Pawan Kalyan: పవన్ కు ‘కొండగట్టు’ సెంటిమెంట్.. వారాహికి రంగం సిద్ధం!
జనసేన అధినేత (Pawan Kalyan) కొండగట్టులో తన ప్రచార వాహనానికి పూజలు చేయనున్నారు.
- By Balu J Published Date - 02:16 PM, Tue - 17 January 23
నటుడు, జనసేన అధినేత పవన్ కళ్యాణ్ (Pawan Kalyan) కూడా సెంటిమెంట్ ఎక్కువే. జనవరి 24న తెలంగాణలోని ఆంజనేయ స్వామి ఆలయంలో తన ప్రచార వాహనం ‘వారాహి’కి ప్రత్యేక పూజలు చేయనున్నారు. జగిత్యాల జిల్లాలోని కొండగట్టులోని ప్రసిద్ధ ఆలయంలో ప్రచార వాహనానికి పూజలు జరగనున్నాయి. జగిత్యాలలోని ధర్మపురి పట్టణంలోని శ్రీ లక్ష్మీ నరసింహ క్షేత్రం నుండి దర్శించుకోనున్నారు. అయితే 2009లో కరీంనగర్ జిల్లాలో ఎన్నికల ప్రచారం సందర్భంగా పవన్ వాహనంపై హైటెన్షన్ వైర్ పడటంతో తృటిలో తప్పించుకున్నారు. కొండగట్టు (Kondagattu) ఆంజనేయ స్వామి ఆశీర్వాదం వల్లే తాను ప్రాణాలతో బయటపడ్డానని, అందుకే ఈ ఆలయం నుంచే ముఖ్యమైన కార్యక్రమాన్ని ప్రారంభించాలని నిర్ణయించుకున్నానని పవన్ బలంగా అంటున్నాడు.
ఆంధ్రప్రదేశ్లో 2024 ఎన్నికల సమరానికి (AP Elections) సిద్ధమవుతున్న పవన్ కళ్యాణ్ (Pawan Kalyan) గత నెలలో ప్రత్యేకంగా రూపొందించిన ‘వారాహి’ వాహనాన్ని ఆవిష్కరించారు. ప్రచార వాహనంలో హై-సెక్యూరిటీ ఫీచర్లు ఉన్నాయి. ఇందులో పబ్లిక్ అడ్రస్ సిస్టమ్, CCTV కెమెరాలు ఉన్నాయి. హైదరాబాద్లోని ముస్తాబైన ఈ వాహనాన్ని ఉద్దేశించి ‘వారాహి ఎన్నికల సమరానికి సిద్ధంగా ఉన్నాడు’ అని ఇప్పటికే పవన్ కళ్యాణ్ ట్వీట్ చేశారు. మిలటరీ బస్సును తలపించే ఈ వాహనాన్ని పవన్ కళ్యాణ్ (Pawan Kalyan) క్షుణంగా పరిశీలించాడు. సాంకేతిక నిపుణులతో వాహనం వివిధ ఫీచర్లను చర్చించి, కొన్ని మార్పులను సూచించాడు. ఏప్రిల్-మే 2024లో ఎన్నికలు జరగనున్న ఆంధ్రప్రదేశ్ అంతటా ప్రచారం చేయడానికి పవన్ ఈ వాహనాన్ని ఉపయోగిస్తాడు.
ఇక దసరా తర్వాత రాష్ట్రవ్యాప్త పర్యటనను (Political tour) ప్రారంభించాలని అనుకున్నారు. కానీ అదే వాయిదా పడింది. ఇప్పుడు రాబోయే కొద్ది వారాల్లో పవన్ పర్యటనను ప్రారంభించే అవకాశం ఉంది. అయితే ఆలివ్ గ్రీన్ వాహనం నడపడానికి పవన్ కళ్యాణ్ కు అనుమతి లేదని ఆంధ్రప్రదేశ్ రవాణా శాఖ అధికారి ఒకరు చెప్పడంతో వాహనం రంగుపై వివాదం చెలరేగింది. మోటారు వాహన చట్టం ప్రకారం ఆర్మీ సిబ్బందికి తప్ప మరే ప్రైవేట్ వాహనానికి ఆలివ్ గ్రీన్ కలర్ ఉపయోగించరాదని అధికారి తెలిపారు. కాగా అధికార వ్యతిరేక (YCP) ఓట్లు చీలిపోకుండా ఉండేందుకు బీజేపీ, తెలుగుదేశం పార్టీ (టీడీపీ)తో పొత్తు పెట్టుకోవాలని పవన్ కళ్యాణ్ ఆసక్తిగా ఉన్నారు.
Also Read: Online Fraud: ఎనీ డెస్క్ యాప్ డౌన్ లోడ్.. బ్యాంక్ ఖాతాలో 5 లక్షలు మాయం!
Related News
CM Revanth Vs CM Vijayan : మోడీతో కేరళ సీఎం రహస్య డీల్.. తెలంగాణ సీఎం రేవంత్ సంచలన ఆరోపణలు
CM Revanth Vs CM Vijayan : కేరళ సీఎం పినరయి విజయన్పై తెలంగాణ సీఎం రేవంత్ రెడ్డి సంచలన వ్యాఖ్యలు చేశారు.