Hyderabad Police: పోలింగ్ కేంద్రాలపై పోలీస్ నిఘా, దొంగవేటు వేస్తే కఠిన చర్యలు!
గతంలో దాదాపు 600 పోలింగ్ కేంద్రాల్లో బోగస్ ఓటింగ్ జరిగినట్లు పోలీసులు గుర్తించారు.
- Author : Balu J
Date : 22-11-2023 - 1:29 IST
Published By : Hashtagu Telugu Desk
Hyderabad: తెలంగాణ రాష్ట్ర అసెంబ్లీ ఎన్నికలు 2023లో బోగస్ ఓటింగ్ను నిరోధించేందుకు హైదరాబాద్ పోలీసు ఉన్నతాధికారులు ఎన్నికల సంఘం సమన్వయంతో అన్ని ఏర్పాట్లు చేస్తున్నారు. గతంలో దాదాపు 600 పోలింగ్ కేంద్రాల్లో బోగస్ ఓటింగ్ జరిగినట్లు పోలీసులు గుర్తించారు. అటువంటి పోలింగ్ స్టేషన్లో ఎన్నికల సంఘం అధికారులు బూత్ల వెలుపల కెమెరాలను ఏర్పాటు చేస్తారు.
గత ఎన్నికలలో అధిక సంఖ్యలో గైర్హాజరైన ఓటర్లు ఉన్న పోలింగ్ స్టేషన్ల జాబితా ఎన్నికల అధికారుల వద్ద అందుబాటులో ఉంది. సమస్యాత్మకమైన పోలింగ్ స్టేషన్లను గుర్తించడంలో పోలీసులు బిజీగా ఉన్నారు. ఏర్పాటు చేసిన క్లోజ్డ్ సర్క్యూట్ కెమెరాలు 200 మీటర్ల దూరాన్ని కవర్ చేయగలవని, హైదరాబాద్ పోలీసు సీనియర్ అధికారి తెలిపారు.
అలాంటి పోలింగ్ కేంద్రాల వద్ద బోగస్ ఓటింగ్ను నిరోధించేందుకు మహిళా పోలీసులు,సెంట్రల్ పోలీస్ ఫోర్స్ను మోహరిస్తారు. ఎవరైనా బోగస్ ఓటింగ్కు పాల్పడితే కేసులు నమోదు చేయబడతాయి. ఎన్నికల రోజు నగరంలో 300 పోలీసు పికెట్లు, వాహనాల తనిఖీ కేంద్రాలు ఏర్పాటు చేస్తారు. స్ట్రైకింగ్ ఫోర్స్, స్పెషల్ స్ట్రైకింగ్ ఫోర్స్ మరియు క్విక్ రియాక్షన్ టీమ్ వంటి ప్రత్యేక బృందాలు గస్తీ తిరుగుతాయి. ఎన్నికల ఏజెంట్లు తరచూ పోలింగ్ బూత్లలోకి వెళ్లేందుకు, బయటకు వెళ్లేందుకు పోలీసులు అనుమతించరు. కీలకమైన పోలింగ్ కేంద్రాలపై సివిల్ పోలీసులు నిఘా ఉంచారు.
Also Read: Hyderabad: వరల్డ్ టాప్ 1000 రెస్టారెంట్లలో హైదరాబాద్ రెస్టారెంట్ కు చోటు
Follow us
