీచర్‌ను మనం వాడుకోవచ్చు. దీన్నివాడాలంటే ఏదైనా ఆండ్రాయిడ్​ డివైజ్ మీ చేతిలో ​ ఉంటే సరిపోతుంది. ఈ ఫీచర్‌పై(Digital Car Key) పూర్తి వివరాలివీ..

We’re now on WhatsApp. Click to Join

‘డిజిటల్​ కార్​ కీ’ ఎలా పనిచేస్తుంది ?

• డిజిటల్ కీ ఫీచర్​ అల్ట్రా-వైడ్​ బ్యాండ్​ అనే టెక్నాలజీ ఆధారంగా పనిచేస్తుంది. ఇది మీ దగ్గరున్న ఆండ్రాయిడ్​ ఫోన్ ద్వారా కారును లాక్​, అన్​లాక్ చేసే వీలును కల్పిస్తుంది.
• డిజిటల్ కార్​ కీ ఫీచర్​ను టెక్​ దిగ్గజం యాపిల్​ తన డివైజుల్లో 2020లోనే ప్రవేశపెట్టింది.
• గూగుల్​ తన అప్డేటెడ్​ వెర్షన్​లో​ భాగంగా డిజిటల్​ కార్​ కీ ఫీచర్​ను 2021లో ఆండ్రాయిడ్ 12లో అందుబాటులోకి తీసుకొచ్చింది.
• కారు తాళాలను ఇంట్లోనో లేదా ఆఫీసులోనో మర్చిపోయినప్పుడు డిజిటల్​ కారు కీ ఫీచర్​ను వాడుకోవచ్చు.
• ఈ ఫీచర్‌ను వాడాలంటే మీరు ఆండ్రాయిడ్​ ఫోన్​లో డిజిటల్​ కారు కీ ఫీచర్​కు సంబంధించి కొన్ని సెట్టింగ్స్​ చేయాలి. ఈ సెటప్​ సాయంతోనే  మీ కారు డోర్లను లాక్​, అన్​లాక్​, స్టార్ చేయగలుగుతారు.

Also Read : Varun Gandhi : వరుణ్ గాంధీకి కాంగ్రెస్‌ ఆఫర్.. పార్టీలో చేరే ఛాన్స్ ?

ఈ ఆండ్రాయిడ్​ డివైజ్‌లలో పనిచేస్తుంది ​

• లేటెస్ట్​ శామ్​సంగ్​ గెలాక్సీ ఆండ్రాయిడ్​ మొబైల్​ ఉంటే అందులోని శామ్​సంగ్​ వాలెట్ సాయంతో ఈ డిజిటల్​ కీ ఫీచర్​ను వాడొచ్చు.
• ఇతర ఆండ్రాయిడ్​ ఫోన్లు ఉన్నవారు గూగుల్​ వాలెట్ యాప్​ను ఇన్​స్టాల్​ చేసుకొని డిజిటల్ కార్​​ కీ ఫీచర్​ను ఆస్వాదించవచ్చు.
• పిక్సల్​ 6 వెర్షన్స్, లేటెస్ట్​ పిక్సెల్​ 8 ప్రో, పిక్సెల్​ ఫోల్డ్, శామ్​సంగ్​ గెలాక్సీ S21+, ఆపై వచ్చిన మోడల్స్​లో డిజిటల్​ కీ ఫీచర్​ పనిచేస్తుంది.
• కొన్ని కార్ల కంపెనీలు మాత్రమే డిజిటల్​ కీ ఫీచర్​ను తెచ్చాయి.

ఎలా పని చేస్తుంది?

• డిజిటల్​ కీ ఫీచర్​తో కారును లాక్ లేదా అన్ లాక్ చేయడానికి మీ ఫోన్‌ను కారు తలుపుల దగ్గర ఉంచాలి. ఇంజిన్‌ను ఆన్ చేయడానికి మీరు దానిని కారు కీ రీడర్‌పై ఉంచాలి.
• డిజిటల్​ కీ ఫీచర్‌లోని యూడబ్ల్యూబీ (నియర్​ ఫీల్డ్​ కమ్యునికేషన్​ లేదా అల్ట్రా-వైడ్​ బ్యాండ్​)  టెక్నాలజీని మీరు వాడుకుంటే.. జేబులో నుంచి ఫోన్​ బయటకు తీయకుండానే కారుకు దగ్గరగా లేదా దూరంగా వెళ్లినప్పుడు ఆటోమేటిక్‌గా అన్​లాక్​, లా క్అయిపోతుంది. అంతేకాదు.. కారులోపలికి అడుగుపెట్టగానే కారు కీ రీడర్‌ సాయం లేకుండానే ఇంజిన్​ను ఆన్​ చేసుకోవచ్చు.
• దారిలో అనుకోకుండా మీ ఫోన్​ పోయినా లేదా డ్యామేజ్​ అయినా మీ వెంట తీసుకెళ్లే తాళం మీకు ఉపయోగపడుతుంది.
• మీ డిజిటల్​ కారు కీ సంబంధించిన యాక్సెస్​ వివరాలను మీ స్నేహితులు, బంధువులు, కుటుంబ సభ్యులతోనూ షేర్​ చేసుకోవచ్చు.
• మీరు మరింత సేఫ్టీ కోసం Google Wallet సెట్టింగ్స్​లో పాస్సివ్​ ఎంట్రీని టర్న్ ఆఫ్ చేయొచ్చు. ​డిజిటల్​ కార్​ కీ కోసం ఓపెన్​ చేసే స్క్రీన్​కు పాస్​వర్డ్స్​ లాక్​ లాంటివి పెట్టుకోవచ్చు.

Also Read : Bridge Collapse : నౌక ఢీకొట్టడంతో కుప్పకూలిపోయిన బ్రిడ్జి