Rain Alert Today : ఇవాళ తెలంగాణలోని ఈ 20 జిల్లాల్లో వర్షాలు
Rain Alert Today : తెలంగాణలో ఈరోజు, రేపు తేలికపాటి నుంచి మోస్తరు వర్షాలు కురిసే అవకాశం ఉంది.
- By Pasha Published Date - 09:34 AM, Tue - 18 July 23
Rain Alert Today : తెలంగాణలో ఈరోజు, రేపు తేలికపాటి నుంచి మోస్తరు వర్షాలు కురిసే అవకాశం ఉంది. పలు జిల్లాల్లో ఉరుములు మెరుపులుతో కూడిన భారీ వర్షాలు పడే ఛాన్స్ ఉందని హైదరాబాద్ వాతావరణ కేంద్రం అధికారులు తెలిపారు. ఆదిలాబాద్, కొమురం భీం ఆసిఫాబాద్, మంచిర్యాల, నిర్మల్, నిజామాబాద్, జగిత్యాల, రాజన్న సిరిసిల్ల, కరీంనగర్, పెద్దపల్లి, జయశంకర్ భూపాలపల్లి, ములుగు, భద్రాద్రి కొత్తగూడెం, మహబూబాబాద్, వరంగల్, హన్మకొండ, జనగామ, సిద్దిపేట, కామారెడ్డి, హైదరాబాద్, యాదాద్రి భువనగిరి జిల్లాల్లో అక్కడక్కడ భారీ వర్షాలు కురిసే అవకాశం ఉందన్నారు. ఇవాళ హైదరాబాద్ లో ఆకాశం పాక్షికంగా మేఘావృతమై ఉంటుందని చెప్పారు. ఈరోజు(Rain Alert Today) సాయంత్రం లేదా రాత్రి సమయంలో సిటీలో తేలికపాటి నుంచి ఓ మోస్తరు వర్షం లేదా చినుకులు పడే అవకాశం ఉందని తెలిపారు.
Also read : Rs 10000 Crore Drones : 10వేల కోట్లతో 97 మేక్ ఇన్ ఇండియా డ్రోన్లు.. ఎందుకంటే ?
ఆంధ్రప్రదేశ్ లోని ఈ జిల్లాల్లో..
ఈరోజు ఉత్తర కోస్తా, రాయలసీమ, యానాంలోని కొన్ని చోట్ల తేలికపాటి నుంచి మోస్తరు వర్షాలు లేదా ఉరుములతో కూడిన జల్లులు కురిసే అవకాశం ఉంది. కడప జిల్లాలో మొదలైన వర్షాలు నేరుగా తిరుపతి జిల్లాలోకి విస్తరిస్తున్నాయి. రుతుపవనాలు చురుగ్గా కదులుతుండటం వల్ల ఇవాళ సాయంకాలానికి అనంతపురం జిల్లాలోని తూర్పు భాగాల్లో వర్షాలు మొదలయ్యే అవకాశం ఉంది. కడప, నెల్లూరు జిల్లాల్లోని పలు భాగాల్లోకి మరో రెండు గంటల్లో వానలు విస్తరించే ఛాన్స్ ఉంది. శ్రీకాకుళం, విజయనగరం, పార్వతీపురం, అల్లూరి సీతారామరాజు జిల్లాల్లో చినుకులు కొనసాగనున్నాయి.
Also read : Chandy Political Career: కేరళ మాజీ ముఖ్యమంత్రి ఊమెన్ చాందీ రాజకీయ ప్రస్థానం ఇదే..!
Related News
KCR Entered Social Media: సోషల్ మీడియాలోకి ఎంట్రీ ఇచ్చిన మాజీ సీఎం కేసీఆర్..!
ఇప్పటివరకు సోషల్ మీడియా అకౌంట్ వాడని కేసీఆర్ తాజాగా ఎక్స్ (గతంలో ట్విట్టర్), ఇన్స్టాగ్రామ్లోకి ఎంట్రీ ఇచ్చారు.