Renu Desai: హైదరాబాద్ సెంట్రల్ యూనివర్శిటీ వివాదం.. స్పందించిన రేణూ దేశాయ్!
హైదరాబాద్ సెంట్రల్ యూనివర్సిటీ (హెచ్సీయూ) భూముల వివాదంపై సినీ నటి రేణూ దేశాయ్ స్పందించారు.
- Author : Gopichand
Date : 02-04-2025 - 9:10 IST
Published By : Hashtagu Telugu Desk
Renu Desai: హైదరాబాద్ సెంట్రల్ యూనివర్సిటీ (హెచ్సీయూ) భూముల వివాదంపై సినీ నటి రేణూ దేశాయ్ స్పందించారు. ఈ విషయంలో తెలంగాణ ప్రభుత్వం 400 ఎకరాల భూమిని ఐటీ పార్క్ కోసం వినియోగించాలని ప్రతిపాదించడంతో విద్యార్థులు, పర్యావరణవాదుల నుంచి తీవ్ర వ్యతిరేకత ఎదురైంది. ఈ నేపథ్యంలో రేణూ దేశాయ్ (Renu Desai) ఇన్స్టాగ్రామ్ ద్వారా తన అభిప్రాయాన్ని వ్యక్తం చేశారు.
ఆమె వీడియోలో “ఒక తల్లిగా ముఖ్యమంత్రి రేవంత్ రెడ్డి గారిని విన్నవిస్తున్నాను. మన పిల్లలకు ఆక్సిజన్ కావాలి. భవిష్యత్ తరాల కోసం ఈ 400 ఎకరాల భూమిని వదిలేయండి. అభివృద్ధి కోసం వేరే చోట భూమి చూసుకోండి” అని కోరారు. ఈ వివాదంలో జీవవైవిధ్యాన్ని కాపాడాలని, పర్యావరణానికి ప్రాధాన్యత ఇవ్వాలని ఆమె ప్రభుత్వాన్ని కోరారు. రేణూ దేశాయ్ స్పందన సామాజిక మాధ్యమాల్లో వైరల్గా మారడంతో ఈ అంశంపై చర్చ మరింత తీవ్రమైంది. #SaveHCU, #SaveHCUBioDiversity వంటి హ్యాష్ట్యాగ్లతో ఆమె వాదనకు మద్దతు తెలుపుతూ అనేక మంది నెటిజన్లు స్పందిస్తున్నారు.
హెచ్సీయూ వివాదం ఏంటీ?
హైదరాబాద్ సెంట్రల్ యూనివర్సిటీ (హెచ్సీయూ) చుట్టూ ఉన్న 400 ఎకరాల భూమి వివాదం ప్రస్తుతం తెలంగాణలో పెద్ద చర్చనీయాంశంగా మారింది. ఈ భూమిని తెలంగాణ ప్రభుత్వం ఐటీ పార్క్, ఇతర అభివృద్ధి ప్రాజెక్టుల కోసం వినియోగించాలని ప్రతిపాదించింది. దీనికి విద్యార్థులు, అధ్యాపకులు, పర్యావరణవాదులు తీవ్ర వ్యతిరేకత వ్యక్తం చేస్తున్నారు.
Renu Desai madam video about the HCU issue. #SaveHCU#SaveHCUBioDiversity pic.twitter.com/idsGbAt8z3
— Satya (@YoursSatya) April 1, 2025
వివాదం నేపథ్యం
హెచ్సీయూ 1974లో స్థాపించబడినప్పుడు అప్పటి ఆంధ్రప్రదేశ్ ప్రభుత్వం 2,324 ఎకరాల భూమిని కేటాయించింది. కాలక్రమంలో ఈ భూమిలో కొంత భాగం వివిధ ప్రాజెక్టుల కోసం ప్రభుత్వం తిరిగి స్వాధీనం చేసుకుంది. ప్రస్తుత వివాదం కంచ గచ్చిబౌలి ప్రాంతంలోని 400 ఎకరాల భూమి చుట్టూ తిరుగుతోంది. 2004లో ఈ భూమి ఐఎంజీ అకాడమీస్ భారత్ అనే ప్రైవేట్ సంస్థకు కేటాయించబడింది. కానీ 2006లో ప్రాజెక్టు ప్రారంభం కాకపోవడంతో ప్రభుత్వం దాన్ని తిరిగి స్వాధీనం చేసుకుంది. 2024లో సుప్రీంకోర్టు తీర్పు ద్వారా ఈ భూమి ప్రభుత్వ ఆధీనంలోనిదని నిర్ధారణ అయింది.
Also Read: Yoga Poses: అందమైన చర్మం కోసం ఈ యోగాసనాలు వేయాల్సిందే!
ప్రభుత్వ వాదన
తెలంగాణ ప్రభుత్వం ఈ 400 ఎకరాల భూమి రాష్ట్రానికి చెందినదని, హెచ్సీయూకి సంబంధం లేదని వాదిస్తోంది. జూలై 2024లో యూనివర్సిటీ అధికారుల సమక్షంలో సర్వే నిర్వహించి, ఈ భూమి యూనివర్సిటీ సరిహద్దుల్లో లేదని నిర్ధారించినట్లు పేర్కొంది. ఈ భూమిని ఐటీ హబ్గా అభివృద్ధి చేస్తే రూ. 30,000 కోట్ల పెట్టుబడులు వస్తాయని, ఆర్థిక వృద్ధికి దోహదపడుతుందని ప్రభుత్వం అంచనా వేస్తోంది. అలాగే, ఈ భూమి అటవీ భూమి కాదని, పర్యావరణానికి హాని జరగదని స్పష్టం చేసింది.
Follow us
