Group 2 Exam : తెలంగాణ గ్రూప్‌ -2 పరీక్షల షెడ్యూల్‌ విడుదల

Telangana Group 2 Exam Schedule : తెలంగాణలో గ్రూప్‌ 2 పరీక్షల షెడ్యూల్‌ను టీజీపీఎస్సీ విడుదల చేసింది. డిసెంబర్‌ 15, 16 తేదీల్లో తెలంగాణ గ్రూప్‌ 2 పరీక్షను ఉదయం, మధ్యాహ్నం రెండు సెషన్స్‌లో నిర్వహించనున్నారు. ఈ మేరకు గురువారం ప్రకటనను జారీ చేసింది. ఉదయం పది నుంచి 12.30 వరకు మొదటి పేపర్‌ పరీక్ష ఉంటుంది. సాయంత్రం 3 గంటల నుంచి నుంచి ఐదు వరకు రెండో పేపర్ నిర్వహిస్తారు.

We’re now on WhatsApp. Click to Join.

.డిసెంబర్‌ 15న ఉదయం 10 నుంచి 12:30 వరకు పేపర్-1
.డిసెంబర్‌ 15న మధ్యాహ్నం 3 నుంచి 5:30 వరకు పేపర్‌-2
.డిసెంబర్‌ 16న ఉదయం 10 నుంచి 12:30 వరకు పేపర్-3
.డిసెంబర్‌ 16న మధ్యాహ్నం 3 నుంచి 5:30 వరకు పేపర్‌-4

కాగా, కొద్దిరోజుల కింద డీఎస్సీ పరీక్షలతో గ్రూప్ 2 ఎగ్జామ్స్ ను వాయిదా వేయాలని నిరుద్యోగులు ఆందోళన చేపట్టారు. ఆందోళనల నేపథ్యంలో సర్కార్ నిర్ణయం తీసుకుంది. గ్రూప్ 2ను వాయిదా వేసి డీఎస్సీని మాత్రం వాయిదా వేయలేదు. ముందుగా నిర్ణయించిన షెడ్యూల్ ప్రకారం… ఆగస్ట్‌ 7, 8 తేదీల్లోనే గ్రూప్2 పరీక్షలు జరగాల్సి ఉంది. నిరుద్యోగుల నుంచి వచ్చిన విజ్ఞప్తుల నేపథ్యంలో ప్రభుత్వం పరీక్షలను వాయిదా వేసింది. కొత్త తేదీలను త్వరలోనే ప్రకటిస్తామని చెప్పింది. ఈ క్రమంలోనే టీజీపీఎస్సీ… గ్రూప్ 2 నిర్వహణ కోసం కొత్త తేదీలను వెల్లడించింది.

మొత్తం 783 పోస్టులతో టీఎస్‌పీఎస్సీ గతేడాది గ్రూప్ 2 ఉద్యోగ ప్రకటన జారీ చేసింది. 2023 జనవరి 18 నుంచి ఫిబ్రవరి 16వరకు దరఖాస్తులు స్వీకరించింది. ఇందుకోసం రాష్ట్రవ్యాప్తంగా 5.51 లక్షల మంది అభ్యర్థులు దరఖాస్తు చేశారు. తొలుత గతేడాది ఆగస్టు 29, 30న గ్రూప్‌-2 పరీక్ష నిర్వహిస్తామని తెలంగాణ పబ్లిక్ సర్వీస్ కమిషన్ ప్రకటించింది. వరుసగా గ్రూప్‌-1, 4 పరీక్షలు, గురుకుల నియామక పరీక్షలతో పూర్తిస్థాయిలో సన్నద్ధమయ్యేందుకు సమయం లేనందున గ్రూప్‌-2 పరీక్షలు వాయిదా వేయాలని అభ్యర్థులు పెద్ద ఎత్తున డిమాండ్‌ చేశారు. ఈ మేరకు పరీక్షలను నవంబరు 2, 3 తేదీలకు రీషెడ్యూలు చేసింది కమిషన్.

Read Also: DNA Report : వైద్యురాలిపై అఘాయిత్యం కేసు.. కీలకంగా డీఎన్ఏ రిపోర్టు