Shocking: పొద్దునే పెళ్లి.. సీన్ కట్ చేస్తే అక్క భర్తతో పెళ్లికూతురు జంప్!

తెలంగాణ (Telangana) రాష్ట్రంలోని జగిత్యాల జిల్లా గ్రామీణ మండలం కన్నాపూర్ విచిత్ర ఘటన చోటుచేసుకుంది. ఈ గ్రామానికి చెందిన 20 యేళ్ల యువతికి మల్యాల మండలం లంబడిపల్లి గ్రామానికి చెందిన ఓ వ్యక్తితో ఇరు కుటుంబ సభ్యులు (Family members) పెళ్లి నిశ్చయించారు. పెద్దలు కుదిర్చిన ముహూర్తం ప్రకారం ఆదివారం ఉదయం 11 గంటలకు వివాహ వేడుక (Marriage) జరగాల్సివుంది. ఈ వివాహాన్ని వధువు ఇంటివద్దే చేయాలని నిర్ణయించడంతో అందుకు తగిన విధంగా ఏర్పాట్లుచేశారు. తెల్లారితే ముహూర్తం జరగాల్సివుంది.

ఇంతలో వధువు ఇంట్లో కనిపించలేదు. వధువు (Bride) కోసం గాలింపు చర్యలు చేపట్టారు. ఆ తర్వాత వారికి అసలు విషయం తెల్సింది. పెళ్లిపీటలపై కూర్చోవలసిన యువతి కాస్త.. తన అక్క భర్తతో లేచిపోయింది. మరికొన్ని గంటల్లో పెళ్లి కావాల్సిన తన చెల్లిని కట్టుకున్న భర్త ప్రేమ పేరుతో (Love) తీసుకెళ్లడంతో ఆ మహిళ బోరున విలపిస్తుంది. తన భర్త, చెల్లి మధ్య సాగిన ప్రేమ వ్యవహారాన్ని గుర్తించలేకపోవడం తనదే తప్పు అని చెబుతోంది. ప్రస్తుతం ఈ ఘటన హాట్ టాపిక్ గా (Viral) మారింది. ‘‘పాపం అక్క, చెల్లి ఎంత పనిచేసింది’’ అంటూ నెటిజన్స్ కామెంట్స్ చేస్తున్నారు.  ఈ ఘటనతో రెండు కుటుంబాల సభ్యుల షాక్ లోకి వెళ్లారు.

Also Read: AP Students: మణిపూర్ అల్లర్ల ఎఫెక్ట్,  ఏపీకి 157 విద్యార్థుల తరలింపు!