My Panchayat app : సర్టిఫికెట్ల కోసం తెలంగాణ సర్కార్ సరికొత్త యాప్

తెలంగాణ ప్రభుత్వం (Telangana Govt) ప్రజల సౌకర్యం మేరకు సాంకేతికతను వినియోగిస్తూ, వివిధ ధ్రువీకరణ పత్రాలు మరియు సర్వీసుల కోసం ప్రత్యేక యాప్‌ను రూపొందిస్తోంది. జన్మ ధ్రువీకరణ పత్రం, మరణ ధ్రువీకరణ పత్రాలతో పాటు 20 రకాల సేవలను ఈ యాప్ ద్వారా పొందే అవకాశం కల్పించనున్నారు. గ్రామీణ ప్రజలకు పంచాయతీ సేవలను సులభతరం చేయడమే ఈ యాప్ ప్రధాన ఉద్దేశ్యంగా ఉంది. తెలంగాణ ప్రభుత్వం రూపొందిస్తున్న ‘మై-పంచాయతీ’ (My Panchayat app) యాప్ ద్వారా పంచాయతీ పరిధిలోని పలు రకాల సేవలను ఆన్లైన్లో పొందొచ్చు.

ఇందులో బర్త్ సర్టిఫికేట్, డెత్ సర్టిఫికేట్, మ్యారేజ్ సర్టిఫికేట్, హౌజ్ పర్మిషన్, కళ్యాణ లక్ష్మి, షాదీ ముబారక్ వంటి ముఖ్యమైన సేవలు అందించబోతున్నారు. ఈ యాప్ ద్వారా గ్రామీణ ప్రాంతాల్లో ప్రజలకు సేవలు మరింత చేరువవుతాయి. గ్రామాల్లో తలెత్తే సమస్యలను నివేదించడానికి ఈ యాప్ ఉపయోగకరంగా ఉండబోతుంది. ప్రజలు తమ సమస్యలను ఫిర్యాదు రూపంలో పంపించవచ్చు. తద్వారా సమస్యలు త్వరితగతిన పరిష్కారమవుతాయి. ప్రజల అభ్యర్థనలు నేరుగా సంబంధిత అధికారులకు చేరేలా ఈ యాప్ పనిచేస్తుంది. ఈ యాప్ ద్వారా ప్రజలు ఎక్కడి నుంచైనా సేవలను పొందగలరు. దరఖాస్తు చేసుకున్న పత్రాలను డౌన్లోడ్ చేసుకునే అవకాశాన్ని కల్పించనున్నారు. పంచాయతీ కార్యాలయానికి వెళ్లి పత్రాల కోసం వేచి ఉండే అవసరం లేకుండా ప్రజలు సమయాన్ని మరియు శ్రమను ఆదా చేసుకోగలుగుతారు.

ఈ యాప్‌ను తెలంగాణ ప్రభుత్వం త్వరలో అందుబాటులోకి తెచ్చేందుకు కసరత్తు చేస్తోంది. ఈ ప్రయత్నం గ్రామీణ ప్రజల జీవితాల్లో మార్పుని తీసుకురావడమే కాకుండా, ప్రభుత్వం-ప్రజల మధ్య అవగాహనను పెంపొందించడానికి దోహదపడుతుంది. పంచాయతీ సేవలను డిజిటలైజ్ చేయడం తెలంగాణ సర్కార్ ముందుచూపుని తెలియజేస్తోంది.

Read Also : Telangana Debt : తెలంగాణ అప్పుపై తప్పుడు ప్రచారం చేస్తారా.. ప్రివిలేజ్ మోషన్‌ను ప్రవేశపెడతాం : కేటీఆర్