BJP Approach High Court: బండి సంజయ్ పాదయాత్రకు నో పర్మిషన్.. కోర్టును ఆశ్రయించిన బీజేపీ

Bandi (1)

తెలంగాణలో రాజకీయాలు మరోసారి వేడెక్కాయి. తెలంగాణ బీజేపీ రాష్ట్ర అధ్యక్షుడు బండిసంజయ్ చేపట్టిన ప్రజాసంగ్రామ యాత్రకు అనుమతి ఇవ్వలేదు పోలీసులు. దీంతో సంజయ్ యాత్రపై సస్పెన్స్ కొనసాగుతోంది. ఈ నేపథ్యంలో పోలీసులు అనుమతి నిరాకరించడంతో హైకోర్టును ఆశ్రయించింది బీజేపీ. ఈ మేరకు హౌస్ మేషన్ పిటిషన్ దాఖలు చేసింది. నిర్మల్ పోలీసులు కావాలనే పాదయాత్ర పర్మిషన్ ఇవ్వడంలేదని పిటిషన్ లో పేర్కొంది. బీజేపీ. వారం రోజుల క్రితం అనుమతి ఇచ్చిన పోలీసులు…ఇప్పుడెందుకు రద్దు చేశారంటూ తీవ్రంగా ఆరోపించింది. అయితే కోర్టు అనుమతించినట్లయితే బండి సంజయ్ పాదయాత్ర ప్రారంభం అవుతుంది. మొత్తానికి ఈ విషయంపై ఇవాళ మధ్యాహ్నం ఓ క్లారిటీ వచ్చే అవకాశం ఉంది.

కాగా షెడ్యూల్ ప్రకారం ఇవాళ బైంసా నుంచి పాదయాత్ర ప్రారంభం కావాల్సి ఉంది. అక్కడ భారీ బహిరంగ సభకు బీజేపీ ప్లాన్ చేసింది.మహారాష్ట్ర డిప్యూటీ సీఎం ఈ సభకు హాజరుకానున్నారు. ఈ నేపథ్యంలోనే నిర్మల్ వెళ్తుండగా ఆదివారం జగిత్యాల జిల్లా వద్ద బండి సంజయ్ న పోలీసులు  అడ్డుకున్న సంగతి తెలిసిందే.

Follow us