Divorce Cases : హైదరాబాద్ మరో ఘనత సాధించింది..!!

హైదరాబాద్‌ గత పదేళ్లలో ఎంతగా డెవలప్ అయ్యిందో తెలియంది కాదు..ఎన్నో రికార్డ్స్ సాధించి వార్తల్లో నిలిచింది. తాజాగా మరో ఘనత సాధించింది..అదే విడాకుల కేసుల విషయంలో.. ముఖ్యంగా యువతలో చిన్న గొడవలకే, ఎక్కువ ప్రాధాన్యత లేని అంశాలపై గొడవలు పడుతూ వివాహ బంధానికి ముంగిపు పలుకుతున్నారు. తాజాగా ఫ్యామిలీ కోర్టుల సమాచారం ప్రకారం.. నగరంలో నెలకు సుమారు 250 విడాకుల కేసులు నమోదు అవుతున్నాయి. ఇందులో ఎక్కువ శాతం కేసులు 25 నుంచి 35 ఏళ్ల మధ్య వయసు గల జంటలవి కావడం ప్రత్యేకంగా దృష్టిని ఆకర్షిస్తోంది. చిన్న misunderstandings కూడా పెద్ద సమస్యలుగా మారి, దాని పరిష్కారానికి ప్రయత్నించే ముందే విడిపోవడానికే చాలా మంది ఆసక్తి చూపుతున్నారని నిపుణులు చెబుతున్నారు.

Sanju Samson: సంజు శాంసన్‌కు సీఎస్కే ద్రోహం చేసిందా?

ఈ పరిస్థితికి పలు సామాజిక, ఆర్థిక, మానసిక కారణాలు ఉన్నాయని పరిశీలకులు అభిప్రాయపడుతున్నారు. వేగవంతమైన నగర జీవనం, ఉద్యోగ ప్రెషర్, వ్యక్తిగత స్పేస్‌పై అధిక దృష్టి, సోషల్ మీడియా ప్రభావం, కుటుంబ పెద్దల సలహాలు లేదా మధ్యవర్తిత్వం తగ్గిపోవడం వంటి అంశాలు దాంపత్యాల్లో ఒత్తిడికి దారితీస్తున్నాయి. ముఖ్యంగా “ఎవరికి వారు” అనే భావజాలం పెరిగినందున, సంబంధాల్లో సహనం తగ్గిపోయిందని నిపుణులు అంటున్నారు. ఆర్థిక స్వతంత్రం పెరగడం కూడా మంచి విషయమే అయినప్పటికీ, కొన్నిసార్లు సమస్యలు వచ్చినప్పుడు సులభంగా దూరం కావాలనే ఆలోచనను పెంపొందించిందని వారు విశ్లేషిస్తున్నారు.

నిపుణులు యువ జంటలకు ఒక ముఖ్యమైన సందేశం ఇస్తున్నారు—సహనం, సర్దుబాటు, మరియు స్పష్టమైన కమ్యూనికేషన్ ఏ సంబంధానికైనా ప్రాణం. చిన్న సమస్యలు వచ్చినప్పుడల్లా వెంటనే కోర్టు మెట్లెక్కకుండా, ఇద్దరూ కూర్చొని మాట్లాడుకోవడం, ఒకరి భావాలను మరొకరు అర్థం చేసుకోవడం, అవసరమైతే కౌన్సెలింగ్ తీసుకోవడం ద్వారా దాంపత్య జీవితం సుస్థిరం చేసుకోవచ్చని సూచిస్తున్నారు. వివాహం అనేది కేవలం ఒక సంబంధం కాదు, బంధం—ఆ బంధాన్ని కాపాడుకోవడం కోసం కొంత సహనం, కొంత అవగాహన, కొంత సమయం అవసరం అని చెబుతున్నారు. హైదరాబాద్‌లో పెరుగుతున్న ఈ విడాకుల ధోరణి తగ్గాలంటే సమాజం మొత్తంగా సంబంధాల ప్రాముఖ్యతను మళ్లీ గుర్తించాల్సిన అవసరం ఉంది.