Karnataka Government : సీఎం, డిప్యూటీ సీఎంలుగా సిద్ధరామయ్య, డీకే ప్రమాణం

కర్ణాటకలో కాంగ్రెస్ నేతృత్వంలోని కొత్త ప్రభుత్వం (Karnataka Government) కొలువు తీరింది. సీఎంగా సిద్ధరామయ్య, డిప్యూటీ సీఎంగా డీకే శివకుమార్ లతో గవర్నర్‌ తావర్‌చంద్‌ గెహ్లాట్‌ ప్రమాణస్వీకారం(Karnataka Government) చేయించారు. రాష్ట్ర 24వ ముఖ్యమంత్రిగా సిద్ధరామయ్య బాధ్యతలు చేపట్టారు. 8 మంది కాంగ్రెస్‌ ఎమ్మెల్యేలు మంత్రులుగా ప్రమాణం చేశారు. ఈ కార్యక్రమం బెంగళూరులోని కంఠీరవ స్టేడియంలో ఘనంగా జరిగింది.

also read : Karnataka: సిద్ధరామయ్య ప్రమాణ స్వీకారోత్సవానికి 20 పార్టీలను ఆహ్వానించిన కాంగ్రెస్.. బిఆర్ఎస్, వైఎస్సార్ కాంగ్రెస్ పార్టీలకు అందని ఆహ్వానం..!

మంత్రులుగా ప్రమాణం చేసిన వారిలో జి. పరమేశ్వర్ (ఎస్సీ), కేహెచ్ మునియప్ప (ఎస్సీ), కేజే జార్జ్ (మైనార్టీ – క్రిస్టియన్), ఎంబీ పాటిల్ (లింగాయత్), సతీష్ జార్కిహోళి (ఎస్టీ – వాల్మీకి), ప్రియాంక్ ఖర్గే (ఎస్సీ), రామలింగారెడ్డి (రెడ్డి), జమీర్ అహ్మద్ ఖాన్ (మైనార్టీ – ముస్లిం) ఉన్నారు. ఈ కార్యక్రమానికి తమిళనాడు సీఎం స్టాలిన్, బీహార్ సీఎం నితీష్ కుమార్, జార్ఖండ్ సీఎం హేమంత్ సోరెన్‌, ప్రముఖ నటుడు కమల్‌హాసన్,  ఏఐసీసీ అధ్యక్షుడు మల్లికార్జున ఖర్గే, కాంగ్రెస్ నేతలు రాహుల్ గాంధీ, ప్రియాంకా గాంధీ  హాజరయ్యారు.