Self-Lockdown : మా ఊరికి రావొద్దు.. స్వీయ నిర్భంధంలోకి ఓ గ్రామం!

Rajanna Sirisilla

తెలంగాణ రాష్ట్రంలో ఓమిక్రాన్ చాపకింద నీరులా వ్యాప్తి చెందుతోంది. ఇప్పటివరకు 30కుపైగా కేసులు నమోదైనట్టు అధికారులు చెబుతున్నారు. రోజురోజుకూ ఓమిక్రాన్ కేసులు పెరుగుతుండటంతో  జనాలు కరోనా నిబంధనలను కచ్చితంగా పాటిస్తున్నారు. విదేశీ ప్రయాణికుల తాకిడి పెరగడం కూడా ఓమిక్రాన్ కేసుల వ్యాప్తికి కారణమవుతోంది. ఈ నేపథ్యంలో తెలంగాణలో ఓ గ్రామం స్వీయ లాకౌ డౌన్ లోకి వెళ్లింది. రాజన్న సిరిసిల్ల జిల్లాలోని ముస్తాబాద్ మండలానికి చెందిన గూడెం గ్రామం లాక్ డౌన్ పాటిస్తోంది. ఈ గ్రామంలో ఓ వ్యక్తి కొత్త వేరియంట్‌ పాజిటివ్ అని తేలిన నేపథ్యంలో లాక్‌డౌన్‌లోకి వెళ్లింది. 10 రోజుల లాక్‌డౌన్‌ గురువారం నుంచి అమల్లోకి వచ్చింది.

గ్రామంలో వైరస్‌ వ్యాప్తిని అరికట్టేందుకు నిర్వాసితులు ఈ నిర్ణయం తీసుకున్నారని గూడెం సర్పంచ్‌ శ్రీనివాసరావు మీడియాకు తెలిపారు. యువకుడి భార్య, తల్లి కూడా కోవిడ్‌కు పాజిటివ్ పరీక్షించారు, అయితే వారు ఓమిక్రాన్ బారిన పడ్డారా అనేది ఇంకా నిర్ధారించలేదు. గ్రామానికి చెందిన 28 ఏళ్ల వ్యక్తి గల్ఫ్ నుంచి ఈనెల 20న గ్రామానికి వచ్చాడు. ఉపాధి వెతుక్కుంటూ దుబాయ్‌కి వెళ్లిన ఆ యువకుడు పాజిటివ్ అని తేలింది.

హైదరాబాద్‌లోని రాజీవ్ గాంధీ అంతర్జాతీయ విమానాశ్రయానికి చేరుకున్న అతని రక్త నమూనాలను సేకరించగా సోమవారం, అతనికి ఓమిక్రాన్ పాజిటివ్ అని తేలింది. జిల్లా వైద్య అధికారులు యువకులను అదే రోజు రాత్రి హైదరాబాద్‌లోని కిమ్స్ ఆసుపత్రికి తరలించారు. వైద్య అధికారులు గ్రామంలో 64 నమూనాలను సేకరించారు. వివాహానికి హాజరైన ఎల్లారెడ్డిపేట మండలం నారాయణపూర్‌లో మరో 53 నమూనాలను సేకరించారు. భార్య, తల్లి నమూనాలను జీనోమ్ సీక్వెన్సింగ్ కోసం పంపారు. అన్ని దుకాణాలు, హోటళ్లు, ఇతర వ్యాపార సంస్థలు మూసివేయబడ్డాయి, గ్రామస్తులకు కూరగాయలు ఇతర నిత్యావసర వస్తువుల సరఫరాకు ఏర్పాట్లు చేసినట్లు సర్పంచ్ తెలిపారు.

Follow us