Miss World 2025 : మిస్ వరల్డ్ 2025 పోటీలు.. ఏయే రోజు ఏమేం చేస్తారు ?

మిస్ వరల్డ్ 2025 షెడ్యూల్ ఇదీ..

మే 12న

• నాగార్జునసాగర్‌లో ఉన్న బుద్ధవనం ప్రాజెక్టును, బుద్ధిష్ట్ థీమ్ పార్కును ప్రపంచానికి తెలియజేసేలా పర్యటన ఉంటుంది. మిస్ వరల్డ్ పోటీలలో పాల్గొనే అందాల భామలు బుద్ధవనం ప్రాజెక్టును సందర్శిస్తారు.
• హైదరాబాద్ సాంస్కృతిక వారసత్వం గొప్పతనాన్ని ప్రపంచానికి తెలియజేసేలా చార్మినార్ , లాడ్ బజార్‌లలో అందాల భామలు ‘హెరిటేజ్ వాక్’ నిర్వహిస్తారు.

మే 13న

• హైదరాబాద్‌లోని చౌమహల్లా ప్యాలెస్‌ను అందాల భామలు సందర్శిస్తారు. అక్కడ నిర్వహించే లైవ్ మ్యూజిక్ కన్సర్ట్‌ను చూస్తారు.

మే 14న

• గ్రూప్ 1 కేటగిరీలో ఉన్న మిస్ వరల్డ్ పోటీదారులు చారిత్రక, ఆధ్యాత్మిక నగరం వరంగల్‌లోని వేయి స్థంభాల గుడి, వరంగల్ పోర్ట్‌లను సందర్శిస్తారు.
• గ్రూప్ 2 కేటగిరీలో ఉన్న మిస్ వరల్డ్ పోటీదారులు  యునెస్కో వారసత్వ సంపదగా గుర్తింపు పొందిన రామప్ప ఆలయాన్ని సందర్శిస్తారు. అక్కడ పేరిణి నృత్య ప్రదర్శనను తిలకిస్తారు.

మే 15న 

• గ్రూప్ 1 కేటగిరీలోని మిస్ వరల్డ్ పోటీదారులు యాదగిరిగుట్ట ఆలయాన్ని సందర్శిస్తారు.
• గ్రూప్ 2 కేటగిరీలోని మిస్ వరల్డ్ పోటీదారులు హ్యాండ్లూమ్ ఎక్స్‌పీరియన్సల్ టూర్‌లో భాగంగా పోచంపల్లిలో చేనేత వస్త్రాల తయారీని, ప్రదర్శనను తిలకిస్తారు.

• వివిధ దేశాల రోగులను హైదరాబాద్‌కు ఆకర్షించే ఉద్దేశంతో నగరంలోని ఏఐజీ హాస్పిటల్‌లో నిర్వహించే మెడికల్ టూరిజం ఈవెంటుకు గ్రూప్ 1 కేటగిరీ మిస్ వరల్డ్ పోటీదారులు హాజరవుతారు. ఆధునిక ఆస్పత్రుల ప్రత్యేకతలను వారికి వివరిస్తారు.
• గ్రూప్  2 కేటగిరీలోని పోటీదారులు మహబూబ్ నగర్‌లోని పిల్లలమర్రి వృక్షాన్ని సందర్శిస్తారు.
• గ్రూప్ 2 కేటగిరీలోని పోటీదారులు మే 16న సాయంత్రం హైదరాబాద్ నగరంలోని ఎక్స్పీరియన్ ఎకో పార్కును సందర్శిస్తారు.

మే 17న 

• మిస్ వరల్డ్ పోటీదారులు గచ్చిబౌలి ఇండోర్ స్టేడియంలో నిర్వహించే మిస్ వరల్డ్ స్పోర్ట్స్ ఫైనల్ పోటీలలో పాల్గొంటారు.
• ప్రఖ్యాత రామోజీ ఫిలిం సిటీని మిస్ వరల్డ్ పోటీదారులు సందర్శిస్తారు.

మే 18న 

• మిస్ వరల్డ్ పోటీల్లో పాల్గొనే అందాల భామలు తెలంగాణ పోలీస్ ఇంటిగ్రేటెడ్ కమాండ్ అండ్ కంట్రోల్ సెంటర్‌ను సందర్శిస్తారు. పౌరుల భద్రతకు తెలంగాణ ప్రభుత్వం తీసుకుంటున్న చర్యల గురించి తెలుసుకుంటారు. ప్రభుత్వం సేఫ్టీ టూరిజం ఇనీషియేటివ్స్‌ను పరిశీలిస్తారు.
• మిస్ వరల్డ్ పోటీదారులకు తెలంగాణ రాష్ట్ర గ్రోత్, చరిత్రను తెలియజేస్తారు. ట్యాంక్ బండ్‌పై ప్రతి ఆదివారం ఏర్పాటు చేసే సండే – ఫండే కార్నివాల్‌ను సందర్శిస్తారు.

మే 20న 

• మిస్ వరల్డ్ పోటీదారులను కాంటినెంటల్ క్లస్టర్ ఆధారంగా స్ట్రీమ్ లైన్ చేసేందుకు రీజియన్ స్పెసిఫిక్ ఫాస్ట్ ట్రాక్ సెలెక్షన్స్‌ను నిర్వహిస్తారు.
• ఉప్పల్‌లోని రాజీవ్ గాంధీ ఇంటర్నేషనల్ స్టేడియంలో జరగనున్న ఐపీఎల్ మ్యాచ్ కు గ్రూప్ 1 కేటగిరీ అందాల భామలు హాజరవుతారు.

మే 21న 

• గ్రూప్ 2 కేటగిరీ పోటీదారులు శిల్పారామంలో తెలంగాణ కళాకారులు నిర్వహించే ఆర్ట్స్ , క్రాఫ్ట్స్ వర్క్ షాప్‌కు హాజరవుతారు. స్వయంగా వాటి తయారీలో భాగమై, తయారీ ప్రక్రియ గురించి తెలుసుకుంటారు.

మే 22న 

• మిస్ వరల్డ్ టాలెంట్ ఫినాలే లో అందాల భామలు పాల్గొంటారు.

మే 23న 

• హెడ్ టు హెడ్ ఛాలెంజ్ ఫినాలే‌లో అందాల భామలు పాల్గొంటారు.

మే 26న 

• బ్యూటీ విత్ ప్యాషన్ ఈవెంట్‌లో అందాల భామలు పాల్గొంటారు.

మే 31న 

• మిస్ వరల్డ్ గ్రాండ్ ఫినాలేలో అందాల భామలు పాల్గొంటారు. ఛైర్‌ పర్సన్, సీఈఓ జూలియా ఎవెలిన్ మోర్లీకి స్వాగతం పలుకుతారు.