Hyderabad Vs Earth quakes: భూకంపాల గండం.. హైదరాబాద్ సేఫేనా ? గత పదేళ్ల పాఠమేంటి ?
‘‘తక్కువ భూకంప తీవ్రత ఉండేే ప్రాంతాలు’’ జోన్‌-2లో ఉంటాయి. మన హైదరాబాద్(Hyderabad Vs Earthquakes) జోన్‌-2లోనే ఉంది.
- By Pasha Published Date - 03:17 PM, Sat - 5 April 25
Hyderabad Vs Earthquakes: హైదరాబాద్ మహా నగరం సేఫేనా ? దానికి భూకంపాల ముప్పు ఎంత ? సిటీ పరిధిలోని భూగర్భంలో ఉన్న ఫలకాల స్వభావం ఏమిటి ? గత పదేళ్లలో హైదరాబాద్ చుట్టుపక్కల ప్రాంతాల్లో సంభవించిన భూకంపాల నుంచి మనం ఏం నేర్చుకోవాలి ? అనే దానిపై అంతటా చర్చ జరుగుతోంది. ఈవివరాలతో కథనమిది.
Also Read :New BJP Chief: రామ్ మాధవ్‌కు బీజేపీ చీఫ్ పదవి ? కారణాలు బలమైనవే !
హైదరాబాద్‌లో భూకంపం వస్తే.. ఎలా ?
భూకంపాలకు ప్రపంచంలోని ఏ ప్రాంతమూ అతీతం కాదు. ఎక్కడైనా భూకంపం సంభవించే ముప్పు ఉంటుంది. హైదరాబాద్ నగరం, దాని శివార్లలో ఇప్పటివరకు 196 సార్లు భూప్రకంపనలు చోటుచేసుకున్నాయి. 2021 నుంచి ఇప్పటివరకు సిటీ పరిధిలో దాదాపు పదిసార్లు భూప్రకంపనలు వచ్చాయి. 2024 డిసెంబ‌రు 4న రిక్టరు స్కేలుపై 5.0 తీవ్రతతో హైదరాబాద్‌లో భూకంపం వచ్చింది. హైద‌రాబాద్‌కు 298 కిలోమీట‌ర్ల దూరంలో మహారాష్ట్రలోని లాతూరులో 1993 సెప్టెంబరు 30న భారీ భూకంపం చోటుచేసుకుంది. ఆనాడు 6.2 తీవ్రతతో వచ్చిన భూకంపానికే లాతూర్ నగరం కూలిపోయింది. 10వేల మంది చనిపోగా, 30వేల మంది గాయపడ్డారు. దాదాపు రూ.130 కోట్ల ఆస్తినష్టం జరిగింది. అంతే తీవ్రతతో హైదరాబాద్‌లో భూకంపం వస్తే.. ఎలా ? భాగ్యనగరంలో ఉన్న భారీ సైజు అపార్టుమెంట్లు తట్టుకోగలవా ? అవి కూలితే.. ఎంతటి విపత్తు సంభవిస్తుంది ? అనే ఆందోళనలు ఎంతోమందిని చుట్టుముడుతున్నాయి. భూకంపాలను తట్టుకునేలా భారీ అపార్టుమెంట్లను నిర్మిస్తున్నారా ? అనే ప్రశ్న ఉదయిస్తోంది.నగరంలో ప్రత్యేకించి గచ్చిబౌలి వంటి ఐటీ పరిశ్రమలు కొలువుదీరిన ప్రాంతాల్లో 150కిపైగా అంతస్తులతో భారీ టవర్లు నిర్మించారు. వెయ్యి మంది నివసించేందుకు అవకాశం ఉన్న చోట లక్ష మంది నివసిస్తున్నారు. అలాంటి ఏరియాల్లో భూకంపం వస్తే భారీ ప్రాణ నష్టం జరుగుతుందనే భయాలు ఉన్నాయి.
Also Read :Microsoft 50th Anniversary : మైక్రోసాఫ్ట్‌కు 50 వసంతాలు.. బిల్‌గేట్స్ సమక్షంలో ఉద్యోగుల నిరసన.. ఎందుకు ?
హైదరాబాద్‌పై ఎఫెక్ట్ ఎంత ?
- ‘‘తక్కువ భూకంప తీవ్రత ఉండేే ప్రాంతాలు’’ జోన్‌-2లో ఉంటాయి. మన హైదరాబాద్(Hyderabad Vs Earthquakes) జోన్‌-2లోనే ఉంది. అందుకే కొంత సేఫ్ ప్రాంతంగా భాగ్యనగరాన్ని పిలుస్తారు.
- 1982లో నగరంలోని ఉస్మాన్ సాగ‌ర్ జ‌లాశ‌యం స‌మీపంలో స్వల్ప భూ కంపం వచ్చింది.
- 1993 సెప్టెంబర్‌ 30న తెల్లవారుజామున భూకంపం రాగా హైదరాబాద్ స‌హా తెలంగాణ అంతటా స్వల్ప ప్ర‌కంప‌న‌లు వచ్చాయి.
- 1994 నుంచి 2017 మధ్య హైదరాబాద్లోని జూబ్లీ హిల్స్‌లో 979 భూప్రకంపనలు నమోదయ్యాయి. అయితే వాటి తీవ్రత కేవలం 2.8గా నమోదైంది.
- 2024 సంవత్సరం డిసెంబరులో హైద‌రాబాద్‌కు 200 కిలోమీట‌ర్ల దూరంలో ఉన్న ములుగు జిల్లాలో 5.3 తీవ్రతతో భూకంపం వచ్చింది. దాని ప్రభావంతో హైదరాబాద్లోని బోరబండ, కార్మికనగర్, యూసుఫ్‌గూడ, జూబ్లీహిల్స్ వంటి చోట్ల 2 నుంచి 3 సెకన్ల పాటు స్వల్ప భూప్రకంపనలు వచ్చాయి.
- హైదరాబాద్ చుట్టుపక్కల గత పదేళ్లలో 5 అంత కంటే తక్కువ తీవ్రతతో 11 భూకంపాలు వచ్చాయి.
